ზემსუბუქი საჰაერო ხომალდის პილოტის მოწმობის გაცემის წესის დამტკიცების შესახებ

ა) ზსხ-ის საფრენოსნო ეკიპაჟის შემადგენლობა (შემდგომში – საფრენოსნო ეკიპაჟის შემადგენლობა) – ზსხ-ის საფრენოსნო ექსპლუატაციის განხორციელების უფლებამოსილების მქონე მოწმობის მფლობელი პირები;

ბ) ვადის გაგრძელება – კვალიფიკაციის მოქმედების ვადის განმავლობაში საქართველოს ეკონომიკისა და მდგრადი განვითარების სამინისტროს სისტემაში შემავალი საჯარო სამართლის იურიდიული პირის სამოქალაქო ავიაციის სააგენტოს (შემდგომში – სააგენტო) მიერ გამოცემული ადმინისტრაციული აქტი, რომელიც მოწმობის მფლობელს საშუალებას აძლევს, დადგენილი მოთხოვნების შესრულებით გააგრძელოს კვალიფიკაციით მინიჭებული უფლებების გამოყენება შემდგომი განსაზღვრული პერიოდით;

გ) ვადის განახლება – კვალიფიკაციის მოქმედების ვადის ამოწურვის შემდეგ სააგენტოს მიერ გამოცემული ადმინისტრაციული აქტი, რომელიც დადგენილი მოთხოვნების შესრულების შემდეგ, აახლებს შესაბამისი კვალიფიკაციით მინიჭებულ უფლებებს შემდგომი განსაზღვრული პერიოდით;

დ) ზსხ-ის მეთაური – საჰაერო ხომალდის ფრენისას, მის მართვასა და უსაფრთხოებაზე პასუხისმგებელი პილოტი;

ე) ინსტრუქტორთან ერთად ფრენა – შესაბამისი კვალიფიკაციის მქონე პილოტის (ინსტრუქტორობის კანდიდატი, ზსხ-ის პილოტის ინსტრუქტორი) მიერ პილოტ-კურსანტის ან მოწმობის მფლობელი პირისთვის ჩატარებული საფრენოსნო მომზადება;

ვ) კვალიფიკაცია – სერტიფიკატში აღნიშნული ინფორმაცია, რომელიც ადგენს აღნიშნული სერტიფიკატისთვის სპეციალურ პირობებს, უფლებებს ან შეზღუდვებს;

ზ) მგზავრი – პირი, რომელიც იმყოფება ზსხ-ის ბორტზე ზსხ-ის მეთაურის თანხმობით, გარდა საფრენოსნო ეკიპაჟის შემადგენლობისა;

თ) მოწმობა – საჰაერო ხომალდის ბორტზე განსაზღვრული ფუნქციების განხორციელებისთვის საჭირო უნარ-ჩვევების დამადასტურებელი დოკუმენტი;

ი) საფრენოსნო დრო – საერთო დრო, აფრენის მიზნით ზსხ-ის მიერ მოძრაობის დაწყებიდან (შვეულმფრენისთვის: მზიდი ხრახნის ბრუნვის დაწყებიდან) ფრენის დასრულებისას მის სრულ გაჩერებამდე (შვეულმფრენისთვის: შვეულმფრენის სრულ გაჩერებამდე და მზიდი ხრახნის ბრუნვის შეჩერებამდე);

კ) სერტიფიკატი – დოკუმენტი, რომელიც მოწმობის მფლობელს განსაზღვრული ვადით ანიჭებს უფლებას ზსხ-ის ბორტზე შეასრულოს ამ დოკუმენტით მინიჭებული ფუნქციები;

ლ) შეთანხმებული სწავლება – სააგენტოს მიერ დადგენილი პროგრამის შესაბამისი თეორიული და პრაქტიკული სწავლება, რომელიც ტარდება სააგენტოსთან შეთანხმებული შესაბამისი კვალიფიკაციის მქონე პირების მიერ;

მ) უფლებამოსილი გამომცდელი – სააგენტოს მიერ უფლებამოსილი პირი, რომელიც ახორციელებს ამ წესით გათვალისწინებულ შესაბამის თეორიულ და საფრენოსნო შემოწმებებს;

ნ) უფლებამოსილი ინსტრუქტორი – ზსხ-ის პილოტის ინსტრუქტორი, რომელიც ფლობს ამ წესით განსაზღვრულ შესაბამის კვალიფიკაციას სწავლების ჩატარების ან შემოწმების განხორციელების მიზნით;

ო) პილოტ-კურსანტი – შესაბამისი კვალიფიკაციის მქონე ინსტრუქტორის მიერ საფრენოსნო ეკიპაჟის შემადგენლობაში დაშვებული პირი, რომელიც გადის საფრენოსნო მომზადებას (ინსტრუქტორთან ერთად ან დამოუკიდებლად ფრენის შესრულებისას).

