დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
„საქართველოსა და აზიის განვითარების ბანკს შორის სასესხო შეთანხმება (ჩვეულებრივი ოპერაციები) (კლიმატგონივრული ირიგაციის სექტორის განვითარების პროექტი)“ | |
---|---|
დოკუმენტის ნომერი | 1069 |
დოკუმენტის მიმღები | საქართველოს საგარეო საქმეთა მინისტრი |
მიღების თარიღი | 17/11/2023 |
დოკუმენტის ტიპი | საქართველოს საერთაშორისო ხელშეკრულება და შეთანხმება |
გამოქვეყნების წყარო, თარიღი | ვებგვერდი, 16/01/2024 |
ძალაში შესვლის თარიღი | 15/12/2023 |
სარეგისტრაციო კოდი | 480610000.03.030.016764 |
|
სასესხო შეთანხმება, დათარიღებული 2023 წლის 17 ნოემბრით, საქართველოსა („მსესხებელი“) და აზიის განვითარების ბანკს („ADB“) შორის,
სადაც, (A) მსესხებელმა მიმართა ADB-ს სესხის გამოყოფის თაობაზე, წინამდებარე სასესხო შეთანხმების 1-ელ განგრიგში აღწერილი პროექტის მიზნებისათვის; (B) მსესხებელსა და ADB-ს შორის იმავე დღით დათარიღებული სასესხო შეთანხმების თანახმად („პროგრამის სასესხო შეთანხმება“), ADB დათანახმდა სესხის გამოყოფას ADB-ის ჩვეულებრივი კაპიტალური რესურსებიდან ცამეტი მილიონ ცხრაას სამოცდაცხრამეტი ათასი ევროს (€ 13,979,000) ოდენობით („პროგრამის სესხი“) პროგრამის სასესხო შეთანხმების 1-ელ განრიგში აღწერილი პროგრამის მიზნებისათვის; (C) ADB თანახმაა გასცეს სესხი მსესხებელზე ADB-ის ჩვეულებრივი კაპიტალური რესურსებიდან, წინამდებარე შეთანხმებით გათვალისწინებული ვადებისა და პირობების შესაბამისად. ამგვარად, მხარეები თანხმდებიან შემდეგზე: |
მუხლი I სასესხო რეგულაციები; განმარტებები ნაწილი 1.01. ADB-ის 2022 წლის 1 იანვრით დათარიღებული ჩვეულებრივი ოპერაციებისათვის განსაზღვრული სასესხო რეგულაციების („სასესხო რეგულაციები“) ყველა დებულება ვრცელდება წინამდებარე სასესხო შეთანხმებაზე იმავე ძალითა და ეფექტით, როგორიც მას ექნებოდა წინამდებარე დოკუმენტში სრულად ასახვის შემთხვევაში. ნაწილი 1.02. წინამდებარე სასესხო შეთანხმებაში გამოყენებულ, სასესხო რეგულაციებში განმარტებულ რამდენიმე ტერმინს აქვს იგივე მნიშვნელობა, რაც განსაზღვრულია სასესხო რეგულაციებში, თუ წინამდებარე შეთანხმებაში არ მოხდა მათი შეცვლა ან კონტექსტიდან სხვა რამ არ გამომდინარეობს. წინამდებარე სასესხო შეთანხმებაში გამოყენებულ დამატებით ტერმინებს აქვთ შემდეგი მნიშვნელობა: (a) „საკონსულტაციო მომსახურებები“ ნიშნავს საკონსულტაციო მომსახურებებს, როგორც ეს აღწერილია შესყიდვების რეგულაციებით და ასახულია შესყიდვის გეგმაში და რომლებიც დაფინანსდება სესხის თანხიდან; (b) „EARF“ ნიშნავს გარემოს შეფასების და მიმოხილვის ჩარჩო დოკუმენტს პროექტისთვის, მათ შორის მის ნებისმიერ განახლებას, რომელსაც ამზადებს და წარადგენს მსესხებელი, პროექტის აღმასრულებელი სააგენტოს მეშვეობით და ადასტურებს ADB; (c) „EMP“ ნიშნავს გარემოს მართვის გეგმას, რომელიც მომზადებულია ქვეპროექტისთვის, მოიცავს ნებისმიერ განახლებას, რომელიც წარმოადგენს IEE-ს ნაწილს; (d) „გარემოსდაცვითი გარანტიები“ ნიშნავს იმ პრინციპებსა და მოთხოვნებს, რომლებიც აღწერილია SPS-ის V თავში, 1-ელ, მე-4 დანართში (საჭიროებისამებრ); (e) „GAP“ ნიშნავს გენდერულ სამოქმედო გეგმას, რომელიც მზადდება პროექტისთვის, მათ შორის მის ნებისმიერ განახლებას, რომელიც შეთანხმებული იქნება მსესხებელსა და ADB-ს შორის; (f) „საქონელი“ ნიშნავს აღჭურვილობას და მასალებს, როგორც ეს შესყიდვის გეგმით არის განსაზღვრული და რომლებიც დაფინანსდება სესხის თანხებიდან, მათ შორის ისეთ არასაკონსულტაციო