,,საქართველოს პროკურატურის თანამშრომელთა რანგირების წესის დამტკიცების შესახებ“ საქართველოს გენერალური პროკურორის 2020 წლის 21 აგვისტოს №036 ბრძანებაში ცვლილების შეტანის თაობაზე

1. პირველი მუხლის:

ა)  მე-4 პუნქტი ჩამოყალიბდეს შემდეგი რედაქციით:

„4. რანგირებას ექვემდებარება პროკურორი და პროკურატურის გამომძიებელი (შემდგომში – გამომძიებელი).“;

ბ) მე-7 პუნქტი ჩამოყალიბდეს შემდეგი რედაქციით:

„7.  პირველი და მეორე  რანგის პროკურორი/ გამომძიებელი იღებს  შესაბამის რანგის  დანამატს (გარდა ანაზღაურების გარეშე შვებულების პერიოდისა).“.

2. მე-2 მუხლი ჩამოყალიბდეს შემდეგი რედაქციით:

,,მუხლი 2. რანგირების სისტემა

რანგირების სისტემა ერთიანია გენერალური პროკურატურის, ავტონომიური რესპუბლიკების პროკურატურების, თბილისის, საოლქო, რაიონული და სპეციალიზებული პროკურატურების პროკურორებისა და გამომძიებლებისთვის.“.

3. მე-3 მუხლის მე-2 და მე-3 პუნქტები ჩამოყალიბდეს შემდეგი რედაქციით:

„2. რანგის მინიჭება ან შეცვლა ხდება  თანმიმდევრობით, რიგითობის დაცვით, რანგის გამოტოვების გარეშე.

3. გენერალური პროკურორი უფლებამოსილია, განსაკუთრებულ შემთხვევაში, გენერალური პროკურორის მუდმივმოქმედი  სათათბირო ორგანოს – რანგირების საბჭოს (შემდგომში – საბჭო) რეკომენდაციის საფუძველზე, მოტივირებული გადაწყვეტილებით, პროკურორს/გამომძიებელს  რანგი მიანიჭოს ან შეუცვალოს  ამ მუხლის მე-2 პუნქტით დადგენილი წესის დაცვის გარეშე, შესაბამისი საფეხურის გამოტოვებით.“.