„საქართველოს შინაგან საქმეთა სამინისტროს საექსპერტო-კრიმინალისტიკური დეპარტამენტის დებულების დამტკიცების შესახებ“ საქართველოს შინაგან საქმეთა მინისტრის 2015 წლის 30 სექტემბრის №746 ბრძანებაში ცვლილების შეტანის თაობაზე

1. მე-7 მუხლის პირველი პუნქტის:

ა) „ა“ ქვეპუნქტი ჩამოყალიბდეს შემდეგი რედაქციით:

„ა) ექსპერტიზის მთავარი სამმართველო;“;

ბ) „დ“ ქვეპუნქტი ამოღებულ იქნეს.

2. მე-8 მუხლი ჩამოყალიბდეს შემდეგი რედაქციით:

„მუხლი 8

1. ექსპერტიზის მთავარი სამმართველოს კომპეტენციაა:

ა) სასამართლოს, პროკურორის, გამომძიებლის, სამინისტროს სისტემაში შემავალი დანაყოფების მიმართვის საფუძველზე, კანონმდებლობით დადგენილი წესით სამოქალაქო, ადმინისტრაციულ, სისხლის სამართლის საქმეებსა და სხვა საქმეებზე საექსპერტო-კრიმინალისტიკური და სპეციალური გამოკვლევების განხორციელება, საჭირო გარემოებების დასადგენად და საკითხების გადასაწყვეტად ექსპერტიზის ჩატარება, შესაბამისი დასკვნებისა და აქტების გაცემა;

ბ) დანაშაულის კვალის და ნივთიერ მტკიცებულებათა აღმოჩენის, დაფიქსირების, ამოღებისა და მათი შემდგომი გამოკვლევის მიზნით შემთხვევის ადგილის დათვალიერებაში, ასევე სხვა საგამოძიებო მოქმედებებსა და ოპერატიულ-სამძებრო ღონისძიებებში მონაწილეობა;

გ) კანონმდებლობით დადგენილი წესით პიროვნებათა დაქტილოსკოპირება და ფოტოგადაღების წარმოება;

დ) დაქტილოსკოპიურ, ბალისტიკურ, ჰაბიტოსკოპიურ მონაცემთა აღრიცხვა და ბაზების წარმოება;

ე) პირის იდენტიფიცირების მიზნით პენიტენციური დაწესებულებებიდან, აგრეთვე სამინისტროს სისტემაში შემავალი დანაყოფებიდან დაქტილოსკოპიური ბარათების დაქტილოსკოპიურ მონაცემთა მიღება, დამუშავება და ბაზაში განთავსება/აღრიცხვა;

ვ) კანონმდებლობით დადგენილი წესით ნარკოლოგიური გამოკვლევისა და ექსპერტიზის განხორციელება, შესაბამისი დასკვნის გაცემა;

ზ) ნარკოლოგიური გამოკვლევისა და ექსპერტიზის განხორციელების პროცესში მიღებული ბიოლოგიური მასალის დალუქვა-შენახვის უზრუნველყოფა;

თ) გაწეული საქმიანობის სტატისტიკის წარმოება;

ი) მოქმედი კანონმდებლობითა და ამ დებულებით დაკისრებულ სხვა უფლებამოსილებათა განხორციელება.

2. ექსპერტიზის მთავარი სამმართველოს უფროსი ანგარიშვალდებულია დეპარტამენტის დირექტორისა და დეპარტამენტის დირექტორის კურატორი მოადგილის (ასეთის არსებობისას) წინაშე.“.

3. მე-11 მუხლი ამოღებულ იქნეს.