2. ამ წესში მოცემულ განმარტებებს აქვთ შემდეგი მნიშვნელობები:

ა) ზსხ – ზემსუბუქი საჰაერო ხომალდი;

ბ) სთ – საათი;

გ) სდ – სასწავლო დაწესებულება.

2. ცნობა ჯანმრთელობის მდგომარეობის შესახებ (ფორმა №IV-100/ა) გაცემული უნდა იყოს ნევროლოგიური, ოფთალმოლოგიური, ოტორინოლარინგოლოგიური, გულ-სისხლძარღვთა და სუნთქვის, ენდოკრინოლოგიური (შაქრიანი დიაბეტი – ჰიპოგლიკემიის რისკი) და მამოძრავებელი სისტემების კვლევის შედეგებზე დაყრდნობით, რომელიც ასევე უნდა მოიცავდეს ფსიქოემოციურ მდგომარეობას და ანამნეზში ინფექციურ დაავადებებს.

3. ამ მუხლის მე-2 პუნქტში აღნიშნული კვლევებით არ უნდა დგინდებოდეს მწვავე და ქრონიკული დეკომპენსირებული დაავადებები.

4. იმ შემთხვევაში, თუ პირი, მოწმობის მოქმედების პერიოდში, ჯანმრთელობის მდგომარეობის ცვლილებიდან გამომდინარე ვერ აკმაყოფილებს ამ მუხლის მე-3 პუნქტის პირობას, დაუშვებელია მის მიერ საფრენოსნო ეკიპაჟის წევრის რანგში ზსხ-ის ბორტზე მოწმობით მინიჭებული უფლებამოსილებების გამოყენება.

5. საფრენოსნო მომზადების დაწყების მიზნით, პირს შეუძლია ჯანმრთელობის მდგომარეობის შესახებ ცნობის (ფორმა №IV-100/ა) ნაცვლად ფლობდეს I ან II კლასის მოქმედ სამედიცინო სერტიფიკატს.

შენიშვნა: I და II კლასის სამედიცინო სერტიფიკატი გაცემული უნდა იყოს ჩიკაგოს კონვენციის 1-ლი დანართის ან 2011 წლის 3 ნოემბრის ევროკავშირის რეგულაციის No 1178/2011 (Commission Regulation (EU) No 1178/2011) ANNEX IV (PART-MED)-ის პირობების ან სსიპ – სამოქალაქო ავიაციის სააგენტოს დირექტორის 2019 წლის 8 იანვრის №4 ბრძანებით დამტკიცებული „ავიასამედიცინო ცენტრის და ავიასამედიცინო ექსპერტის სერტიფიცირების, ავიასპეციალისტის სამედიცინო სერტიფიცირების წესის“ შესაბამისად.

2. მოწმობა გაიცემა იმ შემთხვევაში, თუ პირი აკმაყოფილებს მის მისაღებად ამ წესით დადგენილ ყველა პირობას.

2. მოწმობის გაუქმების შემთხვევაში პირმა გაუქმების შესახებ გადაწყვეტილების მიღებიდან 15 დღის ვადაში დოკუმენტი უნდა დაუბრუნოს სააგენტოს.

3. მოწმობის ან შესაბამისი უფლებამოსილების  მოქმედების ვადა შესაძლებელია შეჩერდეს იმ დრომდე, ვიდრე არ გამოსწორდება შეჩერების საფუძველი, მაგრამ შეჩერებასთან დაკავშირებით გადაწყვეტილების მიღებიდან არაუმეტეს – 90 დღით.

4. მოწმობის ან შესაბამისი უფლებამოსილების მოქმედება აღდგება იმ შემთხვევაში, თუ ამ მუხლის მე-3 პუნქტის შესაბამისად განსაზღვრული ვადის გასვლამდე გამოსწორდება შეჩერების საფუძველი.

