დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
„2024 წლის ჯანმრთელობის დაცვის სახელმწიფო პროგრამების დამტკიცების შესახებ“ საქართველოს მთავრობის 2023 წლის 29 დეკემბრის №529 დადგენილებაში ცვლილების შეტანის თაობაზე | |
---|---|
დოკუმენტის ნომერი | 131 |
დოკუმენტის მიმღები | საქართველოს მთავრობა |
მიღების თარიღი | 08/04/2024 |
დოკუმენტის ტიპი | საქართველოს მთავრობის დადგენილება |
გამოქვეყნების წყარო, თარიღი | ვებგვერდი, 08/04/2024 |
სარეგისტრაციო კოდი | 470000000.10.003.024524 |
|
მუხლი 1 |
„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, „2024 წლის ჯანმრთელობის დაცვის სახელმწიფო პროგრამების დამტკიცების შესახებ“ საქართველოს მთავრობის 2023 წლის 29 დეკემბრის №529 დადგენილებაში (www.matsne.gov.ge, 29/12/2023, 470000000.10.003.024362) შეტანილ იქნეს ცვლილება და:
1. დადგენილების მე-10 მუხლი ამოღებულ იქნეს. 2. დადგენილებით დამტკიცებული „2024 წლის ჯანმრთელობის დაცვის სახელმწიფო პროგრამების“: ა) №3 დანართის (ეპიდზედამხედველობა) მე-8 მუხლი ჩამოყალიბდეს შემდეგი რედაქციით: „მუხლი 8. პროგრამის ბიუჯეტი პროგრამის ბიუჯეტი განისაზღვრება 2 700.0 ათასი ლარით, შემდეგი ცხრილის შესაბამისად:
.“; ბ) №11 დანართის (საზოგადოებრივი ჯანმრთელობის დაცვის ღონისძიებების დელეგირებული უფლებამოსილების განხორციელების ხელშეწყობა): ბ.ა) მე-3 მუხლის „ა“ ქვეპუნქტი ამოღებულ იქნეს; ბ.ბ) მე-4 მუხლი ჩამოყალიბდეს შემდეგი რედაქციით: „მუხლი 4. დაფინანსების მეთოდოლოგია და ანაზღაურების წესი 1. პროგრამით გათვალისწინებული მომსახურების ანაზღაურება განხორციელდება საქართველოს ფინანსთა მინისტრისა და საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის ერთობლივი ბრძანებით დამტკიცებული „საზოგადოებრივი ჯანმრთელობის დელეგირებული უფლებამოსილების შესასრულებლად მუნიციპალიტეტებისთვის მიზნობრივი ტრანსფერის გაანგარიშების მეთოდოლოგიისა და გაცემის წესის“ შესაბამისად, კვარტალურად მუნიციპალიტეტისთვის დანართ №11.1-ით განსაზღვრული ბიუჯეტის 1/4-ის ოდენობით. 2. მცხეთა-მთიანეთის რეგიონში დევნილთა კომპაქტურ ჩასახლებაში საზოგადოებრივი ჯანმრთელობის დელეგირებული უფლებამოსილების შესასრულებლად, ახალგორის მუნიციპალიტეტის გამგეობა ზემოაღნიშნული წესისგან განსხვავებული პირობებით, გამონაკლისის სახით, ყოველ კვარტალურად დაფინანსდება 15 ათასი ლარის ოდენობით.“;
ბ.გ) მე-7 მუხლი ჩამოყალიბდეს შემდეგი რედაქციით: „მუხლი 7. პროგრამის ბიუჯეტი პროგრამის ბიუჯეტი – 14.195.0 ათასი ლარი.“; ბ.დ) დანართი №11.1 ჩამოყალიბდეს შემდეგი რედაქციით: „დანართი №11.1
“. |
მუხლი 2 |
დადგენილება ამოქმედდეს გამოქვეყნებისთანავე.
|
|
დოკუმენტის კომენტარები