ელექტროენერგიის (სიმძლავრის) ბაზრის წესების დამტკიცების შესახებ“ საქართველოს ენერგეტიკის მინისტრის 2006 წლის 30 აგვისტოს №77 ბრძანებაში ცვლილებების შეტანის თაობაზე

1. მე-2 მუხლის მე-2 პუნქტის ჰ⁶ ქვეპუნქტის შემდეგ დაემატოს ჰ⁷-ჰ¹² ქვეპუნქტები შემდეგი რედაქციით:

„ჰ⁷) სიმძლავრის აუქციონში შერჩეული მწარმოებელი – „განახლებადი წყაროებიდან ენერგიის წარმოებისა და გამოყენების მხარდაჭერის სქემისა და სიმძლავრის აუქციონის წესების დამტკიცების შესახებ“ საქართველოს მთავრობის 2022 წლის 7 დეკემბრის №556 დადგენილების შესაბამისად, განახლებადი ენერგიის წყაროების მეშვეობით საქართველოს მთავრობის მიერ განსაზღვრული დადგმული სიმძლავრის ათვისების მიზნით გამოცხადებულ აუქციონში შერჩეული პირი;

ჰ⁸) პრემიალური ტარიფის მქონე მწარმოებელი – „განახლებადი წყაროებიდან ენერგიის წარმოებისა და გამოყენების მხარდაჭერის სქემის დამტკიცების შესახებ“ საქართველოს მთავრობის 2020 წლის 2 ივლისის №403 დადგენილებით განსაზღვრული მწარმოებელი;

ჰ⁹) მხარდაჭერის პერიოდი – სიმძლავრის აუქციონში შერჩეული მწარმოებლის შემთხვევაში, მხარდაჭერის სქემით განსაზღვრული მხარდაჭერის პერიოდი, რომელიც განსაზღვრულია „განახლებადი წყაროებიდან ენერგიის წარმოებისა და გამოყენების მხარდაჭერის სქემისა და სიმძლავრის აუქციონის წესების დამტკიცების შესახებ“ საქართველოს მთავრობის 2022 წლის 7 დეკემბრის №556 დადგენილებით, ხოლო პრემიალური ტარიფის მქონე მწარმოებლის შემთხვევაში, მხარდაჭერის პერიოდი, რომელიც განსაზღვრულია „განახლებადი წყაროებიდან ენერგიის წარმოებისა და გამოყენების მხარდაჭერის სქემის დამტკიცების შესახებ“ საქართველოს მთავრობის 2020 წლის 2 ივლისის №403 დადგენილებით;

ჰ¹⁰⁾ შემოთავაზებული ტარიფი – „განახლებადი წყაროებიდან ენერგიის წარმოებისა და გამოყენების მხარდაჭერის სქემისა და სიმძლავრის აუქციონის წესების დამტკიცების შესახებ“ საქართველოს მთავრობის 2022 წლის 7 დეკემბრის №556 დადგენილების საფუძველზე, სიმძლავრის აუქციონში შერჩეული მწარმოებლის მიერ შემოთავაზებული ტარიფი;

ჰ¹¹) პრემიალური ტარიფი – „განახლებადი წყაროებიდან ენერგიის წარმოებისა და გამოყენების მხარდაჭერის სქემის დამტკიცების შესახებ“ საქართველოს მთავრობის 2020 წლის 2 ივლისის №403 დადგენილებით განსაზღვრული ტარიფი;

ჰ¹²) ზღვრული ფასი – „განახლებადი წყაროებიდან ენერგიის წარმოებისა და გამოყენების მხარდაჭერის სქემის დამტკიცების შესახებ“ საქართველოს მთავრობის 2020 წლის 2 ივლისის № 403 დადგენილების შესაბამისად დადენილი ფასი, რომლის ოდენობა 1 კვტ/სთ ელექტროენერგიისთვის შეადგენს 0.055 აშშ დოლარს. 