მომსახურებებს, როგორიცაა: ტრანსპორტირება, დაზღვევა, მონტაჟი, ექსპლუატაციაში ჩაშვება, სწავლება და პირველადი ტექნიკური მომსახურება; (g) „IEE” ნიშნავს პროექტის გარემოს პირველად შემოწმებას, მათ შორის მის ნებისმიერ განახლებას, რომელსაც ამზადებს და წარადგენს მსესხებელი, პროექტის აღმასრულებელი სააგენტოს მეშვეობით და ადასტურებს ADB; (h) „მკვიდრი მოსახლეობის გარანტიები“ ნიშნავს SPS-ის V თავის, მე-3 დანართში, მე-4 დანართში (საჭიროებისამებრ) განსაზღვრულ პრინციპებსა და მოთხოვნებს; (i) „იძულებითი განსახლების გარანტიები“ ნიშნავს იმ პრინციპებსა და მოთხოვნებს, რომლებიც აღწერილია ქვემოთ SPS-ის V თავის მე-2, მე-4 დანართებში (შესაბამისობის მიხედვით); (j) „LARF” ნიშნავს პროექტის მიწის შესყიდვის ჩარჩო დოკუმენტს, მათ შორის ნებისმიერ მის განახლებას, რომელსაც ამზადებს და წარადგენს მსესხებელი, პროექტის აღმასრულებელი სააგენტოს მეშვეობით, და ადასტურებს ADB; (k) „LARP” ნიშნავს პროექტისთვის მომზადებულ განსახლების ჩარჩოს, მათ შორის მის ნებისმიერ განახლებას, რომელიც მომზადდება და წარდგენილი იქნება მსესხებლის მიერ, პროექტის აღმასრულებელი სააგენტოს მეშვეობით და დადასტურდება ADB-ის მიერ; (l) „სესხის ჩამორიცხვის სახელმძღვანელო“ ნიშნავს ADB-ის სესხის ჩამორიცხვის სახელმძღვანელოს (2022 წლის ვერსია, მასში პერიოდულად შეტანილი ცვლილებებით); (m) „MEPA” ნიშნავს მსესხებლის გარემოს დაცვისა და სოფლის მეურნეობის სამინისტროს ან მის შესაძლო სამართალმემკვიდრეს; (n) „MOF” ნიშნავს მსესხებლის ფინანსთა სამინისტროს ან მის შესაძლო სამართალმემკვიდრეს; (o) „არა-საკონსულტაციო მომსახურებები“ ნიშნავს არა-საკონსულტაციო მომსახურებებს, რომლებიც აღწერილია შესყიდვების რეგულაციებში და შესყიდვის გეგმაში და რომლებიც დაფინანსდება სესხის თანხის საშუალებით; (p) „PAM” – ნიშნავს პროექტის ადმინისტრირების სახელმძღვანელოს, რომელიც დათარიღებულია 2023 წლის 20 სექტემბრით და შეთანხმებულია მსესხებელსა და ADB-ს შორის და ექვემდებარება პერიოდულ განახლებას მსესხებლისა და ADB-ის ადმინისტრაციული პროცედურების შესაბამისად; (q) „შესყიდვების გეგმა“ ნიშნავს, პროექტის შესყიდვების გეგმას, რომელიც დათარიღებულია 2023 წლის 20 სექტემბრით და შეთანხმებულია მსესხებელსა და ADB-ს შორის, რომელიც ექვემდებარება პერიოდულ განახლებას შესყიდვის პოლიტიკის, შესყიდვის რეგულაციების, და ADB-სთან შეთანხმებული სხვა პირობების საფუძველზე; (r) „შესყიდვების პოლიტიკა“ ნიშნავს ADB-ის შესყიდვის რეგულაციებს ADB-ის მსესხებლებისთვის საქონლის, სამუშაოს, არასაკონსულტაციო და საკონსულტაციო მომსახურებებს (2017 წლის ვერსია, მასში, პერიოდულად შეტანილი ცვლილებებით); (s) „შესყიდვების რეგულაციები“ ნიშნავს ADB-ს მიერ მსესხებლებისთვის დადგენილ შესყიდვების რეგულაციებს საქონელი, სამუშაოები, არასაკონსულტაციო და საკონსულტაციო მომსახურებები (2017 წლის ვერსია, მასში პერიოდულად შეტანილი ცვლილებებით); (t) „პროექტის აღმასრულებელი სააგენტო“ სასესხო რეგულაციების მიზნებისა და შინაარსისთვის, ნიშნავს MEPA-ს ან მის შესაძლო უფლებამონაცვლეს, რომელიც მისაღებია ADB-სთვის და პასუხისმგებელია პროექტის განხორციელებაზე; (u) „საპროექტო ტერიტორია“ ნიშნავს ძირითადი არხის ნაწილს, რომელიც ქმნის საპროექტო ობიექტების ნაწილს ან კომბინირებული (ღია და დახურული მილსადენის სისტემა) გამანაწილებელი ქსელის ტერიტორიას, რომელიც საპროექტო ობიექტების ნაწილს წარმოადგენს; (v) „საპროექტო ობიექტები“ ნიშნავს პროექტის ფარგლებში