ა) რადიოსატელეფონო კავშირით სარგებლობის უფლებამოსილება – ზსხ-ის პილოტის მოწმობის მფლობელი უფლებამოსილია განახორციელოს რადიოსატელეფონო კავშირი ინგლისურ ენაზე ამ წესის მე-7 მუხლის შესაბამისად ზსხ-ის პილოტის ინსტრუქტორთან სპეციფიკური სახმელეთო და  საფრენოსნო შემოწმების გავლის შემდეგ, რომელიც დასტურდება ზსხ-ის პილოტის ინსტრუქტორის მიერ შესაბამისი დოკუმენტების გაცემით;

ბ) პლანერის ბუქსირების უფლებამოსილება – პლანერის ბუქსირების უფლებამოსილების მისაღებად ზსხ-ის პილოტს გავლილი უნდა ჰქონდეს შესაბამისი სწავლება, რომლის გავლა დასტურდება ზსხ-ის პილოტის ინსტრუქტორის მიერ შესაბამისი დოკუმენტის გაცემით;

გ) მგზავრთან ერთად ფრენის უფლებამოსილება – მგზავრთან ერთად ფრენის უფლებამოსილების მისაღებად ზსხ-ის პილოტს უნდა გააჩნდეს არანაკლებ 15 სთ ან მეტი დამოუკიდებლად ფრენის გამოცდილება, რომელიც საკმარისია მგზავრთან ერთად ფრენის უსაფრთხოდ განხორციელებისთვის. მგზავრთან ერთად ფრენის უფლებამოსილება გაიცემა ზსხ-ის პილოტის ინსტრუქტორთან სპეციფიკური სახმელეთო და  საფრენოსნო შემოწმების გავლის შემდეგ, რომელიც დასტურდება ზსხ-ის პილოტის ინსტრუქტორის მიერ შესაბამისი დოკუმენტების გაცემის საფუძველზე.

2. შემოწმებისას, ზსხ-ის პილოტმა ფრენის დაგეგმვისა და მისი შესრულების განმავლობაში რადიოსატელეფონო კავშირის გამოყენებით უნდა განახორციელოს კომუნიკაცია.

3. ინგლისურ ენაზე რადიოსატელეფონო კავშირის უფლებამოსილება გაიცემა ზსხ-ის პილოტის ინსტრუქტორის მიერ, ხოლო მოწმობაში შესაბამისი აღნიშვნა შეაქვს სააგენტოს.

2. უცხო სახელმწიფოს მიერ გაცემული ზსხ-ის მოწმობის აღიარება ხორციელდება, შემდეგ შემთხვევაში:

ა) დაინტერესებული პირის მოთხოვნის საფუძველზე;

ბ) მოწმობის გამცემი სახელმწიფოს უფლებამოსილი საავიაციო ხელისუფლება ან შესაბამისი უწყება ადმინისტრაციული წარმოების ვადაში დაადასტურებს წარმოდგენილი მოქმედი მოწმობის და მასში არსებული მონაცემების ნამდვილობას; და

გ) მოწმობის მფლობელი პირის მიერ სააგენტოში თეორიული გამოცდის გავლისას, რომელიც  შესაძლებელია ჩატარდეს ქართულ ან ინგლისურ ენაზე.

3. მოწმობის მფლობელი პილოტი უფლებამოსილია აღიარების თარიღიდან არაუმეტეს 24 თვის განმავლობაში განახორციელოს მოწმობით მინიჭებული უფლებამოსილებები, რომლის ვადაც იზღუდება მოწმობის გამცემი სახელმწიფოს მიერ გაცემული მოწმობის (კვალიფიკაციის) მოქმედების ვადით ან ჯანმრთელობის მდგომარეობის დამადასტურებელი დოკუმენტის ან შესაბამისი კლასის სამედიცინო სერტიფიკატის მოქმედების ვადით, რომელიც უფრო ნაკლებია.

4. აღიარებას ექვემდებარება უცხო სახელმწიფოს მიერ გაცემული მოწმობით მინიჭებული მხოლოდ ის უფლებამოსილებები, რომლებიც გათვალისწინებულია ამ წესით.

2. ზსხ-ის პილოტი უფლებამოსილია სრულად ჩაითვალოს საფრენოსნო დრო, რომელიც იფრინა ზსხ-ის მეთაურის რანგში. ზსხ-ის პილოტის ინსტრუქტორთან ერთად ნაფრენი დრო ჩაითვლება სრულად.

