„საქართველოს იუსტიციის სამინისტროს მმართველობის სფეროში მოქმედი საჯარო სამართლის იურიდიული პირის – აღსრულების ეროვნული ბიუროს დებულების დამტკიცების შესახებ“ საქართველოს იუსტიციის მინისტრის 2014 წლის 6 მაისის №24 ბრძანებაში ცვლილების შეტანის თაობაზე

ა) მე-3 პუნქტს დაემატოს შემდეგი შინაარსის „ე¹“ ქვეპუნქტი:

„ე¹) უმაღლეს საგანმანათლებლო დაწესებულებებთან თანამშრომლობა, აღსრულების ეროვნული ბიუროს კომპეტენციას მიკუთვნებულ საკითხზე სამართლებრივი კვლევა და ანალიზი, საერთაშორისო სტანდარტების, უცხო ქვეყნის კანონმდებლობის ან/და სასამართლო პრაქტიკის, სააღსრულებო სამართლის ძირითადი ტენდენციებისა და სიახლეების კვლევა და ანალიზი;“;

ბ) მე-6 პუნქტი ჩამოყალიბდეს შემდეგი რედაქციით:

„6. ანალიტიკური და სასამართლო წარმომადგენ­ლობის სამსახური უზრუნველყოფს ამ მუხლის მე-3 პუნქტის „ე“, „ე¹“, „თ“, „მ“ და „ნ“ ქვეპუნქტებით (მისი საქმიანობის ფარგლებში) განსაზღვრული ფუნქციების განხორციელებას.“.