დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
„აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტროს დებულების დამტკიცების შესახებ“ აფხაზეთის ავტონომიური რესპუბლიკის მთავრობის 2021 წლის 22 მარტის №15 დადგენილებაში ცვლილებების შეტანის შესახებ | |
---|---|
დოკუმენტის ნომერი | 6 |
დოკუმენტის მიმღები | აფხაზეთის ავტონომიური რესპუბლიკის მთავრობა |
მიღების თარიღი | 28/03/2024 |
დოკუმენტის ტიპი | ავტონომიური რესპუბლიკის მთავრობის დადგენილება |
გამოქვეყნების წყარო, თარიღი | ვებგვერდი, 01/04/2024 |
სარეგისტრაციო კოდი | 010340000.32.061.016384 |
|
„აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტროს დებულების დამტკიცების შესახებ“ აფხაზეთის ავტონომიური რესპუბლიკის მთავრობის 2021 წლის 22 მარტის №15 დადგენილებაში ცვლილებების შეტანის შესახებ
|
მუხლი 1 |
„ნორმატიული აქტების შესახებ“ საქართველოს ორგანული კანონის მე-20 მუხლისა და „ნორმატიული აქტების შესახებ“ აფხაზეთის ავტონომიური რესპუბლიკის კანონის მე-18 მუხლის შესაბამისად, „აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტროს დებულების დამტკიცების შესახებ“ აფხაზეთის ავტონომიური რესპუბლიკის მთავრობის 2021 წლის 22 მარტის №15 დადგენილებით („საქართველოს საკანონმდებლო მაცნე“ ვებგვერდი, 22/03/2021, სარეგისტრაციო კოდი: 010340000.32.061.016338) დამტკიცებულ დებულებაში შეტანილ იქნეს შემდეგი სახის ცვლილებები:
1. დებულების მე-2 მუხლის პირველ პუნქტს დაემატოს შემდეგი შინაარსის ,,დ“ ქვეპუნქტი: „დ) მართვის უფლებით გადაცემულ სამეწარმეო სამედიცინო დაწესებულებებში პარტნიორის უფლებამოსილების განხორციელება;“. 2. დებულების მე-2 მუხლის მე-4 პუნქტს დაემატოს შემდეგი შინაარსის „დ1“ ქვეპუნქტი: „დ1) უზრუნველყოს მართვის უფლებით გადაცემულ, აფხაზეთის ავტონომიური რესპუბლიკის 100%-იანი წილობრივი მონაწილეობით მოქმედ სამეწარმეო სამედიცინო დაწესებულებებში პარტნიორის უფლებამოსილების განხორციელება;“. 3. დებულების მე-3 მუხლის მე-4 პუნქტი ჩამოყალიბდეს შემდეგი რედაქციით: „4. სამინისტრო მის სისტემაში შემავალი არასამეწარმეო (არაკომერციული) იურიდიული პირის ა(ა)იპ – აფხაზეთის სამედიცინო დაწესებულებებთან კოორდინაციის სააგენტოს მეშვეობით უზრუნველყოფს საბერიოს საექიმო ამბულატორიის, სამინისტროს სისტემაში შემავალი ა(ა)იპ – გალის ცენტრალური რაიონული საავადმყოფოს, ა(ა)იპ – გალის რაიონის სოფ. ნაბაკევის საექიმო ამბულატორიის, ა(ა)იპ – გალის რაიონის სოფ. ოტობაიას საექიმო ამბულატორიის, ა(ა)იპ – გალის რაიონის სოფ. ზემო ბარღების საექიმო ამბულატორიის, ა(ა)იპ – გალის რაიონის სოფ. რეფის საექიმო ამბულატორიისა და ა(ა)იპ – ზემო აფხაზეთის საავადმყოფოს საქმიანობის კოორდინაციასა და მართვას.“. 4. დებულების მე-4 მუხლის პირველი პუნქტიდან ,,გ.ა“ ქვეპუნქტი ამოღებულ იქნეს; 5. დებულების მე-4 მუხლს დაემატოს შემდეგი შინაარსის მე-4 პუნქტი: „4. სამეწარმეო სამედიცინო დაწესებულებების მართვის დეპარტამენტი.