ა) არის 90 წუთის ხანგრძლივობის;

ბ) შედგება 60 ღია ტიპის კითხვისგან, კითხვებზე პასუხის რამდენიმე ვარიანტის ფორმატით (MCQ).

2. გამოცდის ჩასაბარებლად ამ მუხლის 1-ელ პუნქტში აღნიშნულმა პირმა სწორად უნდა უპასუხოს კითხვების არანაკლებ 75%-ს. გამოცდის ჩაბარების შემთხვევაში სააგენტოს მიერ გაიცემა ზსხ-ის პილოტის საერთო თეორიული ცოდნის დონის დამადასტურებელი სერტიფიკატი.

3. საერთო თეორიული ცოდნის დონის დამადასტურებელი სერტიფიკატი მოქმედია გაცემის თარიღიდან 24 თვის განმავლობაში.

4. ზსხ-ის პილოტის საერთო თეორიული ცოდნის დონის დამადასტურებელი სერტიფიკატის ეკვივალენტური დოკუმენტის მფლობელად მიიჩნევა პირი, იმ შემთხვევაში, თუ აკმაყოფილებს ერთ-ერთ შემდეგ პირობას:

ა) ფლობს თვითმფრინავის ან შვეულმფრენის პილოტის მოქმედ მოწმობას, რომელიც გაცემულია ევროკომისიის 2011 წლის 3 ნოემბრის რეგულაციის „Commission Regulation (EU) No 1178/2011“ I დანართის (ANNEX I (PART-FCL)) შესაბამისად;

ბ) ფლობს სსიპ – სამოქალაქო ავიაციის სააგენტოს დირექტორის 2012 წლის 30 აგვისტოს №150 ბრძანებით დამტკიცებული „ავიასპეციალისტთა სერტიფიცირების წესების“ შესაბამისად გაცემულ თვითმფრინავის ან შვეულმფრენის მოქმედ მოწმობას;

გ) ფლობს არაუმეტეს 24 თვით ადრე გაცემულ თეორიული გამოცდების ჩაბარების დამადასტურებელ სერტიფიკატს, რომელიც მიღებულია ამ მუხლის მე-4 პუნქტის „ა“ და/ან „ბ“ ქვეპუნქტებში მითითებული მოწმობების მიღების მიზნით.

5. ზსხ-ის პილოტის ინსტრუქტორის თეორიული ცოდნის შეფასებაში დამაკმაყოფილებელი შედეგის მისაღებად პირმა სწორად უნდა უპასუხოს საერთო თეორიული გამოცდის კითხვების არანაკლებ 90%-ს.

2. პირს, რომელიც გამოცდის განმავლობაში განახორციელებს ისეთ ქმედებას, რომელიც ეწინააღმდეგება სააგენტოს მიერ დადგენილ საგამოცდო პროცედურას, ეკრძალება სააგენტოს მიერ მომდევნო დანიშნულ საგამოცდო სესიაზე დასწრება. აღნიშნული ქმედების განმეორების შემთხვევაში პირს ეკრძალება მომდევნო ორ დანიშნულ საგამოცდო სესიაზე დასწრება.

ა) ასაკი – არანაკლებ 16 წელი;

ბ) გააჩნია სააგენტოს მიერ სერტიფიცირებული ზსხ-ის პილოტის ინსტრუქტორის მიერ გაცემული საფრენოსნო მომზადების დაწყების დამადასტურებელი დოკუმენტი (დეკლარაცია), რომლის ასლი ეგზავნება სააგენტოს, პილოტ-კურსანტის პერსონალურ მონაცემებთან ერთად;

გ) გააჩნია სააგენტოს მიერ სერტიფიცირებული ზსხ-ის პილოტის ინსტრუქტორის მიერ გაცემული წერილობითი თანხმობა, რომელიც ინსტრუქტორმა უნდა გასცეს ყოველი დამოუკიდებელი ფრენის განხორციელებამდე.

2. დამოუკიდებლად შესრულებული სასწავლო ფრენების დროს, ზსხ-ის პილოტ-კურსანტს ბორტზე მუდმივად უნდა ჰქონდეს ამ მუხლის 1-ლი პუნქტის „გ“ ქვეპუნქტში აღნიშნული დოკუმენტი.

