საქართველოს ლტოლვილთა და განსახლების მინისტრის სათათბირო საბჭოს – სამინისტრის კოლეგიის შექმნისა და დებულების დამტკიცების შესახებ საქართველოს ლტოლვილთთა და განსახლების მინისტრის 2004 წლის 10 ნოემბრის №481 ბრძანებაში ცვლილებების შეტანის თაობაზე"

სახელმწიფო სარეგისტრაციო კოდი 010.170.000.22.029.007.090

საქართველოს ლტოლვილთა და განსახლების მინისტრის

ბრძანება №110

2005 წლის 11 თებერვალი

ქ. თბილისი

 „საქართველოს ლტოლვილთა და განსახლების მინისტრის სათათბირო საბჭოს – სამინისტროს კოლეგიის შექმნისა და დებულების დამტკიცების შესახებ” საქართველოს ლტოლვილთა და განსახლების მინისტრის 2004 წლის 10 ნოემბრის №481 ბრძანებაში ცვლილებების შეტანის თაობაზე

„საქართველოს ლტოლვილთა და განსახლების სამინისტროს დებულების დამტკიცების შესახებ” საქართველოს მთავრობის 2004 წლის 29 მაისის №43 დადგენილებისა და „ნორმატიული აქტების შესახებ” საქართველოს კანონის 36-ე მუხლის შესაბამისად, ვბრძანებ:

    მუხლი 1.

„საქართველოს ლტოლვილთა და განსახლების მინისტრის სათათბირო საბჭოს – სამინისტროს კოლეგიის შექმნისა და დებულების დამტკიცების შესახებ” საქართველოს ლტოლვილთა და განსახლების მინისტრის 2004 წლის 10 ნოემბრის №481 ბრძანებით (სსმ III, №134, 2004 წ., მუხ. 1188) დამტკიცებულ დებულებაში შეტანილ იქნეს შემდეგი ცვლილებები:

1. მე-2 მუხლის მე-3 პუნქტი ჩამოყალიბდეს შემდეგი რედაქციით:

„3. საბჭოს შემადგენლობას განსაზღვრავს მინისტრი. საბჭოს შემადგენლობაში, როგორც წესი, შედიან მინისტრის პირველი მოადგილე, მინისტრის მოადგილეები, სამინისტროს სტრუქტურული ქვედანაყოფებისა და ტერიტორიული ორგანოების ხელმძღვანელი პირები.”.

2. მე-3 მუხლის:

ა) „ა” ქვეპუნქტი ჩამოყალიბდეს შემდეგი რედაქციით:

„ა)სამინისტროს სტრუქტურულ ქვედანაყოფებს, სტრუქტურულ ქვედანაყოფებსა და ტერიტორიულ ორგანოებს შორის კოორდინირებული საქმიანობის ხელშეწყობა;

ბ) „გ” ქვეპუნქტი ჩამოყალიბდეს შემდეგი რედაქციით:

„გ)სამინისტროს სტრუქტურული ქვედანაყოფებისა და ტერიტორიული ორგანოების მართვის სისტემის ოპტიმიზაცია.”.

3. მე-4 მუხლის “გ” ქვეპუნქტი ჩამოყალიბდეს შემდეგი რედაქციით:

„გ) სამინისტროს სტრუქტურული ქვედანაყოფებისა და ტერიტორიული ორგანოების საქმიანობასთან დაკავშირებული საკითხების განხილვა და მინისტრისათვის შესაბამისი წინადადებებისა და რეკომენდაციების წარდგენა.”.

4. მე-6 მუხლის მე-3 პუნქტი ჩამოყალიბდეს შემდეგი რედაქციით:

„3. დავალება და მითითება შეიძლება გაფორმდეს მინისტრის ადმინისტრაციული აქტით, ან რეზოლუციის სახით, რომლის შესრულება სავალდებულოა სამინისტროს შესაბამისი სტრუქტურული ქვედანაყოფისა და ტერიტორიული ორგანოსათვის”.

    მუხლი 2.

ბრძანება ამოქმედდეს გამოქვეყნებისთანავე.

ე. ასტემიროვა