2. მე-13 მუხლის:

ა) 5⁴ პუნქტის შემდეგ დაემატოს 5⁵ და 5⁶ პუნქტები შემდეგი რედაქციით:

„5⁵. სიმძლავრის აუქციონში შერჩეული მწარმოებლის მიერ მხარდაჭერის პერიოდში გამომუშავებული (სალტეზე მიწოდებული) ელექტროენერგია წარმოადგენს საბალანსო ელექტროენერგიას“;

5⁶. პრემიალური ტარიფის მქონე მწარმოებლის მიერ მხარდაჭერის პერიოდში გამომუშავებული (სალტეზე მიწოდებული) ელექტროენერგია წარმოადგენს საბალანსო ელექტროენერგიას.“;

ბ) მე-8 პუნქტი ჩამოყალიბდეს შემდეგი რედაქციით:

„8. ელექტროენერგეტიკული ბაზრის ოპერატორის მიერ საანგარიშო პერიოდში ამ მუხლის მე-4, მე-5, 5¹, 5², 5⁴, 5⁵ და 5⁶ პუნქტების საფუძველზე შესყიდული, ასევე ამ მუხლის მე-6 პუნქტით გათვალისწინებული საბალანსო ელექტროენერგია ელექტროენერგიის მყიდველ კვალიფიციურ საწარმოებზე იყიდება პირდაპირი ხელშეკრულების სტანდარტული პირობებით.

3. მე-14 მუხლის:

ა) მე-2 პუნქტის შემდეგ დაემატოს 2¹ და 2² პუნქტები შემდეგი რედაქციით:

„2¹. ამ წესების მე-13 მუხლის 5⁵ პუნქტით გათვალისწინებული ელექტროენერგიის მწარმოებელთან ელექტროენერგეტიკული ბაზრის ოპერატორი ანგარიშსწორებას ახორციელებს შესაბამის საანგარიშო პერიოდში ელექტროენერგეტიკული ბაზრის ოპერატორის მიერ ამ მუხლის პირველი, 1¹, 1², 1⁴ პუნქტების საფუძველზე შესყიდული და მე-2 პუნქტით გათვალისწინებული საბალანსო ელექტროენერგიის საშუალო შეწონილი ფასით, რომლის ფორმირებაშიც არ მონაწილეობს ამ მუხლის 2², მე-4, მე-5 და მე-6 პუნქტებით გათვალისწინებული საბალანსო ელექტროენერგიის რაოდენობა და ღირებულება.“;

„2² . ამ წესების მე-13 მუხლის 5⁶ პუნქტით გათვალისწინებული ელექტროენერგიის მწარმოებელთან ელექტროენერგეტიკული ბაზრის ოპერატორი ანგარიშსწორებას ახორციელებს შესაბამის საანგარიშო პერიოდში ელექტროენერგეტიკული ბაზრის ოპერატორის მიერ ამ მუხლის პირველი, 1¹, 1², 1⁴ პუნქტების საფუძველზე შესყიდული და მე-2 პუნქტით გათვალისწინებული საბალანსო ელექტროენერგიის საშუალო შეწონილი ფასით, რომლის ფორმირებაშიც არ მონაწილეობს ამ მუხლის 2¹, მე-4, მე-5 და მე-6 პუნქტებით გათვალისწინებული საბალანსო ელექტროენერგიის რაოდენობა და ღირებულება.“; 

ბ) მე-3 პუნქტი ჩამოყალიბდეს შემდეგი რედაქციით:

„3. ელექტროენერგეტიკული ბაზრის ოპერატორი მე-13 მუხლის მე-9, მე-10, 10¹ და მე-11 პუნქტებით გათვალისწინებულ კვალიფიციურ საწარმოებზე საბალანსო ელექტროენერგიას ყიდის საანგარიშო პერიოდში ამ მუხლის პირველი, 1¹ , 1², 1⁴, 2¹ და 2² პუნქტების საფუძველზე შესყიდული და მე-2 პუნქტით გათვალისწინებული საბალანსო ელექტროენერგიის საშუალო შეწონილი ფასით, რომლის ფორმირებაშიც არ მონაწილეობს ამ მუხლის მე-4, მე-5 და მე-6 პუნქტებით გათვალისწინებული საბალანსო ელექტროენერგიის რაოდენობა და ღირებულება.“;

