„პროფესიული საჯარო მოხელის პროფესიული განვითარების საჭიროებების განსაზღვრის წესის, პროფესიული განვითარების სტანდარტისა და წესის დამტკიცების შესახებ“ საქართველოს მთავრობის 2018 წლის 22 მაისის №242 დადგენილებაში ცვლილების შეტანის თაობაზე

1. მე-5 მუხლის მე-4 პუნქტს დაემატოს შემდეგი შინაარსის „ე“ ქვეპუნქტი:

„ე) ელექტრონული სასწავლო პლატფორმის გამოყენებით სწავლება, რაც გულისხმობს სასწავლო კურსის გავლას დამოუკიდებლად, ამისათვის სპეციალურად შექმნილი პლატფორმის გამოყენებით.“.

2. მე-6 მუხლის:

ა) მე-2 პუნქტის შემდგომ დაემატოს შემდეგი შინაარსის 2¹ და 2² პუნქტები:

„2¹. ამ მუხლის პირველი პუნქტით გათვალისწინებული პირის გარდა, ამავე მუხლის 3¹ პუნქტით განსაზღვრულ პროფესიული განვითარების პროგრამას გადის მოქმედი მოხელე, რომლის ფუნქცია-მოვალეობები დაკავშირებულია ამ მუხლის 3¹ პუნქტით განსაზღვრულ ერთ-ერთ მიმართულებასთან/მიმართულებებთან. პროგრამის გავლა შესაძლებელია     მე-5 მუხლის მე-4 პუნქტის „ბ“ ან „ე“ ქვეპუნქტით განსაზღვრული მეთოდებით/ფორმით. პროგრამის გავლის ვალდებულება არ ვრცელდება იმ მოხელეზე, რომელსაც გავლილი აქვს მოცემული პროგრამა.

 2². ამ მუხლის 3² პუნქტით განსაზღვრულ პროფესიული განვითარების პროგრამას გადის ამავე მუხლის პირველი პუნქტით გათვალისწინებული პირი. პროგრამის გავლა შესაძლებელია მე-5 მუხლის მე-4 პუნქტის „ბ“ ან „ე“ ქვეპუნქტით განსაზღვრული მეთოდებით/ფორმით.“;

ბ) მე-3 პუნქტი ჩამოყალიბდეს შემდეგი რედაქციით:

„3. IV და III რანგის მოხელის პროფესიული განვითარების აკრედიტებული საბაზისო პროგრამა არის „პიროვნული და პროფესიული კომპეტენციების განვითარების კურსი“,  ხოლო II და I რანგის მოხელის პროფესიული განვითარების აკრედიტებული საბაზისო სასწავლო პროგრამა −  „მოხელის მენეჯერული უნარები.“;

გ) მე-3 პუნქტის შემდგომ დაემატოს შემდეგი შინაარსის 3¹  და 3² პუნქტები:

„3¹. მოხელის პროფესიული განვითარების თემატური არააკრედიტებული საბაზისო პროგრამა არის  მოხელის პროფესიული განვითარების საბაზისო სასწავლო პროგრამა შემდეგი მიმართულებით:

ა) საჯარო პოლიტიკის ანალიზი, დაგეგმვა, მონიტორინგი და შეფასება;

ბ) სახელმწიფო შიდა ფინანსური კონტროლი;

გ) ადამიანური რესურსების მართვა;

დ) სახელმწიფო შესყიდვები;

ე) ლიდერობა;

ვ) რეგულირების ზეგავლენის შეფასება.

3². მოხელის პროფესიული განვითარების არააკრედიტებული საბაზისო  პროგრამა არის  მოხელის პროფესიული განვითარების საბაზისო სასწავლო პროგრამა შემდეგი მიმართულებით:

ა) კიბერჰიგიენა;

ბ)  პერსონალურ მონაცემთა დაცვა;

გ) გენდერული მეინსტრიმინგი;

დ) კეთილსინდისიერება;

ე) საქართველოს დასავლური ინტეგრაცია;

ვ) მოხელის უფლებები.“;

დ) მე-6 პუნქტი ჩამოყალიბდეს შემდეგი რედაქციით:

„6. მოხელის პროფესიული განვითარების საბაზისო პროგრამა, გარდა ამ მუხლის 3¹ და 3² პუნქტებით განსაზღვრული პროფესიული განვითარების პროგრამისა, უნდა აკმაყოფილებდეს ამ წესის დანართით გათვალისწინებულ მოთხოვნებს.“.

3. მე-7 მუხლს პირველი პუნქტის შემდგომ დაემატოს შემდეგი შინაარსის 1¹ პუნქტი:

„1¹. ამ წესის მე-6 მუხლის 3¹ და 3² პუნქტებით გათვალისწინებული მოხელის პროფესიული განვითარების საბაზისო პროგრამა არ ექვემდებარება ამავე წესით განსაზღვრულ ხარისხის კონტროლს.“.

2. დადგენილების პირველი მუხლის მე-2 პუნქტის „გ“ ქვეპუნქტით განსაზღვრული მე-6 მუხლის 3¹ პუნქტით გათვალისწინებული „ბ“ − „ვ“ ქვეპუნქტებითა და 3² პუნქტით განსაზღვრული საბაზისო პროგრამების გავლის ვალდებულება მოხელეს წარმოეშობა 2025 წლის 1 იანვრიდან 1 წლის ვადაში.