“საქართველოს პროკურატურის მუშაკთა დამატებითი საკვალიფიკაციო მოთხოვნების დამტკიცების შესახებ" საქართველოს გენერალური პროკურორის 2005 წლის 20 აპრილის №5 ბრძანებით დამტკიცებულ წესში ცვლილებების შეტანის თაობაზე"

სახელმწიფო სარეგისტრაციო კოდი 110.060.010.39.036.007.421

საქართველოს გენერალური პროკურორის

ბრძანება №9

2005 წლის 20 მაისი

ქ. თბილისი

,,საქართველოს პროკურატურის მუშაკთა დამატებითი საკვალიფიკაციო მოთხოვნების დამტკიცების შესახებ” საქართველოს გენერალური პროკურორის 2005 წლის  20 აპრილის №5 ბრძანებით დამტკიცებულ წესში ცვლილებების შეტანის თაობაზე

,,პროკურატურის შესახებ” საქართველოს ორგანული კანონის მე-7 მუხლის მე-6 პუნქტის “ო” ქვეპუნქტისა და ,,ნორმატიული აქტების შესახებ” საქართველოს კანონის 36-ე მუხლის შესაბამისად, ვბრძანებ:

,,საქართველოს პროკურატურის მუშაკთა დამატე­ბითი საკვალიფიკაციო მოთხოვნების დამტკიცების შესახებ” საქართველოს გენერალური პროკურორის 2005 წლის 20 აპრილის №5 ბრძანებით დამტკიცებულ წესში (სსმ III, 2005 წ., №48, მუხ.497) შეტანილ იქნეს შემდეგი ცვლილებები:

1. წესის მე-6 და მე-7 პუნქტები ჩამოყალიბდეს შემდეგი რედაქციით:

,,6. საქართველოს გენერალური პროკურატურის ეკონომიკური დეპარტამენტის მატერიალურ-ტექნიკური უზრუნველყოფის სამმართველოს უფროსისათვის – უმაღლესი განათლება, კომპიუტერული პროგრამების (Windows XP, Excel და Word) ცოდნა და სპეცია­ლობით მუშაობის არანაკლებ 2 წლის გამოცდი­ლება.

7. საქართველოს გენერალური პროკურატურის ეკო­ნო­მიკური დეპარტამენტის მატერიალურ-ტექნიკური უზრუნველყოფის სამმართველოს უფროსის მოადგილი­სათვის – უმაღლესი განათლება, კომპიუტერული პროგრამების (Windows XP, Excel და Word) ცოდნა და სპეციალობით მუშაობის არანაკლებ 1 წლის გამოცდილება.”.

2. წესის მე-9 და მე-10 პუნქტები ჩამოყალიბდეს შემდეგი რედაქციით:

,,9. საქართველოს გენერალური პროკურატურის ეკო­ნომიკური დეპარტამენტის საბუღალტრო აღრიც­ხვის სამმართველოს მრჩევლისათვის – უმაღლესი ეკონომიკური განათლება, კომპიუტერული პროგრამების (Windows XP, Excel და Word) ცოდნა.”.

10. საქართველოს გენერალური პროკურატურის ეკონომიკური დეპარტამენტის მატერიალურ-ტექნიკური უზრუნველყოფის სამმართველოს მრჩევლისათვის – უმაღლესი განათლება, კომპიუტერული პროგრამების (Windows XP, Excel და Word) ცოდნა.”.

3. წესის მე-15 პუნქტი ჩამოყალიბდეს შემდეგი რედაქციით:

,,15. საქართველოს გენერალური პროკურატურის სტრუქტურული დანაყოფის (გარდა საქართველოს გენერალური პროკურატურის ეკონომიკური დეპარ­ტამენ­ტის და ეკონომიკური დეპარტამენტის სამმართვე­ლოების) მრჩევლისათვის – უმაღლესი განათლება, კომპიუტერული პროგრამების (Windows XP, და Word) ცოდნა.”.

4. წესის მე-14 პუნქტი ამოღებულ იქნეს.

5. ეს ბრძანება ამოქმედდეს გამოქვეყნებისთანავე.

ზ. ადეიშვილი