შესამუშავებელ, ასაშენებელ, დასამონტაჟებელ, განსაახლებელ, სარეაბილიტაციო ან/და საექსპლუატაციო ობიექტებს; (w) „საგარანტიო მექანიზმების მონიტორინგის ანგარიში“ ნიშნავს თითოეულ ანგარიშს, რომელსაც მსესხებელი, პროექტის აღმასრულებელი სააგენტოს მეშვეობით, ამზადებს და წარუდგენს ADB-ს და რომელიც აღწერს განხორციელების მიმდინარეობას და EMP-თან და LARP-თან შესაბამისობას (საჭიროებისამებრ), მათ შორის გამოსასწორებელ და პრევენციულ ქმედებებს; (x) „მომსახურებები“ ნიშნავს საკონსულტაციო მომსახურებებს და არასაკონსულტაციო მომსახურებებს; (y) „SPS” – ნიშნავს ADB-ის საგარანტიო პოლიტიკას (2009); და (z) „სამუშაოები“ ნიშნავს მშენებლობას ან სამშენებლო სამუშაოებს, რომლებიც განსაზღვრულია შესყიდვების გეგმით და ფინანსდება სასესხო სახსრებიდან, მათ შორის არასაკონსულტაციო მომსახურებებს და პროექტთან დაკავშირებულ მომსახურებებს, რომლებიც ხორციელდება ცალკეული პასუხისმგებლობის ან კონტრაქტის სრული პაკეტის ფარგლებში. მუხლი II სესხი ნაწილი 2.01. (a) ADB თანახმაა ADB-ის ჩვეულებრივი კაპიტალური რესურსებიდან გასცეს სესხი მსესხებელზე ოცდაათი მილიონ შვიდას ორმოცდათხუთმეტი ათასი (€30,755,000) ევროს ოდენობით, იმის გათვალისწინებით, რომ ხსენებული თანხა შესაძლოა დროდადრო კონვერტირებულ იქნეს ვალუტის კურსის მიხედვით, წინამდებარე სასესხო შეთანხმების 2.06 პუნქტში მოცემული დებულებების შესაბამისად. (b) სესხის ძირითადი თანხის დაფარვის ვადა შეადგენს 20 წელს, ხოლო საშეღავათო პერიოდი განსაზღვრულია წინამდებარე პუნქტის (c) ქვეპუნქტში. (c) ტერმინი „საშეღავათო პერიოდი”, რომელიც გამოყენებულია ამ პუნქტის (b) ქვეპუნქტში, გულისხმობს პერიოდს, სესხის ძირითადი თანხის პირველი გადახდის თარიღამდე, ამორტიზაციის განრიგის შესაბამისად, რომელიც მოცემულია წინამდებარე სასესხო შეთანხმების მე-2 განრიგში. ნაწილი 2.02. მსესხებელი გადაუხდის ADB-ს პროცენტს ათვისებულ და დაუბრუნებელ სესხის თანხაზე დროდადრო თითოეულ საპროცენტო პერიოდში, განაკვეთით, რომელიც ტოლია შემდეგ საკრებთა ჯამისა: (a) Euribor; (b) 0.60%, როგორც ეს განსაზღვრულია სასესხო რეგულაციების 3.02 ნაწილით, და გამოკლებული კრედიტი 0.10%-ის ოდენობით, როგორც ეს განსაზღვრულია სასესხო რეგულაციების 3.03 ნაწილით; და (c) სესხის დაფარვის ვადიანობის პრემია 0.20%, როგორც ეს განსაზღვრულია სასესხო რეგულაციების 3.03 ნაწილით. ნაწილი 2.03. მსესხებელმა უნდა გადაიხადოს ვალდებულების გადასახდელი წელიწადში 0.15%-ის ოდენობით. ასეთი გადასახდელი უნდა დაირიცხოს სესხის მთლიან თანხაზე (გარდა დროდადრო ათვისებული თანხებისა), დაწყებული წინამდებარე სასესხო შეთანხმების ხელმოწერის თარიღიდან 60 დღის შემდეგ. ნაწილი 2.04. სესხზე დარიცხული პროცენტი ან ნებისმიერი სხვა სახის საკომისიოები გადახდილი უნდა იყოს წელიწადში ორჯერ, ყოველი წლის 15 აპრილსა და 15 ოქტომბერს. ნაწილი 2.05. სასესხო ანგარიშიდან გამოტანილ სესხის ძირითად თანხას მსესხებელი დაფარავს წინამდებარე შეთანხმების მე-2 განრიგში მოცემული დებულებების შესაბამისად. ნაწილი 2.06. (a) მსესხებელს ნებისმიერ დროს შეუძლია მოითხოვოს სესხის პირობებში შემდეგი ცვლილების შეტანა, რათა ხელი შეუწყოს სესხის გონივრულ მართვას:
