„საჯარო სამართლის იურიდიული პირის – აჭარის სატყეო სააგენტოს შექმნის შესახებ“ აჭარის ავტონომიური რესპუბლიკის მთავრობის 2010 წლის 7 დეკემბრის №55 დადგენილებაში ცვლილების შეტანის თაობაზე

ა) დადგენილების მე-4 პუნქტი ჩამოყალიბდეს შემდეგი რედაქციით:

„4. სააგენტოს საშტატო რიცხოვნობა განისაზღვროს 170 (ას სამოცდაათი) საშტატო ერთეულით.“;

ბ) ამოღებულ იქნეს დებულების მე-11 მუხლის მე-4 პუნქტი;

გ) ამოღებულ იქნეს დებულების მე-11 მუხლის მე-5 პუნქტის „ა“, „ი“, „ლ“, „მ“ და „ნ“ ქვეპუნქტები;

დ) დებულების მე-11 მუხლს დაემატოს შემდეგი შინაარსის „5 ¹“ პუნქტი:

„5¹. ადმინისტრაციული სამსახური ძირითად ფუნქციებს ახორციელებს მასში შემა­ვალი სამართლებრივი უზრუნველყოფისა და ადმინისტრირების განყოფილებისა და სახელმწიფო შესყიდვების განყოფილების მეშვეობით.“;

ე) დებულების მე-11 მუხლის მე-6 პუნქტს დაემატოს შემდეგი შინაარსის „ზ¹“, „ზ²“, „ზ³“, „ზ⁴“ და „ზ⁵“ ქვეპუნქტები:

„ზ¹) სახელმწიფო შესყიდვების დაგეგმვა, სახელმწიფო შესყიდვების წლიური გეგმის შედგენა (საჭიროების შემთხვევაში მასში ცვლილებების შეტანა) და გან­ხორციელება;

ზ²) ტყის ფონდის სარგებლობაში გაცემა, სააგენტოს მიერ წარმოებული პროდუქციის რეალიზაციასთან დაკავშირებული საქმიანობის ორგანიზება;

ზ³) აუქციონის ჩატარება;

ზ⁴) სახელმწიფო შესყიდვებთან დაკავშირებული სატენდერო პროცედურების წარმართვა, შესყიდვებთან დაკავშირებული ხელშეკრულებების პროექტების მომ­ზა­დება;

ზ⁵) სახელმწიფო შესყიდვებთან დაკავშირებული ხელშეკრულებების შეს­რუ­ლების მიმდინარეობაზე ანგარიშის წარდგენა და განხორციელებული სახელმწიფო შესყიდვების ინფორმაციის ანალიზი;“.