“საქართველოს პროკურორის ორგანოში სტაჟირების გავლის წესის დამტკიცების შესახებ" საქართველოს გენერალური პროკურორის 2004 წლის 10 დეკემბრის №7 ბრძანებით დამტკიცებულ წესში ცვლილებებისა და დამატებების შეტანის შესახებ"

სახელმწიფო სარეგისტრაციო კოდი 010.340.000.39.036.007.814

საქართველოს გენერალური პროკურორის

ბრძანება №23

2005 წლის 25 ოქტომბერი

ქ. თბილისი

„საქართველოს პროკურატურის ორგანოებში სტაჟირების გავლის წესის დამტკიცების შესახებ” საქართველოს გენერალური პროკურორის 2004 წლის 10 დეკემბრის №7 ბრძანებით დამტკიცებულ წესში ცვლილებებისა და დამატებების შეტანის თაობაზე

„პროკურატურის შესახებ” საქართველოს ორგანული კანონის მე-7 მუხლის მე-6 პუნქტის “ო” ქვეპუნქტისა და “ნორმატიული აქტების შესახებ” საქართველოს კანონის 36-ე მუხლის პირველი პუნქტის შესაბამისად, ვბრძანებ:

„საქართველოს პროკურატურის ორგანოებში სტაჟი­რების გავლის წესის დამტკიცების შესახებ” საქართვე­ლოს გენერალური პროკურორის 2004 წლის 10 დეკემბრის №7 ბრძანებით დამტკიცებულ წესში (სსმ III, 10.12.2004, №146, მუხ. 1326) შეტანილ იქნეს შემდეგი ცვლილებები და დამატებები:

1. პირველი მუხლი ჩამოყალიბდეს შემდეგი რედაქ­ციით:

„1. ეს წესი, „პროკურატურის შესახებ” საქართვე­ლოს ორგანული კანონის შესაბამისად, განსაზღვრავს საქართველოს პროკურატურაში სტაჟირების გავლის პირობებს.”.

2. მე-7 მუხლის მე-2 პუნქტი ამოღებულ იქნეს.

3. მე-8 მუხლის:

ა) მე-5 პუნქტის “თ” ქვეპუნქტი ჩამოყალიბდეს შემდეგი რედაქციით:

“თ) სერტიფიკატის ასლი პროკურატურის მუშაკთა საკვალიფიკაციო გამოცდის ჩაბარების შესახებ (ასეთის არსებობის შემთხვევაში).”.

ბ) მე-6 პუნქტს დაემატოს შემდეგი შინაარსის “დ” ქვეპუნქტი:

“დ) სერტიფიკატის ასლი პროკურატურის მუშაკთა საკვალიფიკაციო გამოცდის ჩაბარების შესახებ.”.

4. მე-10 მუხლის მე-2 პუნქტის “ა” ქვეპუნქტი ჩამოყალიბდეს შემდეგი რედაქციით:

“ა) კონკურსის პროგრამას და კონკურსის პირველი ეტაპის (ტესტირების) გავლის პირობებს.”.

5. მე-11 მუხლი ჩამოყალიბდეს შემდეგი რედაქციით:

    „მუხლი 11.

კონკურსის პირველი ეტაპის (ტესტირების) გავლის პირობები ქვეყნდება ამ წესის მე-10 მუხლის მე-2 პუნქტის “ა” ქვეპუნქტის შესაბამისად.”.

6. მე-14 და მე-15 მუხლები ჩამოყალიბდეს შემდეგი რედაქციით:

    „მუხლი 14.

კომისიის თავმჯდომარე ტესტირების ჩატარების დღიდან გონივრულ ვადაში აცნობებს სტაჟიორობის კანდიდატებს ტესტირების შედეგებს.

    მუხლი 15.

სტაჟიორობის კანდიდატის თეორიული ცოდნისა და დასაკავებელი თანამდებობისათვის წაყენებულ მოთხოვნებთან შესაბამისობის შეფასებისათვის ტარდება გასაუბრება.”.

7. მე-19 მუხლს დაემატოს შემდეგი შინაარსის 2¹ პუნქტი:

„21. განსაკუთრებულ შემთხვევაში, კომისიის რე­კომენ­დაციის საფუძველზე, გენერალური პროკურო­რის გადაწყვეტილებით პირი შეიძლება დაინიშნოს სტაჟიორად საქართველოს პროკურატურაში არსებულ ვაკანტურ თანამდებობაზე.”.

8. მე-20 მუხლი ჩამოყალიბდეს შემდეგი რედაქ­ციით:

    „მუხლი 20.

1. საქართველოს პროკურატურაში სტაჟირების საერთო ვადა განისაზღვრება ერთი წლით.

2. სტაჟიორს კომისიის თავმჯდომარე განუსაზღვრავს სტაჟირების გავლის ინდივიდუალურ პროგრამას.

