„პროფესიული საჯარო მოხელეების თანამდებობათა დასახელებებისა და იერარქიულ რანგეში განაწილების წესის, შესაბამისი იერარქიული რანგისთვის მიკუთვნებული მოხელეთა თანამდებობების იერარქიული ჩამონათვალის განსაზღვრის შესახებ“ საქართველოს მთავრობის 2017 წლის 26 აპრილის №215 დადგენილებაში ცვლილების შეტანის თაობაზე

დოკუმენტის სტრუქტურა

განმარტებების დათვალიერება

დაკავშირებული დოკუმენტები

დოკუმენტის მონიშვნები

„პროფესიული საჯარო მოხელეების თანამდებობათა დასახელებებისა და იერარქიულ რანგეში განაწილების წესის, შესაბამისი იერარქიული რანგისთვის მიკუთვნებული მოხელეთა თანამდებობების იერარქიული ჩამონათვალის განსაზღვრის შესახებ“ საქართველოს მთავრობის 2017 წლის 26 აპრილის №215 დადგენილებაში ცვლილების შეტანის თაობაზე
დოკუმენტის ნომერი	55
დოკუმენტის მიმღები	საქართველოს მთავრობა
მიღების თარიღი	29/02/2024
დოკუმენტის ტიპი	საქართველოს მთავრობის დადგენილება
გამოქვეყნების წყარო, თარიღი	ვებგვერდი, 01/03/2024
სარეგისტრაციო კოდი	010320000.10.003.024447

PDF გადმოწერა

„პროფესიული საჯარო მოხელეების თანამდებობათა დასახელებებისა და იერარქიულ რანგეში განაწილების წესის, შესაბამისი იერარქიული რანგისთვის მიკუთვნებული მოხელეთა თანამდებობების იერარქიული ჩამონათვალის განსაზღვრის შესახებ“ საქართველოს მთავრობის 2017 წლის 26 აპრილის №215 დადგენილებაში ცვლილების შეტანის თაობაზე

მუხლი 1

„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, „პროფესიული საჯარო მოხელეების თანამდებობათა დასახელებებისა და იერარქიულ რანგებში განაწილების წესის, შესაბამისი იერარქიული რანგისთვის მიკუთვნებული მოხელეთა თანამდებობების იერარქიული ჩამონათვალის განსაზღვრის შესახებ“ საქართველოს მთავრობის 2017 წლის 26 აპრილის №215 დადგენილებაში (www.matsne.gov.ge, 28/04/2017, 010320000.10.003.019924) შეტანილ იქნეს ცვლილება და დადგენილებით დამტკიცებული „პროფესიული საჯარო მოხელეების თანამდებობათა დასახელებებისა და იერარქიულ რანგებში განაწილების წესის, შესაბამისი იერარქიული რანგისთვის მიკუთვნებულ მოხელეთა თანამდებობების იერარქიული ჩამონათვალის“:

1. მე-2 მუხლის პირველი პუნქტის „ე“ ქვეპუნქტის შემდგომ დაემატოს შემდეგი შინაარსის „ვ“ ქვეპუნქტი:

„ვ) საგანმანათლებლო რესურსცენტრის უფროსი და მისი მოადგილე − საქართველოს განათლების, მეცნიერებისა და ახალგაზრდობის სამინისტროს ტერიტორიული ორგანოს − საგანმანათლებლო რესურსცენტრის უფროსი და მისი მოადგილე ან აჭარის ავტონომიური რესპუბლიკის განათლების, კულტურისა და სპორტის სამინისტროს ტერიტორიული ორგანოს − რესურსცენტრის უფროსი და მისი მოადგილე ან აფხაზეთის ავტონომიური რესპუბლიკის განათლებისა და კულტურის სამინისტროს ტერიტორიული ორგანოს − საგანმანათლებლო რესურსცენტრის უფროსი და მისი მოადგილე.“.