“; 6. დებულების მე-5 მუხლის მე-2 პუნქტს დაემატოს შემდეგი შინაარსის „მ1“ ქვეპუნქტი: „მ1) ნიშნავს და ათავისუფლებს სამეწარმეო სამედიცინო დაწესებულებების ხელმძღვანელ პირებს, დებს და წყვეტს მათთან ხელშეკრულებებს, ამტკიცებს მათ ანგარიშებს;“; 7. დებულებას დაემატოს შემდეგი შინაარსის 101 მუხლი: „მუხლი 101. სამეწარმეო სამედიცინო დაწესებულებების მართვის დეპარტამენტი სამეწარმეო სამედიცინო დაწესებულებების მართვის დეპარტამენტის ძირითადი ამოცანები და კომპეტენციაა: ა) „მეწარმეთა შესახებ“ საქართველოს კანონით განსაზღვრული პარტნიორის უფლებამოსილებების განხორციელება და ხელშეწყობა მართვის უფლებით გადაცემულ სამედიცინო საწარმოებში; ბ) პარტნიორის უფლებამოსილებებს მიკუთვნებული საკითხების კონტროლი; შესაბამისი გადაწყვეტილებების პროექტების მომზადება; გ) სამედიცინო საწარმოების წესდებით გათვალისწინებული ამოცანების რეალიზაციის ხელშეწყობა, საწარმოში გარე კაპიტალის მოზიდვა და მართვის ეფექტურობის ამაღლება; დ) სამეწარმეო სამედიცინო დაწესებულებებიდან ინფორმაციისა და ანგარიშის მიღება გაწეული საქმიანობის შესახებ, მათი განხილვა და საჭირო გადაწყვეტილების მიღება; ე) მართვაში არსებული სამეწარმეო სამედიცინო დაწესებულებების ფინანსური ანგარიშგებების გაანალიზება აუდიტორულ დასკვნებთან ერთად, ამ საწარმოთა მიმართ კონკრეტული წინადადებისა და რეკომენდაციების შემუშავება; ვ) სამეწარმეო სამედიცინო დაწესებულებების ბიზნესგეგმის პროექტების განხილვა და დასკვნების მომზადება; ზ) სამეწარმეო სამედიცინო დაწესებულებებიდან შემოსული ფაქტობრივად მიღებული მოგების განაწილების თაობაზე წინადადებების განხილვა, საჭიროების შემთხვევაში მათში კორექტივების შეტანა და ხელმძღვანელობისათვის წარდგენა; თ) სამეწარმეო სამედიცინო დაწესებულებების მიერ დამტკიცებული ბიზნესგეგმის შესრულების მიმდინარეობაზე მონიტორინგი, საწარმოების ფინანსური ანგარიშების მიღება, მათი ანალიზი და ამის საფუძველზე, საჭიროების შემთხვევაში საწარმოებისათვის შესაბამისი ინფორმაციის მომზადება და ხელმძღვანელობისათვის წარდგენა; ი) კანონმდებლობით გათვალისწინებული სხვა ფუნქციების შესრულება.“. 8. დებულების მე-13 მუხლი ამოღებულ იქნეს. |
მუხლი 2 |
ამ დადგენილების ძალაში შესვლასთან დაკავშირებით აფხაზეთის ავტონომიური რესპუბლიკის ფინანსთა და ეკონომიკის სამინისტრომ (ლ. თევზაია) უზრუნველყოს შესაბამისი ცვლილებების ასახვა „აფხაზეთის ავტონომიური რესპუბლიკის 2024 წლის რესპუბლიკური ბიუჯეტის შესახებ“ აფხაზეთის ავტონომიური რესპუბლიკის კანონში. |
მუხლი 3 |
1. ეს დადგენილება, გარდა ამ დადგენილების პირველი მუხლის მე-5, მე-6 და მე-7 პუნქტებისა, ამოქმედდეს გამოქვეყნებისთანავე.
2. ამ დადგენილების პირველი მუხლის მე-5, მე-6 და მე-7 პუნქტები ამოქმედდეს 2024 წლის 14 მაისიდან. |
|
დოკუმენტის კომენტარები