3. განსაკუთრებულ შემთხვევაში, კომისიის რეკომენ­დაციის საფუძველზე, გენერალური პროკურორის ბრძანებით სტაჟიორს შეიძლება ვადაზე ადრე (მაგრამ არა უადრეს 6 თვისა) მოეხსნას სტაჟირება და დაინიშ­ნოს საქართველოს პროკურატურის ორგანოებში ვაკან­ტურ თანამდებობაზე.

4. სტაჟიორს, რომელიც სტაჟირების მიმდინარეობის პროცესში ვერ დააკმაყოფილებს სტაჟიორისათვის წაყენებულ მოთხოვნებს, კომისიის დასკვნის საფუძველ­ზე, გენერალური პროკურორის ბრძანებით, ვადაზე ადრე უწყდება სტაჟირება.

5. სტაჟირების ვადაზე ადრე შეწყვეტის საკითხის განხილ­ვის პროცესში სტაჟიორის მონაწილეობა სა­ვალ­­დებულოა.

6. სამუშაოზე ხანძლივად არყოფნის პერიოდი (ხანძლივ ავადმყოფობასთან დაკავშირებით, სამხედრო შეკრებაზე გაწვევა, ორსულობასთან და მშობიარობასთან დაკავშირებული შვებულება და სხვა) სტაჟირების ვადაში არ ჩაითვლება.

7. სტაჟირების ვადა ითვლება საერთო შრომით სტაჟში.”.

9. 23-ე მუხლის მე-3 პუნქტი ჩამოყალიბდეს შემდეგი რედაქციით:

“3. სტაჟირების ხელმძღვანელი ვალდებულია სტაჟირების დაწყებიდან 6 თვის ვადის გასვლის შემდეგ სტაჟირების მიმდინარეობის შესახებ ინფორმაცია მიაწოდოს საკადრო უზრუნველყოფის დეპარტამენტს.”.

10. 24-ე მუხლი ჩამოყალიბდეს შემდეგი რედაქ­ციით:

    „მუხლი 24.

სტაჟირებას კოორდინაციას უწევს საკადრო უზრუნ­ველ­ყოფის დეპარტამენტი, რომელიც ვალდებულია სტა­ჟირების ხელმძღვანელის მიერ ინფორმაციის მიწოდებიდან ათი დღის ვადაში შეადგინოს დასკვნა სტა­ჟიორზე დაკისრებული უფლება-მოვალეობების შესრუ­ლებასთან დაკავშირებით და წარუდგინოს იგი კომი­სიის თავმჯდომარეს და გენერალურ პროკურორს.”.

11. 25-ე მუხლი ჩამოყალიბდეს შემდეგი რედაქციით:

    „მუხლი 25.

1. სტაჟირების ვადაზე ადრე შეწყვეტის საფუძველი შეიძლება გახდეს:

ა) პირადი განცხადება;

ბ) სტაჟირების პერიოდში არასაპატიო მიზეზით 3 დღის განმავლობაში სამსახურში გამოუცხადებლობა;

გ) დავალების შეუსრულებლობა ან არაჯეროვანი შესრულება;

დ) ამ წესის მე-20 მუხლის მე-3 პუნქტით გათვალის­წინებულ შემთხვევაში პირის ვაკანტურ თანამდებობაზე დანიშვნა;

ე) “პროკურატურის შესახებ” საქართველოს ორგანუ­ლი კანონის 38-ე მუხლით გათვალისწინებული სხვა შემთხვევები.

2. ამ მუხლის პირველი პუნქტის “ა”–”გ” და “ე” ქვეპუნქტებით გათვალისწინებული საფუძვლებით სტაჟირების შეწყვეტის შესახებ გადაწყვეტილებას იღებს გენერალური პროკურორი საკადრო უზრუნველყოფის დეპარტამენტის, საქართველოს გენერალური პროკურა­ტურის გენერალური ინსპექციის ან სტაჟირების ხელ­მძღვანელის წინადადებით.

3. ამ მუხლის პირველი პუნქტის “ა”–”გ” და “ე” ქვეპუნქტებით გათვალისწინებული საფუძვლებით სტა­ჟი­­რე­ბის შეწყვეტის შემთხვევაში, სტაჟიორი საქართვე­ლოს გენერალური პროკურატურის მიერ გაცემულ სამსა­ხურებრივ მოწმობას 3 დღის ვადაში აბარებს საკადრო უზრუნველყოფის დეპარტამენტს.

4. ამ მუხლის პირველი პუნქტით გათვალისწი­ნებული საფუძვლებით სტაჟირების შეწყვეტის შემთხვე­ვაში, სტაჟიორი 3 დღის ვადაში საქართველოს პროკუ­რა­ტურის შესაბამის უფლებამოსილ მუშაკს აბარებს ყველა მატერიალურ სიკეთეს, რაც მას სამსახურებრივი უფლებამოსილების შესრულებასთან დაკავშირებით გადაეცა.

5. ამ მუხლის პირველი პუნქტის “ა” – ”გ” და “ე” ქვეპუნქტებით გათვალისწინებული საფუძვლებით სტაჟირების შეწყვეტის შემთხვევაში სტაჟიორი 3 დღის ვადაში საქართველოს პროკურატურის შესაბამის უფლებამოსილ მუშაკს აბარებს იმ დოკუმენტაციას, რაც მან მოიპოვა სამსახურებრივ საქმიანობასთან დაკავშირებით.”.

