დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
თიანეთის მუნიციპალიტეტის მერიის იურიდიული სამსახურის დებულების დამტკიცების შესახებ | |
---|---|
დოკუმენტის ნომერი | 7 |
დოკუმენტის მიმღები | თიანეთის მუნიციპალიტეტი |
მიღების თარიღი | 30/04/2024 |
დოკუმენტის ტიპი | მუნიციპალიტეტის საკრებულოს დადგენილება |
გამოქვეყნების წყარო, თარიღი | ვებგვერდი, 02/05/2024 |
სარეგისტრაციო კოდი | 010260020.35.154.016527 |
|
თიანეთის მუნიციპალიტეტის მერიის იურიდიული სამსახურის დებულების დამტკიცების შესახებ
|
„ადგილობრივი თვითმმართველობის კოდექსი“ საქართველოს ორგანული კანონის 24-ე მუხლის პირველი პუნქტის გ.ბ“ ქვეპუნქტისა და „ნორმატიული აქტების შესახებ“ საქართველოს ორგანული კანონის 25-ე მუხლის პირველი პუნქტის „ბ“ ქვეპუნქტის საფუძველზე, თიანეთის მუნიციპალიტეტის საკრებულო ადგენს: |
მუხლი 1 |
დამტკიცდეს თიანეთის მუნიციპალიტეტის მერიის იურიდიული სამსახურის დებულება დანართი №1-ის შესაბამისად. |
მუხლი 2 |
ძალადაკარგულად გამოცხადდეს ,,თიანეთის მუნიციპალიტეტის მერიის იურიდიული სამსახურის დებულების დამტკიცების შესახებ“ თიანეთის მუნიციპალიტეტის საკრებულოს 2018 წლის 19 თებერვლის №22 დადგენილება (ვებგვერდი, 27/02/2018, სარეგისტრაციო კოდი: 010260020.35.154.016353). |
მუხლი 3 |
დადგენილება ამოქმედდეს გამოქვეყნებისთანავე. |
|
დანართი №1
|
თიანეთის მუნიციპალიტეტის მერიის იურიდიული სამსახურის დებულება
|
მუხლი
1. ზოგადი
დებულებები
1. თიანეთის მუნიციპალიტეტის მერიის იურიდიული სამსახური (ტექსტში შემდგომ – სამსახური ) არის მუნიციპალიტეტის მერიის პირველადი სტრუქტურული ერთეული , რომელიც უზრუნველყოფს მერისა და მერიის სტრუქტურული ერთეულების სამართლებრივ მომსახურებას , მუნიციპალიტეტის ინტერესების სამართლებრივ დაცვას სასამართლოში , აგრეთვე სახელმწიფო ორგანოებთან , ფიზიკურ და იურიდიულ პირებთან ურთიერთობებისას . 2. სამსახური თავის საქმიანობას წარმართავს მოქმედი კანონმდებლობის , მერიის დებულების , ამ დებულებისა და მუნიციპალიტეტის სხვა სამართლებრივი აქტების შესაბამისად . მუხლი 2. სამსახურის საქმიანობის პრინციპები სამსახურის საქმიანობის პრინციპებია : ა ) საქმიანობა კანონმდებლობის საფუძველზე ; ბ ) საქმიანობის საჯაროობა და გამჭვირვალობა ; გ ) კანონის წინაშე თანასწორობა ; დ ) ეკონომიურობა და ეფექტიანობა ; ე ) დისკრეციული უფლებამოსილების განხორციელება კანონმდებლობის საფუძველზე ; ვ ) მიუკერძოებლობა. მუხლი 3. სამსახურის ფუნქციები მერიის იურიდიული სამსახური უზრუნველყოფს : ა ) მერის , მერიის თანამდებობის პირებისა და სტრუქტურული ერთეულების იურიდიულ კონსულტირებას ; ბ ) მერის დავალების საფუძველზე მერიაში შემუშავებული სამართლებრივი აქტების პროექტების , ადმინისტრაციული გარიგებების , ადმინისტრაციული სამართალდარღვევის ოქმების და სხვა დოკუმენტების სამართლებრივ გამართულობას , მათ შესაბამისობას მოქმედ კანონმდებლობასთან და მუნიციპალიტეტის ნორმატიულ აქტებთან ; გ ) მერის დავალების საფუძველზე საკრებულოში წარსადგენი , სტრუქტურული ერთეულების მიერ მომზადებული სამართლებრივი აქტების პროექტების საბოლოო რედაქტირებასა და შეთანხმებას , რომელთა პროექტი შესაბამისი სტრუქტურული ერთეულის მიერ 5 სამუშაო დღით ადრე სამართლებრივი ექსპერტიზისათვის გაგზავნილი უნდა იქნეს იურიდიული სამსახურისთვის ; დ ) მუნიციპალიტეტის კანონიერი ინტერესების დაცვას სასამართლოში ; ე ) მუნიციპალიტეტის კანონიერი ინტერესების დაცვას სამართლებრივ ურთიერთობებში სახელმწიფო ორგანოებთან , ფიზიკურ და იურიდიულ პირებთან ; ვ ) მერის დავალების შემთხვევაში მოქალაქეთა განცხადებების /საჩივრების განხილვასა და შესაბამისი დასკვნების მომზადებას ; ზ ) მერიის სტრუქტურული ერთეულების მიერ მომზადებული ცალკეული საკითხების განხილვას და დასკვნის მომზადებას საქართველოს კანონმდებლობასთან