(b) წინამდებარე პუნქტის (a) ქვეპუნქტის თანახმად საჭირო ნებისმიერი ცვლილება, რომელიც დადასტურებულია ADB-ის მიერ, უნდა განისაზღვროს როგორც „კონვერტაცია”, როგორც ეს განმარტებულია სასესხო რეგულაციების 2.01 (e) ნაწილში და უნდა შევიდეს ძალაში სასესხო რეგულაციების V მუხლისა და კონვერტაციის სახელმძღვანელო პრინციპების შესაბამისად. მუხლი III სასესხო სახსრების გამოყენება ნაწილი 3.01. მსესხებელმა უნდა უზრუნველყოს სასესხო სახსრების გამოყენება პროექტით გათვალისწინებული ხარჯების დასაფინანსებლად, წინამდებარე სასესხო შეთანხმების პირობების შესაბამისად. ნაწილი 3.02. სასესხო სახსრების გამოთხოვა და გამოყენება უნდა მოხდეს წინამდებარე სასესხო შეთანხმების მე-3 განრიგში მოცემული პირობების შესაბამისად, რომელიც დროდადრო ექვემდებარება ცვლილებას მსესხებელსა და ADB-ს შორის შეთანხმების საფუძველზე. ნაწილი 3.03. თუკი სხვაგვარად არ იქნება შეთანხმებული ADB-სთან, მსესხებელი უზრუნველყოფს ან ქმნის პირობებს იმის უზრუნველსაყოფად, რომ დანახარჯების დაფინანსება გახორციელდეს სასესხო სახსრებიდან, წინამდებარე შეთანხმების მე-4 განრიგის დებულებების შესაბამისად. ნაწილი 3.04. სასესხო რეგულაციების 9.02 ნაწილის მიზნებისთვის სესხის დახურვის თარიღი იქნება 2030 წლის 30 აპრილი, ან ნებისმიერი სხვა თარიღი, რომელიც შეიძლება პერიოდულად შეიცვალოს და განისაზღვროს მსესხებელსა და ADB-ს შორის შეთანხმების საფუძველზე. მუხლი IV განსაკუთრებული დებულებები ნაწილი 4.01 პროექტისა და პროექტთან დაკავშირებული საქმიანობის გახორციელების პროცესში მსესხებელმა უნდა შეასრულოს ან უზრუნველყოს წინამდებარე სასესხო შეთანხმების მე-4 განრიგში მოცემული ყველა ვალდებულების შესრულება. ნაწილი 4.02 (a) მსესხებელმა, პროექტის აღმასრულებელი სააგენტოს მეშვეობით, უნდა (i) იქონიოს ცალკე ანგარიშები და დოკუმენტაცია აღნიშნული პროექტისათვის, (ii) მოამზადოს პროექტის წლიური ფინანსური ანგარიშები, ADB-ისთვის მისაღები ფინანსური ანგარიშგების სტანდარტების შესაბამისად; (iii) ყოველწლიურად განახორციელებინოს აღნიშნული ფინანსური ანგარიშების აუდიტი დამოუკიდებელ აუდიტორებს, რომელთა კვალიფიკაცია, გამოცდილება და კომპეტენცია მისაღებია ADB-თვის, აუდიტის ჩატარების სტანდარტების შესაბამისად; (iv) თითოეული მსგავსი აუდიტის შემთხვევაში აუდიტორებს მოამზადებინოს ანგარიში, რომელშიც მოცემული იქნება აუდიტის დასკვნა ფინანსურ ანგარიშებთან და სასესხო თანხების გამოყენებასთან დაკავშირებით და ასევე მენეჯმენტის წერილი (რომელიც განსაზღვრავს პროექტის შიდა კონტროლის კუთხით არსებულ ნაკლოვანებებს, რომელიც აღმოჩენილ იქნა აუდიტის მიერ, ასეთის არსებობის შემთხვევაში) და (v) ფისკალური წლის დამთავრებიდან არა უგვიანეს 6 თვის ვადაში ADB-ს წარუდგინოს შემოწმებული ფინანსური ანგარიშების, აუდიტის დასკვნებისა და მენეჯმენტის წერილის ასლები, ინგლისურ ენაზე და ასევე აღნიშნულ დოკუმენტებთან დაკავშირებული ინფორმაცია, დროდადრო ADB-ს გონივრული მოთხოვნის შესაბამისად. (b) ADB-მ საკუთარ ვებგვერდზე უნდა გაასაჯაროოს პროექტის შემოწმებული წლიური ფინანსური ანგარიშები და მასთან დაკავშირებული აუდიტის დასკვნები, ADB-ის მიერ აღიშნული დოკუმენტების მიღების დადასტურებიდან 14 დღის ვადაში. (c) მსესხებელმა, პროექტის აღმასრულებელი სააგენტოს მეშვეობით, საშუალება უნდა მისცეს ADB-ს, მისივე მოთხოვნის შესაბამისად, წინამდებარე თავის (a)(iii) ქვეპუნქტის შესაბამისად დაქირავებულ აუდიტორებთან ერთად განიხილოს პროექტის ფინანსური ანგარიში და მსესხებლის ფინანსური საქმიანობა, თუ ეს დაკავშირებულია პროექტთან და უფლებამოსილება მიანიჭოს აღნიშნული აუდიტორების წარმომადგენლებს მონაწილეობა მიიღონ აღნიშნულ განხილვებში ADB-ს მოთხოვნის შესაბამისად. გასათვალისწინებელია, რომ აღნიშნული განხილვები უნდა ჩატარდეს მხოლოდ მსესხებლის უფლებამოსილი წარმომადგენლის თანდასწრებით, გარდა იმ შემთხვევისა, თუ მსესხებელთან არ მოხდება სხვაგვარად შეთანხმება. ნაწილი 4.03 მსესხებელმა, პროექტის აღმასრულებელი სააგენტოს მეშვეობით, შესაძლებლობა უნდა მისცეს ADB-ს წარმომადგენლებს განახორციელონ პროექტის, საქონლისა და სამუშაოების და შესაბამისი ანგარიშებისა და დოკუმენტაციის ინსპექტირება. მუხლი V ძალაში შესვლა ნაწილი 5.01. ქვემოთ მოცემული განსაზღვრულია, როგორც დამატებითი პირობა წინამდებარე სასესხო შეთანხმების ძალაში შესვლისთვის სასესხო რეგულაციების 10.01(f) ნაწილის მიზნებისთვის: პროგრამის სასესხო შეთანხმება სათანადოდ უნდა იქნეს შესრულებული და მიწოდებული მსესხებლის სახელით და ძალაში შესვლის ყველა წინაპირობა (იმ პირობის გარდა, რომელიც ითხოვს წინამდებარე სასესხო შეთანხმების ძალაში შესვლას) უნდა იყოს შესრულებული. ნაწილი 5.02. ქვემოთ მოცემული განსაზღვრულია, როგორც დამატებითი საკითხი სასესხო რეგულაციების 10.02(d) ნაწილის მიზნებისთვის, რომელიც უნდა აისახოს ADB-ისთვის წარსადგენ დასკვნაში ან დასკვნებში: რომ პროგრამის სასესხო შეთანხმება სათანადოდ უნდა იქნეს დამტკიცებული ან რატიფიცირებული, შესრულებული და მიწოდებული მსესხებლის სახელით და მასში მოცემული პირობების შესაბამისად სამართლებრივად სავალდებულო იყოს მსესხებლისთვის და ექვემდებარებოდეს მხოლოდ წინამდებარე სასესხო შეთანხმების ძალაში შესვლას. ნაწილი 5.03. სასესხო რეგულაციების 10.04 ნაწილის მიზნებისთვის, წინამდებარე სასესხო შეთანხმება ძალაში შესულად ჩაითვლება წინამდებარე შეთანხმების ხელმოწერიდან 90 დღის შემდეგ. მუხლი VI სხვადასხვა პირობები ნაწილი 6.01. მსესხებელი ქვეყნის ფინანსთა მინისტრი მიიჩნევა მსესხებლის წარმომადგენლად სასესხო რეგულაციების 12.02 ნაწილში განსაზღვრული მიზნებიდან გამომდინარე. ნაწილი 6.02. ქვემოთ მოყვანილი მისამართები განსაზღვრულია სასესხო რეგულაციების 12.01 ნაწილში განსაზღვრული მიზნებიდან გამომდინარე: მსესხებლისთვის ფინანსთა სამინისტრო გორგასლის ქუჩა N16, 0114 თბილისი, საქართველო ელექტრონული ფოსტა publicdebt@mof.ge ADB-ისთვის აზიის განვითარების ბანკი 6 ADB-ის გამზირი მანდალუიონგი 1550 მეტრო მანილა ფილიპინები ფაქსი: (632) 8636-2444 რის დასტურადაც, მხარეები, მოქმედებენ რა სათანადოდ უფლებამოსილი წარმომადგენლების მეშვეობით, ხელს აწერენ წინამდებარე სასესხო შეთანხმებას, მათი შესაბამისი სახელებით, ზემოთ დაწერილი პირველი დღისა და წლის მდგომარეობით და უზრუნველყოფენ მის მიწოდებას ADB-ის ძირითად ოფისში. საქართველო
__________________________________ ლაშა ხუციშვილი ფინანსთა მინისტრი აზიის განვითარების ბანკი
__________________________________ ლესლი ლამ საქართველოს ადგილობრივი წარმომადგენლობის დირექტორი
განრიგი 1 პროექტის აღწერა
1. პროექტის მიზანია აღმოსავლეთ საქართველოში მდგრადი, პროდუქტიული და მედეგი სოფლის მეურნეობის სისტემების გაძლიერება. 2. პროექტი მოიცავს შემდეგ საკითხებს: (a) ქვემო სამგორის მარცხენა მაგისტრალური არხის საირიგაციო სისტემის მოდერნიზაცია აღმოსავლეთ საქართველოში, კახეთის რეგიონში, მათ შორის: (i) მაგისტრალური არხის განახლება (სიგრძე – დაახლოებით 17 კილომეტრი); (ii) დაახლოებით 630 კილომეტრი ჯამური სიგრძის მქონე კომბინირებული (ღია და დახურული მილსადენის სისტემა) გამანაწილებელი ქსელის მშენებლობა სარწყავი წყლის მისაწოდებლად დაახლოებით 7316 ჰექტარ სასოფლო-სამეურნეო მიწაზე, რომელიც ჩაანაცვლებს მიმდინარე ღია არხის სისტემას; და (iii) საზედამხედველო კონტროლისა და მონაცემთა შეგროვების სისტემის შექმნა წყლის ნაკადების რეალურ დროში