12. მე-8 თავი ჩამოყალიბდეს შემდეგი რედაქციით:

„თავი VIII

სტაჟიორთა მიერ სტაჟირების პერიოდში შეძენილი თეორიული და პრაქტიკული გამოცდილების შემოწმება და საქართველოს პროკურატურის რეზერვი

    მუხლი 26.

1. სტაჟირების საერთო ვადის გასვლის შემდეგ კომი­სია ერთი თვის განმავლობაში ახდენს სტაჟიორთა შეფასებას.

2. კომისიას სტაჟიორთა შეფასების შედეგების სა­ფუძ­ველზე გამოაქვს ერთ-ერთი შემდეგი შინაარსის დასკვნა:

ა) პირი სტაჟირების პერიოდში შეძენილი კვალი­ფიკაციითა და უნარ-ჩვევებით შეესაბამება საქართველოს პროკურატურის მუშაკთათვის დადგენილ მოთხოვნებს;

ბ) პირი სტაჟირების პერიოდში შეძენილი კვალიფი­კაციითა და უნარ-ჩვევებით არ შეესაბამება საქართვე­ლოს პროკურატურის მუშაკთათვის დადგენილ მოთ­ხოვნებს.

3. კომისიის თავმჯდომარე გენერალურ პროკურორს წარუდგენს იმ პირების მონაცემებს, რომლებმაც წარმატებით გაიარეს სტაჟირება. აღნიშნული პირები გენერალური პროკურორის ბრძანებით ინიშნებიან შესაბა­მის ვაკანტურ თანამდებობაზე (ასეთის არსებობის შემთხვევაში), ან ირიცხებიან საქართველოს პროკურა­ტურის რეზერვში (შემდგომში – რეზერვი).

4. რეზერვის მიზანს წარმოადგენს პროკურატურის მუშაკთა კანდიდატების შერჩევა საქართველოს პრო­კურატურაში წარმოქმნილი ვაკანსიების დასაკავებლად.

5. პროკურატურის ორგანოებში ვაკანსიის წარმო­შობის შემთხვევაში, რეზერვში ჩარიცხული პირის თან­­ხმობით, კომისიის თავმჯდომარე გენერალურ პროკურორს წარუდგენს რეზერვში ჩარიცხულ იმ პირთა მონაცემებს, რომლებიც აკმაყოფილებენ შესაბამის მოთ­ხოვნებს. გენერალური პროკურორის მიერ კანდიდა­ტის მოწონების შემთხვევაში რეზერვში ჩარიცხული პირი ინიშნება ვაკანტურ თანამდებობაზე.

6. პირი, რომელმაც გაიარა სტაჟირება, საქართვე­ლოს პროკურატურაში არსებულ ვაკანტურ თანამდებო­ბაზე არ ინიშნება, ხოლო რეზერვში ჩარიცხული პირი რეზერვიდან ამოირიცხება:

ა) გარდაცვალების ან უგზო-უკვლოდ დაკარგვის შემთხვევაში;

ბ) მის მიმართ სასამართლოს გამამტყუნებელი გა­ნა­ჩე­ნის კანონიერ ძალაში შესვლის შემთხვევაში;

გ) ალკოჰოლიზმით, ნარკომანიით, ტოქსიკომანიით, ფსი­ქიკური ან სხვა მძიმე ქრონიკული სნეულებით დაა­ვადების შემთხვევაში;

დ) სასამართლოს მიერ ქმედუუნაროდ ან შეზღუდუ­ლი ქმედუნარიანად ცნობის შემთხვევაში;

ე) სხვა სამუშაოდან მაკომპრომეტირებელი საფუძ­ვლით დათხოვნის შემთხვევაში;

ვ) ორი წლის განმავლობაში რეზერვში ჩარიცხული პირის პროკურატურის ორგანოებში დაუნიშნავობის შემთხვევაში, თუ თანამდებობაზე დაუნიშნავობა გამო­წვეულია რეზერვში ჩარიცხული პირის მიზეზით.

7. პირის რეზერვიდან ამორიცხვა ხდება სტაჟირების კომისიის თავმჯდომარის გადაწყვეტილებით.

8. რეზერვში ჩარიცხული პირი, “პროკურატურის შესახებ” საქართველოს კანონის 31-ე მუხლის მე-4 პუნ­ქტის შესაბამისად, ექვემდებარება ატესტაციას.

9. რეზერვში ჩარიცხული პირთა აღრიცხვას აწარ­მოებს საკადრო უზრუნველყოფის დეპარტამენტი.

10. რეზერვში ჩარიცხულ პირს რეზერვში ყოფნის პერიოდი ეთვლება საერთო შრომის სტაჟში.”.

13. ეს ბრძანება ამოქმედდეს გამოქვეყნებისთანავე.

ზ. ადეიშვილი