დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
„საჯარო სამართლის იურიდიული პირის - აჭარის კულტურული მემკვიდრეობის დაცვის სააგენტოს დაფუძნებისა და დებულების დამტკიცების შესახებ“ აჭარის ავტონომიური რესპუბლიკის მთავრობის 2010 წლის 16 ნოემბრის №46 დადგენილებაში ცვლილების შეტანის თაობაზე | |
---|---|
დოკუმენტის ნომერი | 3 |
დოკუმენტის მიმღები | აჭარის ავტონომიური რესპუბლიკის მთავრობა |
მიღების თარიღი | 30/05/2024 |
დოკუმენტის ტიპი | ავტონომიური რესპუბლიკის მთავრობის დადგენილება |
გამოქვეყნების წყარო, თარიღი | ვებგვერდი, 31/05/2024 |
სარეგისტრაციო კოდი | 040030000.32.057.016393 |
|
„საჯარო სამართლის იურიდიული პირის – აჭარის კულტურული მემკვიდრეობის დაცვის სააგენტოს დაფუძნებისა და დებულების დამტკიცების შესახებ“ აჭარის ავტონომიური რესპუბლიკის მთავრობის 2010 წლის 16 ნოემბრის №46 დადგენილებაში ცვლილების შეტანის თაობაზე
|
„აჭარის ავტონომიური რესპუბლიკის ნორმატიული აქტების შესახებ“ აჭარის ავტონომიური რესპუბლიკის კანონის მე-20 მუხლისა და „აჭარის ავტონომიური რესპუბლიკის მთავრობის სტრუქტურის, უფლებამოსილებისა და საქმიანობის წესის შესახებ“ აჭარის ავტონომიური რესპუბლიკის კანონის მე-7 მუხლის შესაბამისად, |
1.
„საჯარო სამართლის იურიდიული პირის – აჭარის კულტურული მემკვიდრეობის დაცვის სააგენტოს დაფუძნებისა და დებულების დამტკიცების შესახებ“ აჭარის ავტონომიური რესპუბლიკის მთავრობის 2010 წლის 16 ნოემბრის №46 დადგენილებით დამტკიცებული საჯარო სამართლის იურიდიული პირის – აჭარის კულტურული მემკვიდრეობის დაცვის სააგენტოს დებულებაში (სსმ, ვებგვერდი, №154, 25/11/2010, სარეგისტრაციო კოდი: 040030000.32.057.016003) შეტანილ იქნეს შემდეგი სახის ცვლილებები:
ა) დებულების მე-6 მუხლის პირველი პუნქტი ჩამოყალიბდეს შემდეგი რედაქციით: „1. სააგენტოს სტრუქტურული ერთეულებია: ა) ადმინისტრაციული განყოფილება; ბ) დაგეგმარებისა და ნებართვების განყოფილება; გ) მონიტორინგისა და ზედამხედველობის განყოფილება; დ) არქეოლოგიურ-არქიტექტურული კომპლექსებისა და არქეოლოგიის განყოფილება, რომელიც მოიცავს შოთა მამულაძის სახელობის სამეცნიერო-კვლევით ცენტრსა და ფიჭვნარის არქეოლოგიურ სამეცნიერო ბაზას; ე) სამეურნეო და ტექნიკური უზრუნველყოფის განყოფილება; ვ) საზოგადოებასთან ურთიერთობისა და საგანმანათლებლო განყოფილება.“; ბ) დებულების მე-6 მუხლის მეორე პუნქტის ,,დ”, ,,ე” და ,,რ” ქვეპუნქტები ამოღებულ იქნეს; გ) დებულების მე-6 მუხლის მესამე პუნქტის ,,თ” ქვეპუნქტი ამოღებულ იქნეს; დ) დებულების მე-6 მუხლის მეხუთე პუნქტი ჩამოყალიბდეს შემდეგი რედაქციით: „5. არქეოლოგიურ-არქიტექტურული კომპლექსების და არქეოლოგიის განყოფილება, რომელიც მოიცავს შოთა მამულაძის სახელობის სამეცნიერო-კვლევით ცენტრს და ფიჭვნარის არქეოლოგიურ სამეცნიერო ბაზას, თავისი კომპეტენციის ფარგლებში: ა) სააგენტოს შემადგენლობაში არსებულ არქეოლოგიურ-არქიტექტურულ კომპლექსებში ახორციელებს სამუზეუმო, საგანმანათლებლო და სამეცნიერო-კვლევით საქმიანობას; ბ) ეწევა თავის სამოქმედო არეალში არსებული კულტურული მემკვიდრეობის უძრავი და მოძრავი ძეგლებისა და ობიექტების დაცვას, მოვლა-პატრონობას, სამუზეუმო ექსპონატების აღრიცხვას, პოპულარიზაციასა და სამეცნიერო-კვლევით საქმიანობას. განსაზღვრავს მათ ისტორიულ, მეცნიერულ და მხატვრულ ღირებულებებს, აწარმოებს მოძიებული მასალის დამუშავებას; გ) აკომპლექტებს, უვლის, იცავს, მეცნიერულად შეისწავლის და პოპულარიზაციას უწევს კულტურული მემკვიდრეობის ობიექტებს და აცნობს მათ ფართო საზოგადოებას; დ) აწარმოებს ფონდების მეცნიერულ აღრიცხვას და დოკუმენტირებას არსებული ინსტრუქციების შესაბამისად; ე) ორგანიზაციას უწევს საფონდო ერთეულთა დაცვისა და შენახვის ოპტიმალური პირობების შექმნას; ვ) შეიმუშავებს არქეოლოგიურ-არქიტექტურული კომპლექსების განვითარების კონცეფციას და თემატურ საექსპოზიციო