“საქართველოს ფასიანი ქაღალდების ეროვნული კომისიის 2000 წლის 29 მარტის №5 დადგენილებით დამტკიცებულ "საბროკერო კომპანიებისათვის კაპიტალის ადეკვატურობის მოთხოვნათა შესახებ" და "საბროკერო კომპანიების ანგარიშგებისა და ფინანსური ანგარიშგების შესახებ" წესებში ცვლილებების შეტანის თაობაზე"

სახელმწიფო სარეგისტრაციო კოდი 010.220.020.12.005.007.499

საქართველოს ფასიანი ქაღალდების ეროვნული კომისიის

დადგენილება №59

2005 წლის 21 ივნისი

ქ. თბილისი

საქართველოს ფასიანი ქაღალდების ეროვნული კომისიის 2000 წლის 29 მარტის №5 დადგენილებით დამტკიცებულ ,,საბროკერო კომპანიებისათვის კაპიტალის ადეკვატურობის მოთხოვნათა შესახებ” და ,,საბროკერო კომპანიების ანგარიშგებისა და პერიოდული ფინანსური ანგარიშგების შესახებ” წესებში ცვლილებების შეტანის თაობაზე

,,ფასიანი ქაღალდების ბაზრის შესახებ” საქართველოს კანონის 49-ე მუხლის პირველი პუნქტის ,,ა” ქვეპუნქტის საფუძველზე და საქართველოს ფასიანი ქაღალდების ბაზრის საერთაშორისო სტანდარტებამდე ეტაპობრივად განვითარებისათვის ხელშეწყობის მიზნით კომისია, ადგენს:

1. საქართველოს ფასიანი ქაღალდების ეროვნული კომისიის 2000 წლის 29 მარტის №5 დადგენილებით დამტკიცებულ ზოგიერთ წესში შეტანილ იქნეს შემდეგი ცვლილებები:

ა) ,,საბროკერო კომპანიებისათვის კაპიტალის ადეკვატურობის მოთხოვნათა შესახებ” წესის მე-3 მუხლის პირველი პუნქტის ,,ზ” ქვეპუნქტი ჩამოყალიბდეს შემდეგი რედაქციით:

,,ზ) არალიკვიდური აქტივები შემდეგი ოდენობით: 2005 წლის 1 ივნისიდან – 30%, 2006 წლის                 1 იანვრიდან – 35%, 2007 წლის 1 იანვრიდან – 40%, 2008 წლის 1 იანვრიდან – 65%, 2009 წლის                         1 იანვრიდან – 80%, 2010 წლის 1 იანვრიდან – 100%.”

ბ) ,,საბროკერო კომპანიების ანგარიშგებისა და პერიოდული ფინანსური ანგარიშგების შესახებ” წესის მე-16 მუხლის მესამე პუნქტი ჩამოყალიბდეს შემდეგი რედაქციით:

,,3. კომპანიამ, რომლის არალიკვიდური აქტივების საერთო ღირებულება აღემატება მისი საწყისი საკუ-თარი კაპიტალის 50%-ს, კომისიაში უნდა წარადგი-ნოს კონფიდენციალური შეტყობინება ამ ფაქტის შესახებ მისი აღმოჩენიდან 24 საათში.”.

2. ეს დადგენილება ამოქმედდეს მისი გამოქვეყნების დღიდან.

თავმჯდომარე   მ. ჯიბუტი