დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
„ბაღდათის მუნიციპალიტეტის საკრებულოს რეგლამენტის დამტკიცების შესახებ“ ბაღდათის მუნიციპალიტეტის საკრებულოს 2014 წლის 23 ივლისის №112 დადგენილებაში ცვლილების შეტანის შესახებ | |
---|---|
დოკუმენტის ნომერი | 3 |
დოკუმენტის მიმღები | ბაღდათის მუნიციპალიტეტი |
მიღების თარიღი | 09/02/2024 |
დოკუმენტის ტიპი | მუნიციპალიტეტის საკრებულოს დადგენილება |
გამოქვეყნების წყარო, თარიღი | ვებგვერდი, 09/02/2024 |
სარეგისტრაციო კოდი | 010250040.35.124.016488 |
|
„ბაღდათის მუნიციპალიტეტის საკრებულოს რეგლამენტის დამტკიცების შესახებ“ ბაღდათის მუნიციპალიტეტის საკრებულოს 2014 წლის 23 ივლისის №112 დადგენილებაში ცვლილების შეტანის შესახებ
|
„ადგილობრივი თვითმმართველობის კოდექსის“ საქართველოს ორგანული კანონის 61-ე მუხლის მე-2 ნაწილისა და „ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, ბაღდათის მუნიციპალიტეტის საკრებულო
ა დ გ ე ნ ს: |
მუხლი 1 |
„ბაღდათის მუნიციპალიტეტის საკრებულოს რეგლამენტის დამტკიცების შესახებ“ ბაღდათის მუნიციპალიტეტის საკრებულოს 2014 წლის 23 ივლისის №112 დადგენილებაში (www.matsne.gov.ge, 24.07.2014, სარეგისტრაციო კოდი: 010250040.35.124.016087) შეტანილ იქნეს შემდეგი ცვლილება:
დადგენილებით დამტკიცებული რეგლამენტის მე-3 მუხლის (საკრებულოს უფლებამოსილება): ა) მე-4 პუნქტს დაემატოს „დ“ ქვეპუნქტი დ ჩამოყალიბდეს შემდეგი რედაქციით: „დ) „ადგილობრივი თვითმმართველობის კოდექსი“ საქართველოს ორგანული კანონის 1061 შესაბამისად, მუნიციპალიტეტის მიერ დაფუძნებული კერძო სამართლის იურდიული პირების ხელძღვანელობაზე უფლებამოსილი პირის/პირების მიერ გაწეული საქმიანობის შესახებ ანგარიშის მოსმენა და შეფასება, რომელიც მუნიციპალიტეტის საკრებულოში წარმოდგენილი უნდა იყოს წელიწადში ერთხელ მაინც ელექტრონული ფორმით“;“ ბ) მე-8 პუნქტის „გ“ ქვეპუნქტი ჩამოყალიბდეს შემდეგი რედაქციით: „გ) ადგილობრივი თვითმყოფადობის, შმოქმედებითი საქმიანობის და კულტურული მემკვიდრეობის დაცვა-განვითარების, მუნიციპალიტეტში კულტურის სფეროს და ტურიზმის განვითარების ხელშეწყობის მიზნით, მუნიციპალურ პროგრამათა დამტკიცება, ადგილობრივი მნიშვნელობის ბიბლიოთეკების, საკლუბო დაწესებულებების, კინოთეატრების, მუზეუმების, თეატრების, საგამოფენო დარბაზების, სპორტულ გამაჯანსაღებელი ობიექტების ფუნქციონირების ხელშემწყობი მუნიციპალურ პროგრამათა დამტკიცება“;“ გ) მე-8 პუნქტის „კ“ ქვეპუნქტი ჩამოყალიბდეს შემდეგი რედაქციით: „კ) საქართველოს ორგანული კანონის „ადგილობრივი თვითმმართველობის კოდექსი“ მე-16 მუხლის მე-3 და მე-4 პუნქტების შესაბამისად ჯანმრთელობის დაცვის, სოციალური დახმარების, ბავშვთა დაცვისა და მხარდაჭერის პროგრამების დამტკიცება“;“ დ) მე-12 პუნქტის „დ“ ქვეპუნქტის შემდეგ დაემატოს შემდეგი შინაარსის „ე“ და „ვ“ პუნქტები: „ე) მუნიციპალიტეტის ტერიტორიაზე ავტოსადგურის განთავსების მიზანშეწონილობის შესახებ გადაწყვეტილების მიღება; ვ) მუნიციპალიტეტის ადმინისტრაციულ საზღვრებში არსებულ დასახლებაში ავტოსადგურის არარსებობის შემთხვევაში შესაბამისი ნორმატიული აქტით, იმ დასახლებების ჩამონათვალის განსაზღვრა, სადაც სავალდებულო არ არის ავტოსადგურიდან რეისის გასვლა“;“ ე) მე-14 პუნქტის (სამხედრო ვალდებულების მოხდისა და სამოქალაქო უსაფრთხოების სფეროში) ე.ა) სათაური ჩამოყალიბდეს შემდეგი რედაქციით: ,,14.სამოქალაქო უსაფრთხოების სფეროში“; ე.ბ) ,,ბ“ ქვეპუნქტი ამოღებულ იქნეს. |
მუხლი 2 |
დადგენილება ძალაშია გამოქვეყნებისთანავე. ამ დადგენილების პირველი მუხლის ,,დ“ პუნქტი ამოქმედდეს 2024 წლის 1 მარტიდან.
|
|
დოკუმენტის კომენტარები