ა) ასაკი – არანაკლებ 16 წელი;

ბ) გავლილი აქვს საერთო თეორიული ცოდნის დონის სერტიფიკატის მისაღებად სწავლების პროგრამა და ფლობს საერთო თეორიული საგნების გამოცდის გავლის დამადასტურებელ სერტიფიკატს;

გ) შესაბამისი კლასის ზსხ-ის პილოტის ინსტრუქტორთან, მათ შორის, იმ ინსტრუქტორთან, რომელთანაც გაიარა საფრენოსნო მომზადება,  ჩაბარებული აქვს:

გ.ა) სპეციფიკური სახმელეთო შემოწმება ამ წესის დანართი №2-ის შესაბამისად;

გ.ბ) საფრენოსნო შემოწმება;

დ) გააჩნია ზსხ-ის პილოტის ინსტრუქტორის მიერ გაცემული სახმელეთო და საფრენოსნო შემოწმებების გავლის დამადასტურებელი დოკუმენტი.

2. ზსხ-ის პილოტის მოწმობა სააგენტოს მიერ გაიცემა უვადოდ.

ა) განახორციელოს ფრენა მგზავრის გარეშე, მხოლოდ იმ კლასის ზსხ-ით, რომლის კვალიფიკაციასაც ფლობს;

ბ) განახორციელოს ფრენა მგზავრთან ერთად, თუ ფლობს აღნიშნულ უფლებამოსილებას შესაბამისი კლასის ზსხ-ისთვის ამ წესის მე-6 მუხლის „გ“  ქვეპუნქტის შესაბამისად;

გ) განახორციელოს პლანერის ბუქსირება, გარდა ზემსუბუქი პლანერისა, იმ შემთხვევაში, თუ ფლობს აღნიშნულ უფლებამოსილებას ამ წესის მე-6 მუხლის „ბ“ ქვეპუნქტის შესაბამისად;

დ) განახორციელოს რადიოსატელეფონო კავშირი ინგლისურ ენაზე, თუ ფლობს აღნიშნულ უფლებამოსილებას ამ წესის მე-6 მუხლის „ა“ ქვეპუნქტის შესბამისად.

2. კლასის კვალიფიკაცია მოითხოვება შემდეგი კლასის ზსხ-ებისთვის:

ა) 1-ლი კლასი – მოტოდელტაპლანი;

ბ) მე-2 კლასი – თვითმფრინავი;

გ) მე-3 კლასი – ავტოჟირი;

დ) მე-4 კლასი – შვეულმფრენი.

2. ზსხ-ის პილოტის ინსტრუქტორი უფლებამოსილია განახორციელოს სწავლება ზსხ-ის ერთ ან რამდენიმე შემდეგ კლასზე:

ა) 1-ლი კლასი – მოტოდელტაპლანი;

ბ) მე-2 კლასი – თვითმფრინავი;

გ) მე-3 კლასი – ავტოჟირი;

დ) მე-4 კლასი – შვეულმფრენი.

ა) ფლობს ზსხ-ის პილოტის მოწმობას და გავლილი აქვს ზსხ-ის პილოტის ინსტრუქტორის თეორიული ცოდნის შეფასება ამ წესის მე-10 მუხლის მე-5 პუნქტის შესაბამისად;

ბ) აქვს შემდეგი საფრენოსნო გამოცდილება, ზსხ-ის კლასის გათვალისწინებით, რომელზეც პირმა უნდა მიიღოს ინსტრუქტორის კვალიფიკაცია:

ბ.ა) 1-ლი კლასი – 100 სთ;

ბ.ბ) მე-2 კლასი – 150 სთ;

ბ.გ) მე-3 კლასი – 200 სთ;

ბ.დ) მე-4 კლასი – 200 სთ;

გ) პირი საფრენოსნო გამოცდილებას ადასტურებს შესაბამისი განცხადებით (დეკლარირებით);

დ) ფლობს მგზავრთან ერთად ფრენის უფლებამოსილებას არანაკლებ 6 თვის განმავლობაში;

ე) ფლობს ინგლისურ ენაზე რადიოსატელეფონო კავშირით სარგებლობის უფლებამოსილებას;

ვ) გავლილი აქვს ფრენისას კომპეტენციის საწყისი შეფასება ზსხ-ის პილოტის ინსტრუქტორის სერტიფიცირებულ სდ-ში.