მონიტორინგისა და რეგულირებისთვის. (b) ფერმერების მხარდაჭერის უზრუნველყოფა ირიგაციის და სასოფლო-სამეურნეო წარმოების ტექნოლოგიების მოდერნიზებისა და გაუმჯობესების მიმართულებით, მათ შორის: (i) ინოვაციური საირიგაციო და სასოფლო-სამეურნეო წარმოების ტექნოლოგიების დემონსტრირება, მათ შორის კლიმატგონივრული წყლის მართვა და ირიგაციის მეთოდები (წვეთური და გაფრქვევითი ირიგაცია), ადგილობრივი წყლის შენახვისა და გადამუშავების შესაძლებლობები; კლიმატგონივრული ფერმის მართვა, როგორიცაა ციფრული ტექნოლოგიები და მაღალი ღირებულების მოსავლის წარმოება; და ღონისძიებები ნიადაგის ეროზიის წანააღმდეგ; (ii) ფერმერთა და სარწყავი სისტემის მიმართულებით დაინტერესებული მხარეების შესაძლებლობების განვითარების უზრუნველყოფა ახალი ფერმერული ტექნოლოგიების სწავლების გზით; (iii) ღონისძიებების იდენტიფიცირება ფინანსებზე, საბაზრო ინფორმაციაზე ხელმისაწვდომობის შეზღუდვების აღმოსაფხვრელად და ახალი ტექნოლოგიების დასანერგად. 3. პროექტის დასრულება იგეგმება 2029 წლის 31 ოქტომბერს. განრიგი 2 ამორტიზაციის განრიგი
გადახდის თარიღი სესხზე შენატანი (გამოსახული პროცენტებში %)
15 აპრილი, 2029 2.500000 15 ოქტომბერი, 2029 2.500000 15 აპრილი, 2030 2.500000 15 ოქტომბერი, 2030 2.500000 15 აპრილი, 2031 2.500000 15 ოქტომბერი, 2031 2.500000 15 აპრილი, 2032 2.500000 15 ოქტომბერი, 2032 2.500000 15 აპრილი, 2033 2.500000 15 ოქტომბერი, 2033 2.500000 15 აპრილი, 2034 2.500000 15 ოქტომბერი, 2034 2.500000 15 აპრილი, 2035 2.500000 15 ოქტომბერი, 2035 2.500000 15 აპრილი, 2036 2.500000 15 ოქტომბერი, 2036 2.500000 15 აპრილი, 2037 2.500000 15 ოქტომბერი, 2037 2.500000 15 აპრილი, 2038 2.500000 15 ოქტომბერი, 2038 2.500000 15 აპრილი, 2039 2.500000 15 ოქტომბერი, 2039 2.500000 15 აპრილი, 2040 2.500000 15 ოქტომბერი, 2040 2.500000 15 აპრილი, 2041 2.500000 15 ოქტომბერი, 2041 2.500000 15 აპრილი, 2042 2.500000 15 ოქტომბერი, 2042 2.500000 15 აპრილი, 2043 2.500000 15 ოქტომბერი, 2043 2.500000 15 აპრილი, 2044 2.500000 15 ოქტომბერი, 2044 2.500000 15 აპრილი, 2045 2.500000 15 ოქტომბერი, 2045 2.500000 15 აპრილი, 2046 2.500000 15 ოქტომბერი, 2046 2.500000 15 აპრილი, 2047 2.500000 15 ოქტომბერი, 2047 2.500000 15 აპრილი, 2048 2.500000 15 ოქტმობერი, 2048 2.500000
(a) იმ შემთხვევაში თუ სესხის თანხების ნაწილი ათვისებულია ძირითადი თანხის დაფარვის პირველი გადახდის თარიღისთვის, მსესხებელმა უნდა გადაიხადოს ათვისებული და შესაბამისი თარიღისთვის ჩამოურიცხავი თანხა ამ განრიგის პირველი პუნქტის შესაბამისად; და (b) ნებისმიერი თანხა, რომლის ათვისებაც მოხდა ძირითადი თანხის პირველი გადახდის თარიღის შემდეგ, უნდა იქნეს გადახდილი ძირითადი თანხის ყოველი გადახდის თარიღში, რომელიც დადგება აღნიშნული ათვისების შემდეგ, იმ ოდენობით, რომელსაც განსაზღვრავს ADB ყოველი ასეთი ათვისებული თანხის გამრავლებით წილადზე, რომლის მრიცხველიც იქნება სესხზე თავდაპირველი შენატანი, რომელიც განსაზღვრულია პირველ პუნქტში მოცემულ ცხრილში, ძირითადი თანხის შესაბამისი გადახდის თარიღისთვის (სესხზე თავდაპირველი შენატანი), ხოლო მნიშვნელი იქნება ამ თარიღში ან ამ თარიღის შემდეგ დარჩენილი ძირითადი თანხის გადახდის თარიღების შესაბამისი თავდაპირველი შენატანების ჯამი, და ამგვარად დაანგარიშებული თანხა შეიძლება ჩასწორდეს, რათა მოხდეს ამ განრიგის მე-4 პუნქტში შესული ნებისმიერი თანხების გამოქვითვა, რომლებზეც ვრცელდება ვალუტის კონვერტაცია.
