დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
„ქალაქ რუსთავის მუნიციპალიტეტის საკრებულოში „შეზღუდული შესაძლებლობის მქონე პირთა საკითხებზე მომუშავე საკონსულტაციო საბჭოს“ შექმნის და დებულების დამტკიცების შესახებ“ ქალაქ რუსთავის მუნიციპალიტეტის საკრებულოს 2023 წლის 24 ნოემბრის №86 დადგენილებაში ცვლილების შეტანის თაობაზე | |
---|---|
დოკუმენტის ნომერი | 117 |
დოკუმენტის მიმღები | ქალაქ რუსთავის მუნიციპალიტეტი |
მიღების თარიღი | 26/01/2024 |
დოკუმენტის ტიპი | მუნიციპალიტეტის საკრებულოს დადგენილება |
გამოქვეყნების წყარო, თარიღი | ვებგვერდი, 29/01/2024 |
სარეგისტრაციო კოდი | 010250050.35.160.016850 |
|
,,ქალაქ რუსთავის მუნიციპალიტეტის საკრებულოში ,,შეზღუდული შესაძლებლობის მქონე პირთა საკითხებზე მომუშავე საკონსულტაციო საბჭოს“ შექმნის და დებულების დამტკიცების შესახებ“ ქალაქ რუსთავის მუნიციპალიტეტის საკრებულოს 2023 წლის 24 ნოემბრის №86 დადგენილებაში ცვლილების შეტანის თაობაზე
|
„ნორმატიული აქტების შესახებ“ საქართველოს ორგანული კანონის მე-20 მუხლის შესაბამისად, ქალაქ რუსთავის მუნიციპალიტეტის საკრებულო ადგენს:
|
მუხლი 1 |
,,ქალაქ რუსთავის მუნიციპალიტეტის საკრებულოში „შეზღუდული შესაძლებლობის მქონე პირთა საკითხებზე მომუშავე საკონსულტაციო საბჭოს“ შექმნის და დებულების დამტკიცების შესახებ“ ქალაქ რუსთავის მუნიციპალიტეტის საკრებულოს 2023 წლის 24 ნოემბრის №86 დადგენილებაში (www.matsne.gov.ge 28/11/2023, 010250050.35.160.016819) შევიდეს შემდეგი სახის ცვლილებები:
1.დადგენილების სათაური ჩამოყალიბდეს შემდეგი რედაქციით: ,,ქალაქ რუსთავის მუნიციპალიტეტის საკრებულოში შეზღუდული შესაძლებლობის მქონე პირთა საკითხებზე მომუშავე საკონსულტაციო საბჭოს შექმნის და დებულების დამტკიცების შესახებ“; 1.2. დადგენილების მეორე მუხლი ჩამოყალიბდეს შემდეგი რედაქციით: ,,დამტკიცდეს ქალაქ რუსთავის მუნიციპალიტეტის საკრებულოში შეზღუდული შესაძლებლობის მქონე პირთა საკითხებზე მომუშავე საკონსულტაციო საბჭოს დებულება, დანართი №1-ის შესაბამისად“. 1.3. დადგენილების მეორე მუხლით დამტკიცებული დანართი №1-ის სათაური ჩამოყალიბდეს შემდეგი რედაქციით: ,,ქალაქ რუსთავის მუნიციპალიტეტის საკრებულოში შეზღუდული შესაძლებლობის მქონე პირთა საკითხებზე მომუშავე საკონსულტაციო საბჭოს დებულება”; 1. 4. დადგენილების მეორე მუხლით დამტკიცებულ დანართი №1-ის მე-3 მუხლის პირველი პუნქტის ,,გ“ ქვეპუნქტი ჩამოყალიბდეს შემდეგი რედაქციით: ,,გ) ქალაქ რუსთავის მუნიციპალიტეტის შესაბამისი სტრუქტურული ერთეულების, მერის წარმომადგენლების, ქალაქ რუსთავის მუნიციპალიტეტის კერძო სამართლის იურიდიული პირების, არასამთავრობო ორგანიზაციების და სხვა ადმინისტრაციული ორეგანოების აქტიურად ჩაბმის უზრუნველყოფა შშმ პირთა საზოგადოებაში ჩართულობის კუთხით; 1.5. დადგენილების მეორე მუხლით დამტკიცებულ დანართი №1-ის მე-3 მუხლის მეორე პუნქტი ჩამოყალიბდეს შემდეგი რედაქციით: ,,2. ამ მუხლის პირველი პუნქტით გათვალისწინებული ფუნქციების განსახორციელებლად საბჭოს უფლება აქვს საბჭოს ეფექტური ფუნქციონირებისათვის, საქართველოს კანონმდებლობით გათვალისწინებული წესით, გამოითხოვოს სახელმწიფო დაწესებულებებიდან, ქალაქ რუსთავის მუნიციპალიტეტის მერიის სტრუქტურული ერთეულებიდან, მერიის წარმომადგენლებიდან, ქალაქ რუსთავის მუნიციპალიტეტის კერძო სამართლის იურიდიული პირებიდან და სხვა ადმინისტრაციული ორგანოებიდან ოფიციალური მონაცემები და დოკუმენტები“. 