დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
„დიპლომატიური სამსახურის გავლის წესის დამტკიცების შესახებ" საქართველოს საგარეო საქმეთა მინისტრის 2019 წლის 2 მაისის N01-74 ბრძანებაში ცვლილების შეტანის თაობაზე | |
---|---|
დოკუმენტის ნომერი | 01-116 |
დოკუმენტის მიმღები | საქართველოს საგარეო საქმეთა მინისტრი |
მიღების თარიღი | 22/03/2024 |
დოკუმენტის ტიპი | საქართველოს მინისტრის ბრძანება |
გამოქვეყნების წყარო, თარიღი | ვებგვერდი, 26/03/2024 |
სარეგისტრაციო კოდი | 480040000.22.030.016291 |
|
,,დიპლომატიური სამსახურის გავლის წესის დამტკიცების შესახებ“ საქართველოს საგარეო საქმეთა მინისტრის 2019 წლის 2 მაისის №01-74 ბრძანებაში ცვლილების შეტანის თაობაზე
|
„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის საფუძველზე, ვბრძანებ: |
1.
,,დიპლომატიური სამსახურის გავლის წესის დამტკიცების შესახებ’’ საქართველოს საგარეო საქმეთა მინისტრის 2019 წლის 2 მაისის №01-74 ბრძანებით (ვებგვერდი, 03/05/2019, სარეგისტრაციო კოდი: 480040000.22.030.016194) დამტკიცებულ წესში შეტანილ იქნეს შემდეგი სახის ცვლილება:
ა) მე-18 მუხლის მე-4 პუნქტი ჩამოყალიბდეს შემდეგი რედაქციით: ,,4. საქმეთა დროებითი რწმუნებული ან საკონსულო დაწესებულების ხელმძღვანელის მოვალეობის შემსრულებელი შეიძლება იყოს შესაბამისი დიპლომატიური წარმომადგენლობის ან საკონსულო დაწესებულების დიპლომატიური თანამდებობის პირი, აგრეთვე ამ მუხლის მე-8 პუნქტით განსაზღვრული დიპლომატიური თანამდებობის პირი.“; ბ) ამოღებულ იქნეს მე-18 მუხლის მე-6 პუნქტი; გ) მე-18 მუხლს დაემატოს მე-8 და მე-9 პუნქტები შემდეგი რედაქციით: ,,8. დიპლომატიური წარმომადგენლობის ხელმძღვანელის თანამდებობაზე ვაკანსიის არსებობისას, განსაკუთრებულ შემთხვევაში, მინისტრი უფლებამოსილია საქმეთა დროებით რწმუნებულად, როტაციის წესით, გრძელვადიანი სამუშაო მივლინებით წარგზავნოს შესაბამისი კვალიფიკაციის მქონე, სამინისტროს ცენტრალურ აპარატში დანიშნული დიპლომატიური თანამდებობის პირი. 9. ამ მუხლის მე-8 პუნქტით განსაზღვრული საქმეთა დროებითი რწმუნებული და მისი ოჯახის წევრები სარგებლობენ ყველა იმ პირობებით/უფლებებით, რითაც სარგებლობენ საზღვარგარეთ დიპლომატიური წარმომადგენლობის ხელმძღვანელები და მათი ოჯახის წევრები, საქართველოს კანონმდებლობით დადგენილი წესით.“. |
2.
ბრძანება ამოქმედდეს გამოქვეყნებისთანავე. |
|
დოკუმენტის კომენტარები