„მცხეთის მუნიციპალიტეტის მერიის დებულების დამტკიცების შესახებ“ მცხეთის მუნიციპალიტეტის საკრებულოს 2017 წლის 20 ნოემბრის №4 დადგენილებაში ცვლილების შეტანის თაობაზე

ა) მე-12 მუხლის მე-4 პუნქტის „ი“ ქვეპუნქტი ამოღებულ იქნას;

ბ) მე-13 მუხლის პირველი პუნქტი ჩამოყალიბდეს ახალი რედაქციით:

„1. სამსახური წარმართავს მერიის საქმისწარმოებას, მათ შორის, საკადრო საკითხებს, ხელს უწყობს სტრუქტურული ერთეულების კომუნიკაციას ერთმანეთთან, მოქალაქეებთან, იურიდიულ პირებთან, სხვა გაერთიანებებთან, სახელმწიფო ორგანოებთან, სხვა თვითმმართველ ერთეულებთან და საერთაშორისო ორგანიზაციებთან. უზრუნველყოფს მერიის სამართლებრივ მომსახურებას, მერიის ინტერესების დაცვას ყველა ინსტანციის სასამართლოში, ასევე სახელწიფო ორგანოებთან და ფიზიკურ/იურიდიულ პირებთან ურთიერთობისას, მერიაში შემუშავებული სამართლებრივი აქტების პროექტების, ხელშეკრულებების და სხვა დოკუმენტების სამართლებრივ ექსპერტიზას და მათ ვიზირებას. პრესკონფერენციების, ბრიფინგების ჩატარებას, ვებგვერდზე ინფორმაციის განთავსებას. ასევე, კოორდინაციას უწევს ადმინისტრაციულ ერთეულებში  მერის  წარმომადგენლების საქმიანობას“.

გ) მე-13 მუხლის მე-2 პუნქტს დაემატოს „დ“  და „ე“ ქვეპუნქტები:

„დ) პიარისა და საზოგადოებასთან ურთიერთობის განყოფილება;

ე) ადმინისტრაციულ ერთეულებში მერის წარმომადგენლებთან ურთიერთობის განყოფილება“;

დ) მე-14 მუხლის მე-2 პუნქტს დაემატოს „დ“ ქვეპუნქტი“

    „დ) მატერიალურ-ტექნიკური განყოფილება“;

ე) მე-15 მუხლის პირველი პუნქტი ჩამოყალიბდეს ახალი რედაქციით:

„1. ეკონომიკის სამსახური უზრუნველყოფს  მუნიციპალიტეტში ერთიანი ეკონომიკური პოლიტიკის განსაზღვრას და განხორციელებას, სტრატეგიული განვითარების პროექტის შემუშავებას და მისი განხორციელების კოორდინაციას, ადგილობრივი ქონების აღრიცხვა-რეგისტრაციას, მართვასა და ეფექტურ გამოყენებას. მუნიციპალიტეტის ტერიტორიაზე დასუფთავების მოსაკრებლის ამოღების მონიტორინგს, დასუფთავების მოსაკრებლის გადამხდელებთან დასუფთავების მოსაკრებელთან დაკავშირებით ხელშეკრულების დადებას, მუნიციპალიტეტის საზღვრებში სოფლის მეურნეობის განვითარების პროექტების განხორციელების და მელიორაციის სფეროში დაგეგმილი პროექტების ხელშეწყობას, სასოფლო-სამეურნეო კულტურების წარმოების ტექნოლოგიების შესახებ ინფორმაციების მომზადებასა და კომპეტენციის ფარგლებში საქართველოს მთავრობისა და საერთაშორისო ორგანიზაციების მიერ მელიორაციის სფეროში დაგეგმილი პროექტების ხელშეწყობას“.

ვ) მე-15 მუხლის მე-2 პუნქტის „ე“ ქვეპუნქტი ამოღებულ იქნას;

ზ) მე-17 მუხლის მე-2 პუნქტის „დ“ ქვეპუნქტი ჩამოყალიბდეს ახალი რედაქციით:

  „დ)კერძო სამართლის იურიდიულ პირებთან ურთიერთობის განყოფილება“;

თ) მე-18 მუხლის პირველი პუნქტი ჩამოყალიბდეს ახალი რედაქციით:

„1. სოციალური და ჯანდაცვის სამსახური უზრუნველყოფს სოციალური, ჯანდაცვის  და დასაქმების  მუნიციპალური პროგრამების შემუშავებას, უმუშევართა პროფესიული გადამზადებისა და სოციალური რეაბილიტაციის ხელშეწყობას,  პროექტების მომზადებას სოციალურად დაუცველ პირთა მიმართ დამატებითი სოციალური შეღავათების და დახმარებების თაობაზე, საზოგადოებრივი ჯანდაცვის სფეროში მუნიციპალიტეტისთვის დელეგირებული უფლებამოსილების განხორციელებასა და ბავშვის უფლებათა დაცვის სფეროში კანონმდებლობით განსაზღვრული ვალდებულებების შესრულებას.“

ი) დებულების მე-18 მუხლის მე-2  პუნქტის „ე“ ქვეპუნქტი ამოღებულ იქნას.

კ) დებულების 21-ე მუხლი ამოღებულ იქნას.