შესაბამისობის თაობაზე , რომელთა შესახებ შესაბამისი სტრუქტურული ერთეული 5 სამუშაო დღით ადრე მიმართავს იურიდიულ სამსახურს . თ ) დასახლების საერთო კრების მოწვევისა და საქმიანობის ხელშეწყობის მიზნით სამართლებრივ საკითხებზე კონსულტაციების გაწევას ; ი ) მოქმედი კანონმდებლობით , მერიის დებულებით და მუნიციპალიტეტის სხვა სამართლებრივი აქტებით განსაზღვრული ფუნქციების განხორციელებას . კ ) სხვა სამსახურებთან ერთად თიანეთის მუნიციპალიტეტის მერიის საქმიანობის მარეგულირებელი სამართლებრივი აქტების სრულყოფის შესახებ წინადადებების და პროექტების მომზადება . ლ ) სამსახურში შემოსული ადმინისტრაციულ -სამართლებრივი აქტებისა და სხვა დოკუმენტების (ასევე დოკუმენტების პროექტების ) სამართლებრივი ანალიზი და მათი სრულყოფის თაობაზე წინადადებების მომზადება . მ ) მერიის მიერ შექმნილი იურიდიული პირების რეორგანიზაციისა და ლიკვიდაციის პროცესის ორგანიზაციულ -სამართლებრივ უზრუნველყოფას . მუხლი 4. სამსახურის სტრუქტურა და შემადგენლობა 1.სამსახური შედგება სამსახურის უფროსისა და საჯარო მოხელეებისაგან . 2. სამსახურის უფროსი : ა ) ხელმძღვანელობს , ორგანიზებას და კოორდინაციას უწევს სამსახურს , რომელსაც „საჯარო სამსახურის შესახებ “ საქართველოს კანონით დადგენილი წესით თანამდებობაზე ნიშნავს და თანამდებობიდან ათავისუფლებს მერი . ბ ) წარმართავს სამსახურის საქმიანობას და პასუხისმგებელია ამ სამსახურისათვის დაკისრებული ამოცანებისა და ფუნქციების შესრულებისათვის ; გ ) ანაწილებს დავალებებს სამსახურის საჯარო მოხელეებს შორის ; დ ) განსაზღვრავს სამსახურის საჯარო მოხელეთა თანამდებობრივ მოვალეობებს ; ე ) მერს წარუდგენს წინადადებებს სამსახურის საკადრო საკითხებთან დაკავშირებით , მათ შორის , საჯარო მოხელეთა წახალისების , დისციპლინური პასუხისმგებლობის ზომების შეფარდების , შვებულების , სამსახურებრივი მივლინებისა და პროფესიული განვითარების თაობაზე „საჯარო სამსახურის შესახებ “ საქართველოს კანონით დადგენილი წესით ; ვ ) მერს წარუდგენს სამსახურის მიერ მომზადებულ საკითხებს , წინადადებებს , დასკვნებსა და რეკომენდაციებს ; ზ ) აფასებს სამსახურის მოხელეთა ანგარიშებს გაწეული საქმიანობის შესახებ ; თ ) უზრუნველყოფს საჯარო მოსამსახურეთათვის სამსახურებრივი მოვალეობების შესასრულებლად აუცილებელი პირობების შექმნას ; ი ) უზრუნველყოფს სამსახურის საჯარო მოსამსახურეთა მიერ მერიის შინაგანაწესისა და შრომის დისციპლინის დაცვას ; კ ) ახორციელებს საქართველოს კანონმდებლობით , მერიის დებულებითა და ამ დებულებით განსაზღვრულ სხვა უფლებამოსილებებს . ლ ) სამსახურის უფროსი ანგარიშვალდებულია მერის წინაშე . მ ) სამსახურის უფროსის არყოფნის შემთხვევაში , მერის ბრძანებით , მისი ფუნქციების შესრულება ეკისრება სამსახურის ერთ -ერთ მოხელეს . 3. სამსახურის მოხელე : ა ) სამსახურის მოხელეს ,,საჯარო სამსახურის შესახებ საქართველოს კანონის შესაბამისად , თანამდებობაზე ნიშნავს და თანამდებობიდან ათავისუფლებს მერი . ბ ) საქმიანობა წარმართოს კანონმდებლობის , მერიის დებულებისა და ამ დებულების , აგრეთვე , მუნიციპალიტეტის სხვა სამართლებრივი აქტების შესაბამისად ; გ ) ასრულებს უშუალო ხელმძღვანელის დავალებებს ; დ ) განუხრელად იცავს და ასრულებს მერიის შინაგანაწესის მოთხოვნებს ; ე ) ზრუნავს კვალიფიკაციის ამაღლებისათვის ; ვ ) ვალდებულია გაუფრთხილდეს მერიის ქონებას , არ დაუშვას მისი არადანიშნულებით გამოყენება ; ზ ) შეასრულოს საქართველოს კანონმდებლობით და მუნიციპალიტეტის სამართლებრივი აქტებით განსაზღვრული სხვა მოვალეობები . მუხლი 5. სამსახურის დებულების დამტკიცება და ცვლილების შეტანა 1. სამსახურის დებულებას მერის წარდგინებით ამტკიცებს საკრებულო . 2. სამსახურის დებულებაში ცვლილების შეტანა შეიძლება განხორციელდეს საქართველოს კანონმდებლობით დადგენილი წესით . |
დოკუმენტის კომენტარები