4. მიუხედავად ამ განრიგის პირველ და მე-2 პუნქტებში შესული დებულებებისა, ათვისებული სესხის ძირითადი თანხის მთლიანი ან მისი ნებისმიერი ნაწილის დამტკიცებულ ვალუტაში კონვერტირებისას, დამტკიცებულ ვალუტაში კონვერტირებული თანხა, რომელიც უნდა იქნეს გადახდილი ძირითადი თანხის დაფარვის მიზნით რომელიმე გადახდის თარიღში, რომელიც დადგება კონვერტირების პერიოდის განმავლობაში, განისაზღვრება ADB-ის მიერ კონვერტაციამდე თავის ვალუტაში დენომინირებული აღნიშნული თანხის გამრავლებით ერთ-ერთზე მომდევნო ორიდან: (a) გაცვლით კურსზე, რომელიც ასახავს ძირითად თანხას აღნიშნულ დამტკიცებულ ვალუტაში, რომლის გადახდაც ხდება ADB-ს მიერ ვალუტის ჰეჯირების ტრანზაქციის ფარგლებში, რომელიც დაკავშირებულია აღნიშნულ კონვერტირებასთან ან (b) იმ შემთხვევაში, თუ ADB ამგვარ გადაწყვეტილებას მიიღებს, კონვერტაციის პრინციპების შესაბამისად, გამოცხადებულ გაცვლით კურსზე. 5. თუ სესხის ათვისებული და გადაუხდელი ძირითადი თანხა დროდადრო იქნება დენომინირებული ერთზე მეტ სასესხო ვალუტაში, ამ დანართში მოცემული დებულებები ცალ-ცალკე გამოიყენება სესხის ყოველ ვალუტაში განსაზღვრული თანხის მიმართ, ისე რომ მიღებული იქნება ცალკე ამორტიზაციის განრიგი ყოველი ასეთი თანხისთვის. განრიგი 3 სასესხო თანხების გამოთხოვა და მიღება ზოგადი დებულება
სასესხო ანგარიშიდან თანხის გამოთხოვის საფუძველი
თანხის ხელახალი გადანაწილება
(a) თუ ნებისმიერი კატეგორიისათვის გამოყოფილი სესხის თანხა არასაკმარისი აღმოჩნდება ამ კატეგორიის ყველა შეთანხმებული დანახარჯის დასაფინანსებლად, მსესხებლისათვის შეტყობინების გაგზავნის შემდეგ, ADB-ს შეუძლია (i) ამ კატეგორიის სავარაუდო დეფიციტის შესავსებად ხელახლა გადაანაწილოს ასეთ კატეგორიაზე თანხა, კერძოდ, სესხის ის თანხები, რომლებიც სხვა კატეგორიისათვის იყო გათვალისწინებული და ამავდროულად, ADB-ის მოსაზრებით, არ არის საჭირო სხვა დანახარჯების დასაფინანსებლად; (ii) თუ ასეთი გადანაწილებით ვერ მოხერხდება სავარაუდო დეფიციტის სრულად შევსება, ADB-ის შეუძლია შეამციროს ამ ხარჯვითი კატეგორიით გათვალისწინებული თანხის პროცენტული მაჩვენებელი, რათა ხარჯვითი კატეგორიით გათვალისწინებული თანხის შემდგომში გატანა გაგრძელდეს, სანამ დეფიციტი არ შეივსება; და (b) თუ რომელიმე კატეგორიისათვის გამოყოფილი სესხის თანხა აღემატება ამ კატეგორიის ყველა შეთანხმებული ხარჯების ოდენობას, ADB-ს შეუძლია მსესხებლისათვის შეტყობინების გაგზავნის შემდეგ ასეთი ზედმეტი თანხა სხვა კატეგორიებზე გადაანაწილოს. ჩამორიცხვის პროცედურები
რეტროაქტიური დაფინანსება
მე-3 განრიგის დანართი ცხრილი
* მსესხებლის ტერიტორიტორიაზე, მის იურისდიქციაში არსებული გადასახადების და ვალდებულებების გამოკლებით. ** მოიცავს სადემონსტრაცია აქტივობებისთვის საჭირო აღჭურვილობას და მატერიალების ხარჯებს. განრიგი 4 პროექტის განხორციელება განხორციელების ღონისძიებები
შესყიდვა
(a) საქონლის, სამუშაოების და მომსახურებების შესყიდვა შესყიდვის პოლიტიკისა და შესყიდვის რეგულაციების შესაბამისად განხორციელდეს; (b) საქონლის, სამუშაოების და მომსახურებების შესყიდვა უნდა ეფუძნებოდეს წინასწარ მომზადებულ შესყიდვის გეგმას, მათ შორის შესყიდვისა და შერჩევის მეთოდებს, სატენდერო დოკუმენტების სახეობას და ADB-ის მიერ განხილვის მოთხოვნების გათვალისწინებას. მსესხებელს, პროექტის აღმასრულებელი სააგენტოს მეშვეობით, შეუძლია მხოლოდ ADB-თან წინასწარი შეთანხმების საფუძველზე ცვლილებები შეიტანოს შესყიდვის გეგმაში და აღნიშნული ცვლილებები უნდა აისახოს განახლებულ შესყიდვის გეგმაში; და (c) (i) ყველა შესყიდული საქონელი და სამუშაო, ასევე მიღებული მომსახურებები (მათ შორის კომპიუტერული ტექნიკა, პროგრამები და სისტემები, შესყიდული ინდივიდუალურად, ან სხვა პროდუქციასთან და მომსახურებებთან ერთობლიობაში) არ უნდა არღვევდეს ან საფრთხეს არ უნდა უქმნიდეს ნებისმიერ სამრეწველო საკუთრებას ან ინტელექტუალური საკუთრების უფლებას, ან მესამე მხარის სხვა უფლებებს; და (ii) საქონლის, სამუშაოებების და მომსახურებების ყველა კონტრაქტი უნდა მოიცავდეს შესაბამის წარმომადგენლობას, გარანტიებს და, შესაბამისობის შემთხვევაში, კონტრაქტორის, მომწოდებლის, კონსულტანტის ან მომსახურების მომწოდებლის ზიანის ანაზღაურების გარანტიებს, რომლებიც შეეხება წინამდებარე ქვეპუნქტით გათვალისწინებულ მოთხოვნებს.