ა) ასაკი – არანაკლებ 18 წელი;

ბ) სრულად გავლილი აქვს საწყისი სწავლება და მიღებული აქვს დამაკმაყოფილებელი შეფასება ზსხ-ის პილოტის ინსტრუქტორის სერტიფიცირებულ სდ-ში, რომელსაც გააჩნია საწყისი სწავლების დასრულების შემდეგ კომპეტენციის შეფასების უფლებამოსილება.

2. ზსხ-ის პილოტის ინსტრუქტორობის კანდიდატი მთელ მის პედაგოგიურ მომზადებას ახორციელებს იმ სდ-ში, სადაც მან მოიპოვა ინსტრუქტორობის კანდიდატის საქმიანობის უფლება, ზსხ-ის პილოტის ინსტრუქტორის მასწავლებლის და სდ-ის სწავლების მენეჯერის ზედამხედველობის ქვეშ.

ა) არის ზსხ-ის ინსტრუქტორობის კანდიდატი;

ბ) სრულად და დამაკმაყოფილებლად გაიარა პედაგოგიური მომზადება სდ-ში, რომელსაც გააჩნია სწავლების დასრულების შემდეგ ზსხ-ის შესაბამის კლასზე კომპეტნციის შეფასების უფლებამოსილება.

2. ზსხ-ის პილოტის ინსტრუქტორის კვალიფიკაცია მიუთითებს ზსხ-ის კლასს ან კლასებს, რომელთათვისაც ზსხ-ის პილოტის ინსტრუქტორობის კანდიდატმა დააკმაყოფილა კვალიფიკაციის მინიჭების პირობები.

3. ზსხ-ის პილოტის ინსტრუქტორის კვალიფიკაციაში ზსხ-ის ახალი კლასის დამატება ხორციელდება იმ შემთხვევაში, თუ:

ა) მოწმობაში ზსხ-ის დაკავშირებულ კლასზე ფლობს მგზავრთან ერთად ფრენის უფლებამოსილებას;

ბ) გავლილი აქვს დამატებითი სწავლება, რომლის მოცულობა დამოკიდებულია ზსხ-ის კლასზე და სწავლების დასრულების შემდეგ გავლილი აქვს კომპეტენციის შეფასება.

4. ზსხ-ის პილოტის ინსტრუქტორის კვალიფიკაციის დამადასტურებელი სერტიფიკატი გაიცემა სააგენტოს მიერ და სერტიფიკატის ნომერი მიეთითება ზსხ-ის პილოტის მოწმობაში.

2. ზსხ-ის პილოტის ინსტრუქტორის კვალიფიკაციის მოქმედების ვადის გაგრძელდება ხორციელდება, იმ შემთხვევაში, თუ:

ა) კვალიფიკაციის ვადის გასვლამდე 36 თვის განმავლობაში ინსტრუქტორს გავლილი აქვს ზსხ-ის პილოტის ინსტრუქტორის ცოდნის განახლების სწავლება;

ბ) კვალიფიკაციის ვადის გასვლამდე უკანასკნელი 12 თვის განმავლობაში გავლილი აქვს შემოწმება, რომელიც მოიცავს გაფრენისწინა ინსტრუქტაჟს, საფრენოსნო შემოწმებას და ფრენის შემდგომ ინსტრუქტაჟს;

გ) ერთზე მეტი ზსხ-ის კლასის კვალიფიკაციის გაგრძელების შემთხვევაში, ყოველი მომდევნო შემოწმება გავლილი აქვს მოწმობაში მინიჭებულ ზსხ-ის განსხვავებულ კლასზე.

3. ზსხ-ის პილოტის ინსტრუქტორის კვალიფიკაციის ვადის განახლება ხორციელდება, თუ ინსტრუქტორი დაადასტურებს, რომ კვალიფიკაციის განახლების მიზნით განცხადების წარდგენამდე უკანასკნელი 12 თვის განმავლობაში:

ა) გავლილი აქვს ზსხ-ის პილოტის ინსტრუქტორის ცოდნის განახლების კურსი, რომელიც მოიცავს არანაკლებ 12 სთ სწავლებას;

ბ) ზსხ-ის შესაბამისი კლასზე გავლილი აქვს კომპეტენციის შეფასება, რომელიც მოიცავს სახმელეთო და საფრენოსნო შემოწმებას;

გ) ერთზე მეტი ზსხ-ის კლასის კვალიფიკაციის განახლების შემთხვევაში, ამ მუხლის მე-3 პუნქტის „ბ“ ქვეპუნქტში აღნიშნული შეფასება გავლილი აქვს მოწმობაში მინიჭებული ზსხ-ის თითოეული კლასისთვის.