1.6. დადგენილების მეორე მუხლით დამტკიცებულ დანართი №1-ის მე-4 მუხლის მეოთხე პუნქტი ჩამოყალიბდეს შემდეგი რედაქციით: ,,4. საბჭოს შემადგენლობაში შედის საბჭოს მდივანი, რომელიც არ სარგებლობს ხმის უფლებით და არ იღებს მონაწილეობას საბჭოს გადაწყვეტილებების მიღებაში, იგი ახდენს საბჭოს მუშაობის ორგანიზაციულ-ტექნიკურ უზრუნველყოფას. 1.7. დადგენილების მეორე მუხლით დამტკიცებულ დანართი №1-ის მე-7 მუხლის პირველი პუნქტს ,,ა“ ქვეპუნქტი ჩამოყალიბდეს შემდეგი რედაქციით: ,,ა) საბჭოს თავმჯდომარის არყოფნის შემთხვევაში, თუ არ არსებობს თავმჯდომარის გადაწყვეტილება უფლებამოსილების განხორციელების შესახებ, საბჭოს მოადგილე ახორციელებს საბჭოს თავმჯდომარის უფლებამოსილებას;“ 1.8. დადგენილების მეორე მუხლით დამტკიცებულ დანართი №1-ის მე-8 მუხლის პირველი პუნქტი ჩამოყალიბდეს შემდეგი რედაქციით: ,,1. საბჭოს მდივანი ახორციელებს საბჭოს მუშაობის ორგანიზაციულ-ტექნიკურ უზრუნველყოფას, ამდენად: ა) პასუხისმგებელია საბჭოს სხდომის ოქმის სწორად და ზუსტად შედგენაზე, სხდომათა მასალების შენახვასა და დაცვაზე; ბ) უზრუნველყოფს საბჭოს საქმისწარმოებას. პასუხისმგებელია საბჭოს წევრების ინფორმირებაზე სხდომის ჩატარების თაობაზე სხდომის დღის წესრიგის, ოქმის, დასწრების ფურცლის მომზადებაზე, რომლებსაც წარუდგენს (როგორც მატერიალურად, ასევე ელექტრონულად) საბჭოს წევრებს; გ) 7 (შვიდი) კალენდარული დღით ადრე აცნობოს საბჭოს წევრებს სხდომის ჩანიშვნისა და სხდომის დღის წესრიგის თაობაზე; საკითხის აქტუალურობიდან გამომდინარე, დასაშვებია სხდომის ჩანიშვნის შესახებ ეცნობოს საბჭოს წევრებს საბჭოს სხდომის წინა დღეს; დ) იწვევს და საბჭოს წევრებს წარუდგენს განსახილველი საკითხების ნუსხას; ე) საბჭოზე განსახილველ საკითხთა ჩამონათვალს ურიგებს საბჭოს წევრებს და უწევს კონტროლს დოკუმენტაციის შეგროვებასა და დამუშავებას; ვ) აწარმოებს საბჭოს სხდომების საოქმო დოკუმენტაციას; ზ) ახორციელებს საბჭოს დებულებით გათვალისწინებულ და საბჭოს თავმჯდომარის მიერ გაცემულ ცალკეულ დავალებებს; თ) საბჭოს თავმჯდომარის დავალებით, მონაწილეობს შეზღუდული შესაძლებლობის საკითხებზე ტექნიკური უზრუნველყოფის ჭრილში (წერილების მომზადება და სხვა); ი) კორდინაციას და მონიტორნიგს უწევს საბჭოს მიერ მიღებული გადაწყვეტილებების აღსრულებას და წარუდგენს ინფორმაციას საბჭოს თავმჯდომარეს; კ) კეთილსინდისიერად და ჯეროვნად უზრუნველყოფს ამ დებულებით გათვალისწინებული ვალდებულებების შესრულებას.“ |
მუხლი 2 |
დადგენილება ამოქმედდეს გამოქვეყნებისთანავე.
|
|
დოკუმენტის კომენტარები