დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
„საქართველოს გარემოს დაცვისა და სოფლის მეურნეობის სამინისტროს ბიომრავალფეროვნებისა და სატყეო დეპარტამენტის დებულების დამტკიცების შესახებ“ საქართველოს გარემოს დაცვისა და სოფლის მეურნეობის მინისტრის 2021 წლის 27 სექტემბერი №2-1385 ბრძანებაში ცვლილების შეტანის თაობაზე | |
---|---|
დოკუმენტის ნომერი | 2-210 |
დოკუმენტის მიმღები | საქართველოს გარემოს დაცვისა და სოფლის მეურნეობის მინისტრი |
მიღების თარიღი | 23/02/2024 |
დოკუმენტის ტიპი | საქართველოს მინისტრის ბრძანება |
გამოქვეყნების წყარო, თარიღი | ვებგვერდი, 26/02/2024 |
სარეგისტრაციო კოდი | 010240030.22.023.016854 |
|
„საქართველოს გარემოს დაცვისა და სოფლის მეურნეობის სამინისტროს ბიომრავალფეროვნებისა და სატყეო დეპარტამენტის დებულების დამტკიცების შესახებ“ საქართველოს გარემოს დაცვისა და სოფლის მეურნეობის მინისტრის 2021 წლის 27 სექტემბერი №2-1385 ბრძანებაში ცვლილების შეტანის თაობაზე
|
„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, ვბრძანებ
: |
მუხლი 1 |
„საქართველოს გარემოს დაცვისა და სოფლის მეურნეობის სამინისტროს ბიომრავალფეროვნებისა და სატყეო დეპარტამენტის დებულების დამტკიცების შესახებ“ საქართველოს გარემოს დაცვისა და სოფლის მეურნეობის მინისტრის 2021 წლის 27 სექტემბრის №2-1385 ბრძანებაში (ვებგვერდი, 28/09/2021, სარეგისტრაციო კოდი: 010240030.22.023.016691) შეტანილი იქნეს ცვლილება და ბრძანებით დამტკიცებული „ბიომრავალფეროვნებისა და სატყეო დეპარტამენტის დებულების“: 1. მე-4 მუხლის „გ“ ქვეპუნქტი ჩამოყალიბდეს შემდეგი რედაქციით: „გ) დაცული ტერიტორიების პოლიტიკის სამმართველო;“. 2. მე-4 მუხლს დაემატოს შემდეგი შინაარსის „დ“ ქვეპუნქტი: „დ) ბიომრავალფეროვნების მონიტორინგის სამმართველო.“. 3. მე-5 მუხლის პირველი პუნქტის „ჟ“ ქვეპუნქტი ჩამოყალიბდეს შემდეგი რედაქციით: „ჟ) ბიომრავალფეროვნების მონიტორინგის ეროვნული სისტემის ორგანიზებისა და კოორდინაციის პროცესში მონაწილეობა;“. 4. მე-5 მუხლის მე-2 პუნქტის „ზ“ ქვეპუნქტი ჩამოყალიბდეს შემდეგი რედაქციით: „ზ) ტყის ეროვნული აღრიცხვის უზრუნველყოფა;“. 5. მე-5 მუხლის მე-2 პუნქტის „თ“ ქვეპუნქტი ჩამოყალიბდეს შემდეგი რედაქციით: „თ) უფლებამოსილი უწყებების მიერ განხორციელებული ტყეების მდგომარეობის მონიტორინგის შედეგებზე დაყრდნობით შესაბამისი რეკომენდაციების შემუშავებაში მონაწილეობა;“. 6. მე-5 მუხლს დაემატოს შემდეგი შინაარსის მე-4 პუნქტი: „4. ბიომრავალფეროვნების მონიტორინგის სამმართველოს კომპეტენციაა: ა) კომპეტენციის ფარგლებში, საქართველოს მთელ ტერიტორიაზე ბიომრავალფეროვნების კომპონენტების მონიტორინგის სფეროში სახელმწიფო პოლიტიკის შემუშავება; ბ) ბიომრავალფეროვნების კომპონენტების დაცვის, შენარჩუნებისა და აღდგენის ღონისძიებების პრიორიტეტული მიმართულებების განსაზღვრა, დაგეგმვა, განხორციელებაში მონაწილეობა; გ) გარეულ ცხოველთა რაოდენობის რეგულირების კოორდინაციაში მონაწილეობა; დ) ბიომრავალფეროვნების მონიტორინგის ეროვნული სისტემის ორგანიზება და კოორდინაცია; ე) ტყის საინფორმაციო და მონიტორინგის სისტემის უზრუნველყოფა, აგრეთვე ტყეების მდგომარეობის მონიტორინგის შედეგებზე დაყრდნობით შესაბამისი რეკომენდაციების შემუშავება; ვ) განხორციელებული ბიომრავალფეროვნების მდგომარეობის მონიტორინგის შედეგებზე დაყრდნობით შესაბამისი რეკომენდაციების შემუშავება; ზ) ტყის სფეროში სტრატეგიებისა და სამოქმედო გეგმების, ეროვნული სატყეო პროგრამის შემუშავებასა და განხორციელებაში მონაწილეობა; თ) საქართველოს ბიომრავალფეროვნების სტრატეგიისა და სამოქმედო გეგმის შემუშავებისა და განხორციელების კოორდინაციის პროცესში მონაწილეობა; ი) სატყეო დარგის განვითარებასთან დაკავშირებული საუკეთესო გამოცდილების პრაქტიკაში დასანერგად წინადადებების მომზადებაში მონაწილეობა; კ) ბიომრავალფეროვნების სფეროში საქართველოს საერთაშორისო ხელშეკრულებებით განსაზღვრული ვალდებულებების შესრულების პროცესში და ბიომრავალფეროვნების გლობალური პოლიტიკის შემუშავებაში მონაწილეობა; ლ) საქართველოს ბიომრავალფეროვნებაზე კლიმატის ცვლილების უარყოფითი ზემოქმედების შერბილებასა და კლიმატის ცვლილების ზემოქმედებასთან საქართველოს ბიომრავალფეროვნების ადაპტაციისაკენ მიმართული ღონისძიებების დაგეგმვასა და განხორციელებაში მონაწილეობა; მ) ბიომრავალფეროვნების მონიტორინგის სისტემის ინდიკატორების განახლებისა და მათი კუნმინ-მონრეალის ბიომრავალფეროვნების გლობალურ ჩარჩოსთან ჰარმონიზების პროცესის კოორდინაცია; ნ) ბიომრავალფეროვნების დაცვის სფეროში საქართველოს საერთაშორისო ხელშეკრულებებით და შეთანხმებებით ნაკისრი ვალდებულებების შესრულების ანგარიშგებაში მონაწილეობა; ო) სამინისტროსთან არსებული ბიომრავალფეროვნების მონიტორინგის სახელმწიფო სისტემის საკოორდინაციო საბჭოს მუშაობის ორგანიზაციული და ტექნიკური მხარის კოორდინაცია; პ) კომპეტენციის ფარგლებში სამართლებრივი აქტების პროექტების მომზადება; ჟ) საქართველოს კანონმდებლობით გათვალისწინებული სხვა ფუნქციების შესრულება.“. |
მუხლი 2 |
ეს ბრძანება ამოქმედდეს გამოქვეყნებისთანავე. |
|
დოკუმენტის კომენტარები