„საინვესტიციო/კაპიტალური პროექტების მართვის მეთოდოლოგიის დამტკიცების თაობაზე“ საქართველოს მთავრობის 2023 წლის 16 თებერვლის №65 დადგენილებაში ცვლილების შეტანის შესახებ

1. მე-3 მუხლის „ვ“ ქვეპუნქტი ჩამოყალიბდეს შემდეგი რედაქციით:

„ვ) პროექტის საბოლოო შერჩევა − საინვესტიციო/კაპიტალური პროექტის განხორციელების ან არგანხორციელების შესახებ გადაწყვეტილების მიღება;“.

2. მე-9 მუხლის მე-12 პუნქტი ჩამოყალიბდეს შემდეგი რედაქციით:

„12. სამუშაო ჯგუფი, პროექტების წინასწარ შეფასებაზე მუშაობის დასრულების შემდგომ, ამზადებს შეხვედრის შემაჯამებელ ოქმს სამუშაო ჯგუფის მიერ განხილული საინვესტიციო/კაპიტალური პროექტების შესახებ, რომელიც ამ პროექტებთან დაკავშირებული ძირითადი დაშვებებისა და ფინანსურ-ეკონომიკური გაანგარიშებების გარდა მოიცავს პროექტების საბოლოო შერჩევის მიზნით შეფასების კრიტერიუმების შესაბამისად მინიჭებულ ქულებს, ასევე პროექტების წინასწარი შეფასების სამუშაო ჯგუფის პოზიციას:

ა) ვეთანხმები წარმოდგენილ პროექტს:

ა.ა) საშუალო კატეგორიის პროექტის განხორციელების /არგანხორციელების შესახებ გადაწყვეტილებას იღებს სამუშაო ჯგუფი. ამასთან, სპეციფიკური შინაარსის მქონე საშუალო კატეგორიის პროექტი შესაძლებელია, აისახოს ამ მეთოდოლოგიის მე-10 მუხლის პირველი პუნქტით გათვალისწინებულ დასკვნაში და წარედგინოს ეკონომიკურ საბჭოს;

ა.ბ) მსხვილი კატეგორიის პროექტი გადადის საინვესტიციო/ კაპიტალური პროექტების მართვის შემდეგ ეტაპზე, აისახება ამ მეთოდოლოგიის მე-10 მუხლის პირველი პუნქტით გათვალისწინებულ დასკვნაში და წარედგინება ეკონომიკურ საბჭოს;

ბ) არ ვეთანხმები წარმოდგენილ პროექტს:

ბ.ა) მხარჯავი დაწესებულების თანხმობის შემთხვევაში პროექტის განხილვა წყდება;

ბ.ბ) საქართველოს ფინანსთა სამინისტროსა და მხარჯავ დაწესებულებას შორის შეუთანხმებლობის შემთხვევაში, პროექტი გადადის საინვესტიციო/ კაპიტალური პროექტების მართვის შემდეგ ეტაპზე, აისახება ამ მეთოდოლოგიის მე-10 მუხლის პირველი პუნქტით გათვალისწინებულ დასკვნაში და წარედგინება ეკონომიკურ საბჭოს.“.

3. მე-10 მუხლის:

ა) პირველი პუნქტი ჩამოყალიბდეს შემდეგი რედაქციით:

„1. სამუშაო ჯგუფი აანალიზებს პროექტების კონცეფციის ბარათებს, ხარჯთსარგებლიანობის შეფასებებსა და ტექნიკურ-ეკონომიკურ კვლევებს (ასეთის არსებობის შემთხვევაში), პროექტების დასაფინანსებლად საჭირო სახსრების მოცულობას არსებულ ფისკალურ რესურსთან მიმართებით  და ამზადებს დასკვნას საინვესტიციო-კაპიტალური პროექტების შესახებ, რომელსაც წარუდგენს ეკონომიკურ საბჭოს.“;

ბ) პირველი პუნქტის შემდეგ დაემატოს შემდეგი შინაარსის 1¹ პუნქტი:

„1¹. ამ მუხლის პირველი პუნქტის გათვალისწინებით:

ა) მსხვილი კატეგორიის პროექტები აისახება ამ მეთოდოლოგიის მე-10 მუხლის პირველი პუნქტით გათვალისწინებულ დასკვნაში და წარედგინება ეკონომიკურ საბჭოს;

ბ) საშუალო კატეგორიის პროექტი, სპეციფიკის გათვალისწინებით, შესაძლებელია აისახოს ამ მეთოდოლოგიის მე-10 მუხლის პირველი პუნქტით გათვალისწინებულ დასკვნაში და წარედგინოს ეკონომიკურ საბჭოს.“.

4. მე-11 მუხლის მე-2 პუნქტი ჩამოყალიბდეს შემდეგი რედაქციით:

„2. ეკონომიკური საბჭოს და/ან სამუშაო ჯგუფის მიერ დადებითი გადაწყვეტილების მიღების შემდეგ, საინვესტიციო/კაპიტალური პროექტები აისახება ქვეყნის ძირითადი მონაცემებისა და მიმართულებების დოკუმენტსა და შესაბამისი წლის ბიუჯეტში. ქვეყნის ძირითადი მონაცემებისა და მიმართულებების დოკუმენტი ასევე მოიცავს აღნიშნული საინვესტიციო/ კაპიტალური პროექტების ჩამონათვალს.“.