„ქალაქ რუსთავის მუნიციპალიტეტის ქვეპროგრამის „HER-2 დადებითი ძუძუს კიბოს სამკურნალო მედიკამენტების დაფინანსების“ (კოდი 06 01 06) განხორციელების წესი დამტკიცების შესახებ“ ქალაქ რუსთავის მუნიციპალიტეტის საკრებულოს 2022 წლის 24 დეკემბრის N43 დადგენილებაში ცვლილების შეტანის თაობაზე

ა) მე-2 მუხლის მე-2 პუნქტს დაემატოს შემდეგი შინაარსის „გ“ ქვეპუნქტი:

„გ) HER-2 დადებითი მეტასტაზური ძუძუს კიბოს დიაგნოზის შემთხვევაში – ლაპატინიბი (ტაივერბი).“.

ბ) შევიდეს ცვლილება მე-3 მუხლის „ბ“ ქვეპუნქტში და ჩამოყალიბდეს შემდეგი რედაქციით:

„ბ. HER-2 რეცეპტორ-დადებითი მეტასტაზური ძუძუს კიბოს დიაგნოზის შემთხვევაში ტრასტუზუმაბი+პერტუზუმაბი/ფესგოსა (არაუმეტეს 8 ინფუზია) და ტრასტუზუმაბის (ჰერცეპტინი) ერთწლიანი კურსის მოცულობით (არაუმეტეს 18 ინფუზია) დაფინანსებისას დარჩენილი თანხიდან ყოველ ჯერზე არაუმეტეს 700.00 ლარის ოდენობით, ერთი საბიუჯეტო წლის განმავლობაში. გამონაკლისს წარმოადგენს სოციალურად დაუცველი ოჯახების მონაცემთა ერთიან ბაზაში რეგისტრირებული პირები, რომელთა სარეიტინგო ქულა არ აღემატება 150 000 ათასს, მედიკამენტი უფინანსდებათ არაუმეტეს 1000 ლარისა.“

გ) შევიდეს ცვლილება მე-3 მუხლის მე-2 პუნქტში და ჩამოყალიბდეს შემდეგი რედაქციით:

„2. გამონაკლისის სახით ამ მუხლის პირველი პუნქტით დადგენილი ,,რეფერალური მომსახურების სახელმწიფო პროგრამის“ ლიმიტის ამოწურვის შემთხვევაში, მუნიციპალიტეტი უზრუნველყოფს საბიუჯეტო წლის მანძილზე არაუმეტეს 18 ინფუზიის დაფინანსებას, თითოეულის შემთხვევაში არაუმეტეს 1000.00 ლარის ოდენობით. გამონაკლისს წარმოადგენს სოციალურად დაუცველი ოჯახების მონაცემთა ერთიან ბაზაში რეგისტრირებული პირები, რომელთა სარეიტინგო ქულა არ აღემატება 150 000 ათასს, მედიკამენტი დაუფინანსდება თითოეულ შემთხვევაში არა უმეტეს 1500 ლარისა.“.

დ) მე-3 მუხლს დაემატოს შემდეგი შინაარსის „მე-3“ პუნქტი:

„3) HER-2 დადებითი მეტასტაზური ძუძუს კიბოს დიაგნოზის შემთხვევაში – ლაპატინიბის (ტაივერბი) დაფინანსებას მუნიციპალიტეტი უზრუნველყოფს ერთი საბიუჯეტო წლის განმავლობაში ერთწლიანი კურსით, თითოეულ ჯერზე არაუმეტეს 400 (ოთხასი) ლარისა.“.

ე) შევიდეს ცვლილება მე-4 მუხლი მე-2 პუნქტში და ჩამოყალიბდეს შემდეგი რედაქციით

„2. ქვეპროგრამით სარგებლობის მოთხოვნის ყველა მომდევნო ჯერზე მოსარგებლემ მუნიციპალიტეტს უნდა მიმართოს განცხადებით, რომელსაც თან უნდა ერთვოდეს განახლებული ჯანმრთელობის მდგომარეობის შესახებ ცნობა ფორმა №IV-100/ა, კალკულაცია შესაბამისი დაწესებულებიდან/აფთიაქიდან და საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს მიერ „რეფერალური მომსახურების სახელმწიფო პროგრამის“ ფარგლებში გაცემული დაფინანსების თანხმობის წერილი (არსებობის შემთხვევაში).“.

ვ) მე-4 მუხლის პირველ პუნქტს დაემატოს შემდეგი შინაარსის „ი“ ქვეპუნქტი

„ი),,რეფერალური მომსახურების სახელმწიფო პროგრამით“ გათვალისწინებული ლიმიტის ამოწურვის შემთხვევაში, ბენეფიციარი ვალდებულია ყოველი სამი კურსის შემდგომ დამატებით წარმოადგინოს კონსილიუმის დასკვნა (რომელიც დამოწმებულია შესაბამისი პროფილის სხვადასხვა კლინიკის არანაკლებ 3 ლიცენზირებული ექიმის, მ.შ. ფორმა №IV-100/ა-ს გამცემი ექიმის ხელმოწერითა და ბეჭდით) ქვეპროგრამის ფარგლებში ჩატარებული მკურნალობის ეფექტურობასთან დაკავშირებით.“.