„მერძევეობის დარგის მოდერნიზაციისა და ბაზარზე წვდომის სახელმწიფო პროგრამის დამტკიცების შესახებ“ საქართველოს მთავრობის 2020 წლის 10 აპრილის №235 დადგენილებაში ცვლილების შეტანის თაობაზე

დოკუმენტის სტრუქტურა

განმარტებების დათვალიერება

დაკავშირებული დოკუმენტები

დოკუმენტის მონიშვნები

„მერძევეობის დარგის მოდერნიზაციისა და ბაზარზე წვდომის სახელმწიფო პროგრამის დამტკიცების შესახებ“ საქართველოს მთავრობის 2020 წლის 10 აპრილის №235 დადგენილებაში ცვლილების შეტანის თაობაზე
დოკუმენტის ნომერი	499
დოკუმენტის მიმღები	საქართველოს მთავრობა
მიღების თარიღი	25/12/2023
დოკუმენტის ტიპი	საქართველოს მთავრობის დადგენილება
გამოქვეყნების წყარო, თარიღი	ვებგვერდი, 26/12/2023
სარეგისტრაციო კოდი	340170000.10.003.024332

PDF გადმოწერა

„მერძევეობის დარგის მოდერნიზაციისა და ბაზარზე წვდომის სახელმწიფო პროგრამის დამტკიცების შესახებ“ საქართველოს მთავრობის 2020 წლის 10 აპრილის №235 დადგენილებაში ცვლილების შეტანის თაობაზე

მუხლი 1

„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, „მერძევეობის დარგის მოდერნიზაციისა და ბაზარზე წვდომის სახელმწიფო პროგრამის დამტკიცების შესახებ“ საქართველოს მთავრობის 2020 წლის 10 აპრილის №235 დადგენილებაში (www.matsne.gov.ge, 13/04/2020, 340170000.10.003.021946) შეტანილ იქნეს ცვლილება და:

1. დადგენილებას მე-2 მუხლის შემდგომ დაემატოს შემდეგი შინაარსის 2¹ მუხლი:

„მუხლი 2¹. დადგენილების პირველი მუხლით გათვალისწინებული „მერძევეობის დარგის მოდერნიზაციისა და ბაზარზე წვდომის სახელმწიფო პროგრამის“ ფარგლებში გურიის, მცხეთა-მთიანეთის, შიდა ქართლის რეგიონებსა და აჭარის ავტონომიურ რესპუბლიკაში რძის პირველადი წარმოების დაფინანსება განხორციელდეს შესაბამისი წლის საქართველოს სახელმწიფო ბიუჯეტით გათვალისწინებული „მერძევეობის დარგის მოდერნიზაციისა და ბაზარზე წვდომის სახელმწიფო პროგრამის“ (პროგრამული კოდი: 31 05 15 01 02) ფარგლებში.“.

2. დადგენილებით დამტკიცებული „მერძევეობის დარგის მოდერნიზაციისა და ბაზარზე წვდომის სახელმწიფო პროგრამის“:

ა) მე-12 მუხლი ჩამოყალიბდეს შემდეგი რედაქციით:

„მუხლი 12. პროგრამის გავრცელების გეოგრაფიული არეალი

1. პროგრამის ვეტერინარიისა და ხელოვნური განაყოფიერების მიმართულების თანადაფინანსება განხორციელდება საქართველოს მასშტაბით, ალტერნატიული საქმიანობები ახალგაზრდებისთვის და მზის ენერგიაზე მომუშავე მიკროსიმძლავრის ელექტროსადგურის მიმართულებით იმერეთის, სამეგრელოსა და ზემო სვანეთისა და სამცხე-ჯავახეთის რეგიონებში, ხოლო პროგრამის დანარჩენი მიმართულებების − ქვემო ქართლის, კახეთის, იმერეთის, რაჭა-ლეჩხუმისა და ქვემო სვანეთის, სამეგრელო-ზემო სვანეთისა და სამცხე-ჯავახეთის რეგიონებში.

2. პროგრამის რძის პირველადი წარმოების მიმართულების დაფინანსება განხორციელდეს გურიის, მცხეთა-მთიანეთის, შიდა ქართლის რეგიონებსა და აჭარის ავტონომიურ რესპუბლიკაში ამ დადგენილებით განსაზღვრული ასიგნებების ფარგლებში.“;

ბ) დანართი №1 ჩამოყალიბდეს თანდართული რედაქციით.

მუხლი 2

დადგენილება ამოქმედდეს გამოქვეყნებისთანავე.

პრემიერ-მინისტრი ირაკლი ღარიბაშვილი

მიმართულება	თანადაფინანსების მაქსიმალური პროცენტული წილი და ოდენობა ერთ ბენეფიციარზე (ლარი)
მიმართულება
1. რძის პირველადი წარმოება	სხვა დანარჩენი ბენეფიციარი	ქალი 18 - 40 წლის ჩათვლით მამაკაცი 18 - 35 წლის ჩათვლით
1.1. რძის მწარმოებელი	65%, [40, 000]	75% [40,000]
2. მომსახურების პროვაიდერი
2.1. ხელოვნური განაყოფიერებისა და ვეტერინარული მომსახურება	70% [25,000]	70% [25,000]
3. რძის გადამამუშავებელი საწარმო და შემგროვებელი პუნქტი
3.1. საშუალო ზომის რძის გადამამუშავებელი	50% [80,000]	50% [80,000]
3.2. რძის შემგროვებელი პუნქტი	60% [108,000]	60% [108,000]
3.3 რძის მცირე გადამამუშავებელი	70% [31,000]	70% [31,000]
3.4 რძის შემგროვებელი პუნქტი საზაფხულო საძოვრებზე	70% [28,000]	70% [28,000]
4. ალტერნატიული საქმიანობა	ქალი	მამაკაცი
4.1 ალტერნატიული საქმიანობა ახალგაზრდებისთვის	90% [8,000]	80% [8,000]
5. მზის ენერგიაზე მომუშავე ელექტროსადგურის მოწყობა
5.1 რძის მწარმოებელი	90% [20,000]	80% [20,000]