(a) მსესხებლის შესაბამისი გარემოსდაცვითი უწყება საბოლოოდ არ დაამტკიცებს IEE-ს აღნიშნულ საპროექტო ტერიტორიაზე და მსესხებელი არ მოიპოვებს ADB-ს დასტურს აღნიშნულ IEE-ზე საბოლოო პროექტის საფუძველზე; და (b) EMP-ის შესაბამისი დებულებები აღნიშნული საპროექტო ტერიტორიისთვის გათვალისწინებული არ იქნება სამუშაოების ან არასაკონსულტაციო მომსახურების ხელშეკრულებაში.
გარანტიები გარემო
მიწის შესყიდვა და იძულებითი განსახლება
(a) ზემოქმედების ქვეშ მოქცეულ პირებს არ მიეცემათ კომპენსაცია და არ დაუკმაყოფილდება სხვა უფლებები, როგორც ეს განსაზღვრულია LARP-ით შესაბამისი საპროექტო ტერიტორიისთვის; და (b) აღნიშნული საპროექტო ტერიტორიისთვის არ მოხდება შემოსავლისა და საარსებო წყაროს აღდგენის პროგრამის დანერგვა LARP-ის შესაბამისად. მკვიდრი (აბორიგენული) მოსახლეობა
საგარანტიო მოთხოვნების განხორციელების ადამიანური და ფინანსური რესურსები
უსაფრთხოებასთან დაკავშირებული დებულებები სატენდერო დოკუმენტებში და სამუშაოების ხელშეკრულებებში
(a) დაემორჩილოს შესაბამისი IEE-ით, EMP-ითა და LARP-ით გათვალისწინებულ მოთხოვნებს (თუ სამშენებლო სამუშაოები გავლენას ახდენს ზემოქმედების ქვეშ მოქცეულ მოსახლეობაზე) და ნებისმიერ მაკორექტირებელ ან პრევენციულ ზომას, რომელიც განსაზღვრულია უსაფრთხოების მონიტორინგის ანგარიშში; (b) გამოყოს ბიუჯეტი ყველა მსგავსი გარემოსდაცვითი და სოციალური ზომებისთვის; (c) მსესხებელს წერილობით აცნობოს ნებისმიერ მოულოდნელ გარემოსთან, განსახლებასა ან ადგილობრივ მოსახლეობასთან დაკავშირებული რისკები ან ზემოქმედება, რომელიც წარმოიშვება პროექტის მშენებლობის, განხორციელების ან ექსპლუატაციის დროს და რომელიც გათვალისწინებული არ ყოფილა შესაბამისი IEE, EMP და LARP დოკუმენტებით; (d) სათანადოდ აღრიცხოს გზების, სასოფლო-სამეურნეო მიწების და სხვა ინფრასტრუქტურის მდგომარეობა მასალების ტრანსპორტირების და მშენებლობის პროცესის დაწყებამდე; და (e) პროექტის მშენებლობის დასრულების შემდეგ დაუბრუნოს გზებს, სხვა ადგილობრივ ინფრასტრუქტურას და სასოფლო-სამეურნეო მიწებს სულ მცირე ის მდგომარეობა, რომლებშიც ისინი იმყოფებოდა პროექტის დაწყებამდე.
(a) საგარანტიო მექანიზმების მონიტორინგის ნახევარწლიური ანგარიშების წარდგენა ADB-თვის და ანგარიშის წარდგენისთანავე აღნიშნულ ანგარიშებში მოცემული შესაბამისი ინფორმაციის გამჟღავნება ზემოქმედების ქვეშ მოხვედრილი პირებისთვის; (b) თუ პროექტის მშენებლობის, განხორციელების ან ექსპლუატაციის დროს წარმოიქმნება მოულოდნელი გარემოსდაცვითი ან/და სოციალური რისკი ან ზემოქმედება, რომელიც გათვალისწინებული არ ყოფილა IEE-ით, EMP-ითა და LARP-ით, ამგვარი რისკების ან ზემოქმედების შესახებ დროულად უნდა ეცნობს ADB-ს და მიეწოდოს მოვლენის დეტალური აღწერა მაკორექტირებელ მოქმედებათა შემოთავაზებულ გეგმასთან ერთად; და (c) მოხსენება EMPs-ში ან LARP-ში მითითებულ ზომებთან და მოთხოვნებთან შესაბამისობის ნებისმიერი ფაქტობრივი ან პოტენციური დარღვევის შესახებ, დარღვევის შესახებ ინფორმაციის მიღებისთანავე. აკრძალული ინვესტიციების ნუსხა
შრომის სტანდარტები, ჯანმრთელობა და უსაფრთხოება
გენდერი და განვითარება
პარტნიორთა მხარდაჭერა
ოპერაციული ვალდებულებები
მართვა და კორუფციასთან ბრძოლა
|
|
დოკუმენტის კომენტარები