2. მე-5 მუხლის მე-2 პუნქტი ჩამოყალიბდეს შემდეგი რედაქციით:

„2. მეორე რანგს ანუ საშუალო მმართველობით დონეს შეესაბამება საჯარო დაწესებულების პირველადი სტრუქტურული ერთეულის ხელმძღვანელის მოადგილის, საჯარო დაწესებულების მეორადი სტრუქტურული ერთეულის ხელმძღვანელის, საგანმანათლებლო რესურსცენტრის უფროსისა და მისი მოადგილის თანამდებობა.“.

3. მე-6 მუხლის „გ“ ქვეპუნქტი ჩამოყალიბდეს შემდეგი რედაქციით:

„გ) საჯარო დაწესებულების მეორადი სტრუქტურული ერთეულის ხელმძღვანელის, საგანმანათლებლო რესურსცენტრის უფროსისა და მისი მოადგილის თანამდებობა;“.

4. მე-7 მუხლის მე-2 პუნქტით გათვალისწინებული დანართის 2.2 გრაფის შემდგომ დაემატოს შემდეგი შინაარსის 2.2¹გრაფა:

„2.2¹

საგანმანათლებლო რესურსცენტრის უფროსი და

მისი მოადგილე

1. ახდენს საგანმანათლებლო რესურსცენტრის ამოცანების დასახვას, საქმიანობის ორგანიზებასა და მართვას, ამოცანების შესრულების ზედამხედველობას, პრიორიტეტებისა და ვადების კონტროლს.
2. საგანმანათლებლო რესურსცენტრის ფუნქციებიდან, კომპეტენციებიდან გამომდინარე, პასუხისმგებელია დასკვნების, სხვადასხვა რეკომენდაციის მომზადებაზე და/ან მომზადების კოორდინაციაზე.
3. ითანხმებს და პასუხისმგებელია საგანმანათლებლო რესურსცენტრის მიერ მომზადებულ პროექტებზე, შედეგებზე, პროცედურებზე, ანგარიშებზე, დასკვნებზე, სხვადასხვა სახის აქტებსა და წარმოების მასალებზე.
4. ქმნის და ხელმძღვანელობს სამუშაო ჯგუფებს.
5. ამზადებს და წარადგენს ინიციატივებს.
6. კომუნიკაცია გარე ორგანიზაციებთან ზემდგომი თანამდებობის პირის დავალებით.
7. პასუხისმგებელია მის დაქვემდებარებაში მყოფი თანამშრომლების შეფასებაზე, წახალისებაზე, განვითარებაზე, მოტივაციაზე, დისციპლინური ღონისძიებების ინიციირებაზე

აქვს რთული, მრავალფეროვანი დავალებები მის დაქვემდებარებაში მყოფი ქვესტრუქტურის ფუნქცია- მოვალეობების ფარგლებში

1. ეფექტიანი კომუნიკაციისა და მოლაპარაკებების წარმართვის უნარი.
2. კომპლექსური აზროვნების უნარი.
3. სტრუქტურული ერთეულისა და ინდივიდუალური ამოცანების დასახვის უნარი.
4. ცვლილებების ინიციირებისა და მართვის უნარი.
5. თათბირებისა და შეხვედრების წარმართვის უნარი.
6. მოხელის პროფესიული განვითარების, შეფასებისა და მოტივირების უნარი.
7. პრობლემების გადაჭრისა და კონფლიქტების მართვის უნარი.
8. გუნდის განვითარების უნარი

განათლების დონე – უმაღლესი განათლება

სპეციალობით

ან/და

განათლების სფეროში –

2 წელი.“.

მუხლი 2

დადგენილება ამოქმედდეს გამოქვეყნებისთანავე და გავრცელდეს 2024 წლის 1 იანვრიდან წარმოშობილ სამართლებრივ ურთიერთობებზე.

საქართველოს პრემიერ-მინისტრი ირაკლი კობახიძე