“საქართველოს შინაგან საქმეთა სამინისტროს ქ. თბილისის შინაგან საქმეთა მთავარი სამმართველოს დებულების დამტკიცების შესახებ” “საქართველოს შინაგან საქმეთა მინისტრის 2005 წლის №368 ბრძანებაში ცვლილებისა და დამატების შეტანის შესახებ”

სახელმწიფო სარეგისტრაციო კოდი 010.240.020.22.034.007.666

საქართველოს შინაგან საქმეთა მინისტრის

ბრძანება №877

2005 წლის 26 აგვისტო

ქ. თბილისი

„საქართველოს შინაგან საქმეთა სამინისტროს ქ. თბილისის შინაგან საქმეთა მთავარი სამმართველოს დებულების დამტკიცების შესახებ” საქართველოს შინაგან საქმეთა მინისტრის 2005 წლის 25 აპრილის №368 ბრძანებაში ცვლილების და დამატების შეტანის თაობაზე

„ნორმატიული აქტების შესახებ” საქართველოს კანონის 36-ე მუხლის პირველი პუნქტისა და „საქართველოს შინაგან საქმეთა სამინისტროს დებულების დამტკიცების შესახებ” საქართველოს პრეზიდენტის 2004 წლის 27 დეკემბრის №614 ბრძანებულებით დამტკიცებული დებულების მე-11 პუნქტის „ა” და „ნ” ქვეპუნქტების საფუძველზე, ვბრძანებ:

1. „საქართველოს შინაგან საქმეთა სამინისტროს ქ. თბილისის შინაგან საქმეთა მთავარი სამმართველოს დებულების დამტკიცების შესახებ” საქართველოს შინაგან საქმეთა მინისტრის 2005 წლის 25 აპრილის №368 ბრძანებით (სსმ III, 25.04. 2005 წ., №49 მუხ.510) დამტკიცებულ დებულებაში შეტანილ იქნეს შემდეგი ცვლილება:

1. დებულების მე-11 მუხლი ჩამოყალიბდეს შემდეგი რედაქციით:

    „მუხლი 11

მთავარი სამმართველოს სტრუქტურული ერთეულებია:

ა) მთავარი სამმართველოს აპარატი;

ბ) სისხლის სამართლის სამძებრო სამმართველო;

გ) კადრებისა და პირად შემადგენლობასთან მუშაობის სამსახური;

დ) სამეურნეო და ფინანსური უზრუნველყოფის სამსახური;

ე) სადღეღამისო ჯანპუნქტი;

ვ) საორგანიზაციო-ანალიტიკური განყოფილება;

ზ) გლდანი-ნაძალადევის შს სამმართველო;

თ) დიდუბე-ჩუღურეთის შს სამმართველო;

ი) ვაკე-საბურთალოს შს სამმართველო;

კ) ისანი-სამგორის შს სამმართველო;

ლ) მთაწმინდა-კრწანისის შს სამმართველო.“.

2. დებულებას დაემატოს შემდეგი შინაარსის მე-17 მუხლი:

    „მუხლი 17

საორგანიზაციო-ანალიტიკური განყოფილების ფუნქციებია:

ა) მთავარი სამმართველოს საგამოძიებო დანაყოფებისადმი მეთოდური საორგანიზაციო და ანალიტიკური ფუნქციების განხორციელება;

ბ) მთავარი სამმართველოს საგამოძიებო დანაყოფებში სხვადასხვა დანაშაულთა გამოძიების მეთოდიკის შესწავლა და განზოგადება, პოზიტიური პრაქტიკის დანერგვა;

გ) მთავარ სამმართველოში არსებული საჭირო მონაცემების ინფორმაციულ ბანკში კონცენტრირება, სტატისტიკური ანგარიშების უზრუნველყოფა;

დ) მთავარი სამმართველოს საგამოძიებო დანაყოფების მოსამსახურეთა მიერ ჩადენილი მართლსაწინააღმდეგო ქმედებების შესახებ სამინისტროს გენერალური ინსპექციისათვის ინფორმაციისა და შესაბამისი მასალების დაუყოვნებლივი მიწოდება;

ე) მთავარი სამმართველოს უფროსთან შეთანხმებით, თავისი კომპეტენციის ფარგლებში სახელმწიფო დაწესებულებებთან, არასამთავრობო ორგანიზაციებთან და მასობრივი ინფორმაციის საშუალებებთან თანამშრომლობა.“.

2. ბრძანება ამოქმედდეს გამოქვეყნებისთანავე.

ი. მერაბიშვილი