4. ზსხ-ის პილოტის ინსტრუქტორის კვალიფიკაცია და მოქმედების ვადა აღინიშნება ზსხ-ის პილოტის მოწმობაში.

ა) თეორიული და საფრენოსნო მომზადება ზსხ-ის პილოტის მოწმობის მიღების მიზნით;

ბ) სწავლება ამ წესის მე-6 მუხლის „გ“ პუნქტში აღნიშნული მგზავრთან ერთად ფრენის უფლებამოსილების მიღების მიზნით;

გ) სწავლება ამ წესის მე-6 მუხლის „ბ“ პუნქტში აღნიშნული პლანერის ბუქსირების უფლებამოსილების მიღების მიზნით;

დ) სწავლება ამ წესის მე-7 მუხლის 1-ელი პუნქტში აღნიშნული ინგლისურ ენაზე რადიოსატელეფონო კავშირის უფლებამოსილების მიღების მიზნით;

2. ზსხ-ის პილოტის ინსტრუქტორი უფლებამოსილია განახორციელოს ზსხ-ის პილოტის მომზადების შემოწმება და მისი დაშვება:

ა) სპეციფიკურ სახმელეთო შემოწმებაზე;

ბ) საფრენოსნო შემოწმებაზე;

გ) შემოწმებაზე, ამ წესის მე-6 მუხლის „ა-გ“ პუნქტებში განსაზღვრული სპეციალური უფლებამოსილების მიღების მიზნით;

3. ზსხ-ის პილოტის ინსტრუქტორი უფლებამოსილია განახორციელოს ზსხ-ის პილოტის ინსტრუქტორის თეორიული სწავლება და პრაქტიკული მომზადება, ზსხ-ის პილოტის ინსტრუქტორის მასწავლებლის რანგში, იმ შემთხვევაში თუ მას ზსხ-ის პილოტ-კურსანტებისთვის ჩატარებული აქვს არანაკლებ 100 სთ თეორიული და პრაქტიკული სწავლება.

ა) ფლობს ზსხ-ის პილოტის ინსტრუქტორის კვალიფიკაციას;

ბ) ფლობს ზსხ-ის პილოტის ინსტრუქტორის სწავლებისა და მომზადების უფლებამოსილებას ზსხ-ის პილოტის ინსტრუქტორის მასწავლებლის რანგში, ამ წესის 23-ე მუხლის მე-3 პუნქტის შესაბამისად;

გ) დაადასტურებს, რომ ინსტრუქტორობის კანდიდატებისთვის ჩატარებული აქვს არანაკლებ 100 სთ თეორიული და პრაქტიკული სწავლება.

2. ზსხ-ის პილოტის ინსტრუქტორის გამომცდელის უფლებამოსილება მოქმედია მანამ, სანამ პირი ინარჩუნებს ზსხ-ის პილოტის ინსტრუქტორის მოქმედ კვალიფიკაციას.

3. ზსხ-ის პილოტის ინსტრუქტორის გამომცდელი, ზსხ-ის იმ კლას(ებ)-ზე, რომელზეც დაშვებასაც ფლობს, უფლებამოსილია განახორციელოს შემდეგი, გარდა ზსხ-ის პილოტის იმ ინსტრუქტორებისა, რომელთა სწავლებაც თვითონ განახორციელა:

ა) კომპეტენციის შეფასება და შემოწმება, ზსხ-ის პილოტის ინსტრუქტორის კვალიფიკაციის მიღების, მოქმედების ვადის გაგრძელების და განახლების მიზნით;

ბ) კომპეტენციის შეფასება და შემოწმება, ზსხ-ის პილოტის ინსტრუქტორისთვის კვალიფიკაციაში ზსხ-ის ახალი კლასის დამატების მიზნით.

4. ზსხ-ის პილოტის ინსტრუქტორის გამომცდელის უფლებამოსილების დამადასტურებელი სერტიფიკატი გაიცემა სააგენტოს მიერ და სერტიფიკატის ნომერი მიეთითება ზსხ-ის პილოტის მოწმობაში.