გ) 3¹ პუნქტი ჩამოყალიბდეს შემდეგი რედაქციით:

„3¹. ამ წესების მე-13 მუხლის მე-9, მე-10, 10¹ და მე-11 პუნქტებით გათვალისწინებულ კვალიფიციურ საწარმოებზე გასაყიდი საბალანსო ელექტროენერგიის ამ მუხლის მე-3 პუნქტის შესაბამისად ფასის ფორმირებაში ელექტროენერგეტიკული ბაზრის ოპერატორი ითვალისწინებს ელექტროენერგეტიკული ბაზრის ოპერატორის მიერ ელექტროენერგიის იმპორტის განხორციელების შედეგად (ელექტროენერგიის იმპორტის პირდაპირი ხელშეკრულებით გაყიდული ელექტროენერგიის გარდა) წარმოქმნილი საკურსო სხვაობის შემოსავალს ან/და ხარჯს, რომელიც საბალანსო ელექტროენერგიის ფასის ფორმირებაში მონაწილეობს იმ საანგარიშო პერიოდში, რომელშიც მოხდა სხვაობის ფაქტობრივად აღიარება.“;

დ) დაემატოს 3², 3³, 3⁴ და 3⁵ პუნქტები შემდეგი რედაქციით:

„3². ამ წესების მე-13 მუხლის მე-9, მე-10, 10¹ და მე-11 პუნქტებით გათვალისწინებულ კვალიფიციურ საწარმოებზე გასაყიდი საბალანსო ელექტროენერგიის ამ მუხლის მე-3 პუნქტის შესაბამისად ფასის ფორმირებაში ელექტროენერგეტიკული ბაზრის ოპერატორი ითვალისწინებს საკომპენსაციო თანხას, რომელიც განისაზღვრება როგორც შემოთავაზებულ ტარიფსა და ამ მუხლის 2¹ პუნქტით განსაზღვრულ ფასს შორის სხვაობის ნამრავლი შესაბამის საანგარიშო პერიოდში ელექტროენერგეტიკული ბაზრის ოპერატორის მიერ ამ წესების მე-13 მუხლის 5⁵ პუნქტის საფუძველზე შესყიდული ელექტროენერგიის რაოდენობაზე.

3³. ამ წესების მე-13 მუხლის 5⁵ პუნქტით გათვალისწინებული ელექტროენერგიის მწარმოებელთან ელექტროენერგეტიკული ბაზრის ოპერატორი შესაბამის საანგარიშო პერიოდში ანგარიშსწორებას ახორციელებს ამ მუხლის 2¹ და 3² პუნქტების საფუძველზე.

3⁴. ამ წესების მე-13 მუხლის მე-9, მე-10, მე-10¹ და მე-11 პუნქტებით გათვალისწინებულ კვალიფიციურ საწარმოებზე გასაყიდი საბალანსო ელექტროენერგიის ამ მუხლის მე-3 პუნქტის შესაბამისად ფასის ფორმირებაში ელექტროენერგეტიკული ბაზრის ოპერატორი ითვალისწინებს საკომპენსაციო თანხას, რომელიც განისაზღვრება როგორც ზღვრულ ფასსა და ამ მუხლის 2² პუნქტით განსაზღვრულ ფასს შორის დადებითი სხვაობის ნამრავლი შესაბამის საანგარიშო პერიოდში ელექტროენერგეტიკული ბაზრის ოპერატორის მიერ ამ წესების მე-13 მუხლის 5⁶ პუნქტის საფუძველზე შესყიდული ელექტროენერგიის რაოდენობაზე.

3⁵. ამ წესების მე-13 მუხლის 5⁶ პუნქტით გათვალისწინებული ელექტროენერგიის მწარმოებელთან ელექტროენერგეტიკული ბაზრის ოპერატორი შესაბამის საანგარიშო პერიოდში ანგარიშსწორებას ახორციელებს ამ მუხლის 2² და 3⁴ პუნქტების საფუძველზე.“.

