“თამბაქოს ნაწარმის გადაადგილების კონტროლის სრულყოფის ღონისძიებების შესახებ"

დოკუმენტის სტრუქტურა

განმარტებების დათვალიერება

დაკავშირებული დოკუმენტები

დოკუმენტის მონიშვნები

“თამბაქოს ნაწარმის გადაადგილების კონტროლის სრულყოფის ღონისძიებების შესახებ"
დოკუმენტის ნომერი	527
დოკუმენტის მიმღები	საქართველოს ფინანსთა მინისტრი
მიღების თარიღი	15/07/2005
დოკუმენტის ტიპი	საქართველოს მინისტრის ბრძანება
გამოქვეყნების წყარო, თარიღი	სსმ, 85, 19/07/2005
სარეგისტრაციო კოდი	340.150.000.22.033.007.561

Word

სახელმწიფო სარეგისტრაციო კოდი 340.150.000.22.033.007.561

საქართველოს ფინანსთა მინისტრის

ბრძანება №527

2005 წლის 15 ივლისი

ქ. თბილისი

თამბაქოს ნაწარმის გადაადგილების კონტროლის სრულყოფის ღონისძიებების შესახებ

საქართველოს საბაჟო კოდექსის 77-ე მუხლის მე-3 ნაწილის, 123-ე მუხლის პირველი ნაწილის ,,ა” ქვეპუნქტისა და მეორე ნაწილის, 127-ე მუხლის პირველი და მეორე ნაწილების, 129-ე მუხლის პირველი ნაწილის, 176-ე მუხლის ,,ზ” ქვეპუნქტის და საქართველოს საგადასახადო კოდექსის 263-ე მუხლის მე-4 ნაწილის მოთხოვნათა შესრულების უზრუნველსაყოფად, ვბრძანებ:

1. თამბაქოს ნაწარმის საბაჟო გაფორმება განხორციელდეს:

ა) რეგიონალური საბაჟო ,,აღმოსავლეთის” საბაჟო გაფორმების განყოფილებაში (ქ. თბილისი, ჭირნახულის I შესახვევი №7);

ბ) რეგიონალური საბაჟო ,,აღმოსავლეთის” საბაჟო საგუშაგო ,,თბილისის აეროპორტის” საბაჟო გაფორმების განყოფილებაში (ქ. თბილისის აეროპორტი);

გ) რეგიონალური საბაჟო ,,დასავლეთის” საბაჟო საგუშაგო ,,ბათუმის პორტის” გაფორმების განყოფილებაში (ქ. ბათუმი, გოგებაშვილის ქ. 60);

დ) რეგიონალური საბაჟო ,,დასავლეთის” საბაჟო საგუშაგო ,,ფოთის პორტის” საბაჟო გაფორმების განყოფილებაში (ქ. ფოთი, ხობის ქ. 7).

2. საქართველოს ტერიტორიაზე თამბაქოს ნაწარმის თითოეული სატრანსპორტო საშუალებით შემოტანისას შემოსასვლელ საბაჟო ორგანოში მოხდეს სატრანსპორტო საშუალებაში მოთავსებული ყუთების საერთო რაოდენობის არანაკლებ 2 %-ის, ხოლო თითოეული ყუთიდან არანაკლებ 2 %-ის შერჩევითი გადამოწმება, რის შესახებაც საბაჟო ორგანო ადგენს სათანადო აქტს თანდართული ფორმის მიხედვით.

3. საზღვაო ტრანსპორტით თამბაქოს ნაწარმის გატანის შემთხვევაში, გადამზიდველის მიერ საბაჟო ორგანოში წარმოდგენილ იქნეს ის სატრანსპორტო დოკუმენტები (სატვირთო (კარგო) დეკლარაცია), რომელიც დაადასტურებს საზღვაო სატრანსპორტო საშუალების ბორტზე საქონლის მიღებას.

4. ბრძანების შესრულების კონტროლი დაევალოს საქართველოს ფინანსთა სამინისტროს საბაჟო დეპარტამენტის თავმჯდომარეს ზურაბ ანთელიძეს.

5. ბრძანება ამოქმედდეს გამოქვეყნებისთანავე.

ა. ალექსიშვილი

დანართი №1

აქტი №

თამბაქოს ნაწარმის შემოწმების შესახებ

„----“ „---------------------“ 200 წ.

შემოწმების ადგილი ------------------------------------------------------------------------------------

ექსპორტიორი ----------------------------------------------------------------------------------------------

იმპორტიორი -----------------------------------------------------------------------------------------------

საქონლის მომწოდებელი ქვეყანა ------------------------------------------------------------------------

თანმხლები დოკუმენტები ----------------------------------------------------------------------------------

------------------------------------------------------------------------------------------------------------

სატრანსპორტო საშუალება -------------------------------------------------------------------------------

გაცხადებული თამბაქოს ნაწარმი, რაოდენობის მიხედვით

------------------------------------------------------------------------------------------------------------

შერჩევით შემოწმებული თამბაქოს ნაწარმის აქციზური მარკების ნორმები

----------------------------------------------------------------------------------------------------------