დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
„ავიასამედიცინო ცენტრის, ავიასამედიცინო ექსპერტის სერტიფიცირების და ავიასპეციალისტის სამედიცინო სერტიფიცირების წესის დამტკიცების შესახებ“ სსიპ – სამოქალაქო ავიაციის სააგენტოს დირექტორის 2019 წლის 8 იანვრის №4 ბრძანებაში ცვლილების შეტანის თაობაზე | |
---|---|
დოკუმენტის ნომერი | 107 |
დოკუმენტის მიმღები | სამოქალაქო ავიაციის სააგენტოს დირექტორი |
მიღების თარიღი | 20/05/2024 |
დოკუმენტის ტიპი | სამოქალაქო ავიაციის სააგენტოს დირექტორის ბრძანება |
გამოქვეყნების წყარო, თარიღი | ვებგვერდი, 22/05/2024 |
სარეგისტრაციო კოდი | 310010010.54.066.016339 |
|
„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, ვბრძანებ: |
მუხლი 1 |
„ავიასამედიცინო ცენტრის, ავიასამედიცინო ექსპერტის სერტიფიცირების და ავიასპეციალისტის სამედიცინო სერტიფიცირების წესის დამტკიცების შესახებ“ სსიპ – სამოქალაქო ავიაციის სააგენტოს დირექტორის 2019 წლის 8 იანვრის №4 ბრძანებით დამტკიცებულ „ავიასამედიცინო ცენტრის, ავიასამედიცინო ექსპერტის სერტიფიცირების და ავიასპეციალისტის სამედიცინო სერტიფიცირების წესში“ (www.matsne.gov.ge, 10/01/2019 წ., სარეგისტრაციო კოდი: 310010010.54.066.016148) შეტანილ იქნეს შემდეგი ცვლილება:
1. მე-4 მუხლს დაემატოს შემდეგი შინაარსის „დ1“ ქვეპუნქტი: „დ1) უფლებამოსილია ავიასამედიცინო ცენტრის/ავიასამედიცინო ექსპერტის საქმიანობაზე ზედამხედველობის პროცესში ან სხვა საშუალებებით აღმოჩენილი მტკიცებულების საფუძველზე, პირველი დონის ნაკლოვანების აღმოჩენის შემთხვევაში, გააუქმოს/შეაჩეროს ავიასამედიცინო ცენტრის/ავიასამედიცინო ექსპერტის სერტიფიკატი. აგრეთვე, ვალდებულია გადახედოს ავიასამედიცინო ცენტრის/ავიასამედიცინო ექსპერტის მიერ ბოლო ინსპექტირებიდან ნაკლოვანების აღმოჩენამდე პერიოდში გაცემულ ავიასპეციალისტის სამედიცინო სერტიფიკატებს და გააუქმოს/შეაჩეროს ისინი, თუ დაადგენს, რომ აღნიშნული სერტიფიკატები აქვეითებს ფრენის უსაფრთხოების დონეს ან მას უქმნის სერიოზულ საფრთხეს“; 2. მე-8 მუხლის მე-2 პუნქტის „თ“ ქვეპუნქტი ამოღებულ იქნეს. 3. მე-14 მუხლს დაემატოს შემდეგი შინაარსის მე-8 პუნქტი: „8. სერტიფიკატის გაუქმების შემთხვევაში, ავიასამედიცინო ცენტრი ვალდებულია 3 (სამი) სამუშაო დღის ვადაში გადასცეს სერტიფიკატი სააგენტოს“. 4. მე-15 მუხლის მე-5 პუნქტის „ა“ ქვეპუნქტი ჩამოყალიბდეს შემდეგი რედაქციით: „ა) უნდა ჰქონდეს შენობა და სხვა საშუალებები დაგეგმილი ამოცანების შესრულებისა და საკუთარი საქმიანობის წარმართვისათვის, აღჭურვილი იყოს სერტიფიკატით განსაზღვრული უფლებამოსილების ფარგლებში, გამოკვლევების განსახორციელებლად საჭირო ადეკვატური სამედიცინო ტექნიკური მოწყობილობებით (იხ. დანართი №13)“. 5. მე-19 მუხლის მე-2 პუნქტის „ე“ ქვეპუნქტი ამოღებულ იქნეს. 6. 23-ე მუხლს დაემატოს შემდეგი შინაარსის მე-8 პუნქტი: „8. სერტიფიკატის გაუქმების შემთხვევაში, ავიასამედიცინო ექსპერტი ვალდებულია 3 (სამი) სამუშაო დღის ვადაში გადასცეს სერტიფიკატი სააგენტოს“. 7. 25-ე მუხლის მე-2 პუნქტს დაემატოს შემდეგი შინაარსის „დ“ ქვეპუნქტი: „დ) აწარმოოს განმცხადებელთან კომუნიკაცია ენობრივი ბარიერის გარეშე, საჭიროების შემთხვევაში, მოსთხოვოს განმცხადებელს თარჯიმნის მომსახურება“. 8. 28-ე მუხლის: ა) მე-2 პუნქტის „გ“ ქვეპუნქტი ამოღებულ იქნეს; ბ) დაემატოს შემდეგი შინაარსის მე-3 ქვეპუნქტი: „3. ენობრივი ბარიერის შემთხვევაში, ვალდებულია უზრუნველყოს თარჯიმნის წარმოდგენა ავიასამედიცინო ექსპერტთან“. 9. 31-ე მუხლის მე-5 პუნქტს დაემატოს შემდეგი შინაარსის „დ“ ქვეპუნქტი: „დ) ამ წესის მე-4 მუხლის „დ1“ ქვეპუნქტით გათვალისწინებულ შემთხვევაში“. 10. წესის №1-12 დანართები ჩამოყალიბდეს თანდართული რედაქციით. 11. დაემატოს №13 დანართი თანდართული რედაქციით. |
მუხლი 2 |
ბრძანება ამოქმედდეს გამოქვეყნებისთანავე. |
|
დოკუმენტის კომენტარები