4. 41-ე მუხლს დაემატოს შემდეგი შინაარსის 21-ე–24-ე პუნქტები:

„21. 2024 წლის იანვრის თვეში რუსეთ-საქართველოს საზღვარზე 220 კვ. ელექტროგადამცემ ხაზ „სალხინოსა“ ან/და 110 კვ. ელექტროგადამცემ ხაზ „ნაკადულზე“ ხელშეკრულების გარეშე შემოდინებული სრული მოცულობის (ანაზღაურების გარეშე) ელექტროენერგიის მიმღებად და შემდგომ აფხაზეთის ტერიტორიაზე მიმწოდებლად მიჩნეულ იქნეს შპს „ენგურჰესი“, ამ წესების 38-ე მუხლის მე-2 პუნქტით აფხაზეთის ტერიტორიაზე მიწოდებული ელექტროენერგიის დაბალანსების მიზნებისათვის.

22. 2024 წლის იანვრის თვეში აფხაზეთის ტერიტორიაზე მოხმარებული ელექტროენერგიის დაკმაყოფილება ხდება შემდეგი თანმიმდევრობით: 

ა) რუსეთ-საქართველოს საზღვარზე 220 კვ. ელექტროგადამცემ ხაზ „სალხინოსა“ ან/და 110 კვ. ელექტროგადამცემ ხაზ „ნაკადულზე“ 2024 წლის იანვრის თვეში ხელშეკრულების გარეშე შემოდინებული ელექტროენერგია;

ბ) რუსეთ-საქართველოს საზღვარზე 220 კვ. ელექტროგადამცემ ხაზ „სალხინოსა“ ან/და 110 კვ. ელექტროგადამცემ ხაზ „ნაკადულზე“, 2024 წლის იანვრის თვეში ელექტროენერგეტიკული ბაზრის ოპერატორის მიერ იმპორტირებული და ენგურჰესის ჰიდროელექტრსოადგურის მიერ შესყიდული ელექტროენერგია;

გ) „ა“ და „ბ“ ქვეპუნქტებით განსაზღვრული მოცულობის ზემოთ დარჩენილი რაოდენობის დაფარვა ხორციელდება ენგურჰესის და ვარდნილჰესების კასკადის ჰიდროელექტროსადგურების მიერ 2024 წლის იანვრის თვეში გამომუშავებული ელექტროენერგიით, ბაზრის წესების 38-ე მუხლის მე-2 პუნქტის შესაბამისად.

23. სისტემათაშორისი ხაზით (ხაზებით) მიწოდებული და მიღებული ელექტროენერგიის შემაჯამებელი აღრიცხვის აქტის წარმოუდგენლობის შემთხვევაში ამ მუხლის 21-ე პუნქტით გათვალისწინებული ხელშეკრულების გარეშე შემოდინებული ელექტროენერგიის მოცულობა განისაზღვრება, შესაბამის საანგარიშო პერიოდში, რუსეთ-საქართველოს საზღვარზე 220 კვ. ელექტროგადამცემ ხაზ „სალხინოსა“ ან/და 110 კვ. ელექტროგადამცემ ხაზ „ნაკადულზე“, გადამცემი სისტემის ოპერატორსა და რუსეთის ენერგოსისტემის ტექნიკურ ოპერატორს შორის გაფორმებული ელექტროენერგიის ორმხრივად დადასტურებული მიღება-ჩაბარების აქტით დადგენილი მოცულობების საფუძველზე, ხოლო რუსეთის შესაბამისი ტექნიკური ოპერატორის მიერ აღნიშნული აქტის დაუდასტურებლობის შემთხვევაში გადამცემი სისტემის ოპერატორის მიერ ოპერატიული მონაცემების, მათ შორის, SCADA-ს/აღრიცხვის სისტემების მონაცემებით, შედგენილი ცალმხრივი აქტით დადგენილი მოცულობების საფუძველზე.

24. ამ მუხლის 21-ე-23-ე პუნქტების მოქმედება გავრცელდეს მხოლოდ 2024 წლის იანვრის თვის საანგარიშო პერიოდზე.“.