გეგმას; ზ) არქეოლოგიურ-არქიტექტურული კომპლექსების საქმიანობის განვითარების მიზნით შეიმუშავებს წინადადებებსა და პროექტებს, მათ განსახორციელებლად უზრუნველყოფს შესაბამისი ღონისძიებების გატარებას; თ) მონაწილეობს არქეოლოგიურ-არქიტექტურულ კომპლექსებში ექსპოზიციების განახლებასა და რენოვაციაში და ამზადებს შესაბამის პროექტებს, წინადადებებსა და რეკომენდაციებს; ი) თანამშრომლობს სამუზეუმო სფეროს სხვადასხვა დარგის მოღვაწეებთან, შემოქმედებით კოლექტივებსა და ცალკეულ სპეციალისტებთან, შეიმუშავებს კულტურულ პროგრამებს თავისი საქმიანობის სფეროში, განავითარებს კავშირებს უცხოეთის სამუზეუმო და საზოგადოებრივ სამეცნიერო ცენტრებთან; კ) ატარებს არქეოლოგიურ-არქიტექტურული კომპლექსების ვიზიტორების შესახებ მონაცემთა კვლევას; ლ) გეგმავს და ახორციელებს არქეოლოგიურ სამუშაოებს აჭარის ავტონომიური რესპუბლიკის ტერიტორიაზე; მ) კრებს ინფორმაციას ახალი აღმოჩენების შესახებ, ახორციელებს სამეცნიერო-კვლევით საქმიანობას, ამზადებს გამოსაცემად და აქვეყნებს სამეცნიერო სტატიებს, მონოგრაფიებს, შრომებს, ბუკლეტებს, გზამკვლევებს, კატალოგებს და ა.შ; ნ) უზრუნველყოფს აჭარის ავტონომიური რესპუბლიკის ტერიტორიაზე არსებული არამატერიალური კულტურული მემკვიდრეობის გამოვლენასა და აღწერას, ახდენს იდენტიფიკაციას, დოკუმენტურ (აუდიო, ვიდეო, წერილობით) ფიქსაციას, შენახვასა და დაცვას; ო) ამზადებს საქართველოს კულტურული მემკვიდრეობის დაცვის ეროვნულ სააგენტოში წარსადგენად არამატერიალური კულტურული მემკვიდრეობის ძეგლის სააღრიცხვო ბარათს; პ) ატარებს კულტურული მემკვიდრეობის ძეგლების სარესტავრაციო სამუშაოებს; ჟ) აწარმოებს კულტურული მემკვიდრეობის ძეგლების რესტავრაციის პროცესში სრულ ფოტო და ტექსტურ დოკუმენტაციას, განსაზღვრავს რესტავრაციის შემდეგ კულტურული მემკვიდრეობის ძეგლის განთავსების ოპტიმალურ პირობებს; რ) ხელს უწყობს რესტავრაციის სფეროში ახალი მეთოდიკისა და ტექნოლოგიების დანერგვას; ს) თანამშრომლობს რესტავრაციის სფეროში მოქმედ ადგილობრივ და საერთაშორისო საგანმანათლებლო და სამეცნიერო ორგანიზაციებთან; ტ) ახორციელებს ხელმძღვანელის მითითების საფუძველზე წინამდებარე დებულებით განსაზღვრულ სხვა უფლებამოსილებებს. ე) დებულების მე-6 მუხლს დაემატოს შემდეგი შინაარსის მე-8 პუნქტი: „8. საზოგადოებასთან ურთიერთობისა და საგანმანათლებლო განყოფილება თავისი კომპეტენციის ფარგლებში: ა) ხელს უწყობს სააგენტოს მიერ გამოფენების მოწყობასა და საინფორმაციო მასალების გამოცემას; ბ) უზრუნველყოფს სააგენტოს საქმიანობის შესახებ საზოგადოების ინფორმირებას, ვებგვერდის მართვას და ახორციელებს მასმედიით გაშუქებული მასალების მონიტორინგს; გ) უზრუნველყოფს საერთაშორისო თანამშრომლობის განვითარებისა და გრანტების მოძიების მიზნით შესაბამისი ღონისძიებების გატარებას; დ) შეიმუშავებს და ახორციელებს ადგილობრივი მნიშვნელობის კულტურული მემკვიდრეობის პოპულარიზაციის ღონისძიებებს; ე) გეგმავს და ახორციელებს სხვადასხვა სახის ღონისძიებას, ფესტივალს, საგანმანათლებლო გაკვეთილებსა და შემეცნებით აქტივობებს; ვ) ქმნის საგანმანათლებლო და სასწავლო ბაზას, აორგანიზებს და მონაწილეობს კონფერენციებში, ტრენინგებსა და მასტერკლასებში; ზ) აქვს ურთიერთობა ტურისტულ კომპანიებთან და აწვდის მათ ინფორმაციას ღონისძიებების შესახებ; თ) ახდენს გონიოსა და პეტრას ციხის არქეოლოგიურ-არქიტექტურული კომპლექსების სოციალური გვერდის მართვას; ი) ახდენს არამატერიალური კულტურული მემკვიდრეობის ძეგლების პოპულარიზაციას და ამ გზით ხელს უწყობს კულტურათა მრავალფეროვნების შენარჩუნებას; კ) თანამშრომლობს სამეცნიერო დაწესებულებებთან, ადგილობრივ და საერთაშორისო ორგანიზაციებთან (დარგობრივად); ლ) ახორციელებს ხელმძღვანელის მითითების საფუძველზე წინამდებარე დებულებით განსაზღვრულ სხვა უფლებამოსილებებს. “. |
2.
დადგენილება ამოქმედდეს გამოქვეყნებისთანავე.
|
|
დოკუმენტის კომენტარები