დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
„საჯარო სამართლის იურიდიული პირის − სახელმწიფო ქონების ეროვნული სააგენტოს დებულების დამტკიცების შესახებ“ საქართველოს მთავრობის 2012 წლის 17 სექტემბრის №391 დადგენილებაში ცვლილების შეტანის თაობაზე | |
---|---|
დოკუმენტის ნომერი | 522 |
დოკუმენტის მიმღები | საქართველოს მთავრობა |
მიღების თარიღი | 26/12/2023 |
დოკუმენტის ტიპი | საქართველოს მთავრობის დადგენილება |
გამოქვეყნების წყარო, თარიღი | ვებგვერდი, 28/12/2023 |
სარეგისტრაციო კოდი | 010240010.10.003.024355 |
|
„საჯარო სამართლის იურიდიული პირის − სახელმწიფო ქონების ეროვნული სააგენტოს დებულების დამტკიცების შესახებ“ საქართველოს მთავრობის 2012 წლის 17 სექტემბრის №391 დადგენილებაში ცვლილების შეტანის თაობაზე
|
მუხლი 1 |
„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, „საჯარო სამართლის იურიდიული პირის − სახელმწიფო ქონების ეროვნული სააგენტოს დებულების დამტკიცების შესახებ“ საქართველოს მთავრობის 2012 წლის 17 სექტემბრის №391 დადგენილებაში (www.matsne.gov.ge, 17/09/2012, 010240010.10.003.017063) შეტანილ იქნეს ცვლილება და დადგენილებით დამტკიცებული „საჯარო სამართლის იურიდიული პირის − სახელმწიფო ქონების ეროვნული სააგენტოს დებულების“:
1. მე-5 მუხლის „თ“ ქვეპუნქტი ჩამოყალიბდეს შემდეგი რედაქციით: „თ) კანონმდებლობით დადგენილი წესით, ამტკიცებს სააგენტოს ბიუჯეტს, განკარგავს სააგენტოს სახსრებს და პასუხისმგებელია მათ მიზნობრივ ხარჯვაზე;“. 2. მე-8 მუხლის „დ“ ქვეპუნქტი ჩამოყალიბდეს შემდეგი რედაქციით: „დ) სახელმწიფო საკუთრებაში არსებული უძრავი ქონების დაცვისა და მოვლა-პატრონობისათვის საჭირო რეკომენდაციების მომზადება, მათ შორის, სარგებლობის უფლებით გადაცემულ, სახელმწიფო საკუთრებაში არსებულ უძრავ ნივთზე (გარდა „სახელმწიფო ქონების შესახებ“ საქართველოს კანონის 35-ე მუხლის საფუძველზე სარგებლობაში გადაცემულისა) მდებარე შენობა-ნაგებობის დემონტაჟის თაობაზე, ამავე შენობა-ნაგებობის საბაზრო ღირებულების ოდენობის საბანკო გარანტიის წარდგენის შემთხვევაში, თანხმობის მიცემის შესახებ წინადადების მომზადება; დაცვის ქვეშ მყოფი ობიექტების უსაფრთხოებასთან დაკავშირებული დარღვევების გამოვლენის შემთხვევაში, სათანადო კომპეტენციის მქონე ორგანოების ინფორმირება და საჭიროების შემთხვევაში შესაბამისი ღონისძიებების განხორციელება;“. 3. მე-14 მუხლის: ა) პირველ პუნქტს დაემატოს შემდეგი შინაარსის „თ“ ქვეპუნქტი: „თ) ინფრასტრუქტურის მართვის სამსახური.“; ბ) მე-6 პუნქტის „დ“ და „ე“ ქვეპუნქტები ჩამოყალიბდეს შემდეგი რედაქციით: „დ) სააგენტოს სარგებლობაში არსებული უძრავი ქონების მოვლა-პატრონობისა და მოწესრიგების უზრუნველყოფა; ე) საჭიროებისამებრ, სააგენტოს სარგებლობაში არსებული შენობებისათვის აუცილებელი კაპიტალური, სამშენებლო და სარემონტო სამუშაოების მოცულობის განსაზღვრის, შესაბამისი პროექტებისა და ხარჯთაღრიცხვების განხილვისა და წინადადებების წარდგენის უზრუნველყოფა. სააგენტოს სარგებლობაში არსებული შენობების მიმდინარე და კაპიტალური შეკეთების კოორდინაცია;“; გ) მე-8 პუნქტის შემდგომ დაემატოს შემდეგი შინაარსის მე-9 პუნქტი: „9. ინფრასტრუქტურის მართვის სამსახურის ფუნქციებია: ა) სახელმწიფო საკუთრებად რეგისტრირებული უძრავი ქონების დაცვასა და მოვლასთან დაკავშირებული ღონისძიებების ორგანიზება; ბ) სახელმწიფო საკუთრებად რეგისტრირებული უძრავი ქონების კომუნალური მომსახურებით უზრუნველყოფის ორგანიზება; გ) სახელმწიფო საკუთრებად რეგისტრირებული უსახური, ავარიული, დაზიანებული ან/და საფრთხის შემცველი უძრავი ქონების სარემონტო/ სამშენებლო/სადემონტაჟო სამუშაოების განხორციელების ორგანიზება; დ) ამ პუნქტის „ა“ – „გ“ ქვეპუნქტებით გათვალისწინებული ღონისძიებების განხორციელების მიზნით, უძრავი ქონების ადგილზე დათვალიერება; ე) ამ პუნქტის „ა“ – „გ“ ქვეპუნქტებით გათვალისწინებული ღონისძიებების განხორციელების მიზნით, შესაბამისი მომსახურების/ საქონლის შესყიდვის ორგანიზება სახელმწიფო შესყიდვების სამსახურთან კოორდინაციით, მათ შორის, ტექნიკური დავალების შემუშავებაში მონაწილეობა; ვ) სახელმწიფო საკუთრებად რეგისტრირებული უძრავი ნივთების ნუსხის წარმოება.“. |
მუხლი 2 |
დადგენილება ამოქმედდეს გამოქვეყნებისთანავე. |
|
დოკუმენტის კომენტარები