„საქართველოს თავდაცვის სამინისტროს რეფორმების კოორდინაციისა და რისკების მართვის დეპარტამენტის დებულების დამტკიცების შესახებ“ საქართველოს თავდაცვის მინისტრის 2023 წლის 8 აგვისტოს №52 ბრძანებაში ცვლილების შეტანის თაობაზე

1. მე-3 მუხლს დაემატოს შემდეგი შინაარსის  „ი^1“ პუნქტი:

„ი¹) მუნიციპალიტეტისათვის სახელმწიფოს მიერ დელეგირებული უფლებამოსილებების განხორციელებაზე სახელმწიფო დარგობრივი ზედამხედველობის, მუნიციპალიტეტის მერიის/თბილისის რაიონის გამგეობის მიერ პირთა სამხედრო აღრიცხვის, წვევამდელთა ეროვნული სამხედრო სამსახურისა და  სამობილიზაციო სარეზერვო სამხედრო სამსახურის ორგანიზების, წვევამდელთა ეროვნულ სამხედრო სამსახურში და სამობილიზაციო სარეზერვო სამხედრო სამსახურში გაწვევის სამუშაოთა კოორდინაციის განხორციელება;“.

2. მე-5 მუხლის მე-4 პუნქტი ჩამოყალიბდეს შემდეგი რედაქციით:

„4. სამხედრო გაწვევისა და რეკრუტირების რეფორმების განხორციელების სამმართველოს კომპეტენციებია:

ა) წვევამდელთა ეროვნული სამხედრო სამსახურის სისტემის რეფორმირებისთვის საჭირო ღონისძიებების განხორციელება;

ბ) წვევამდელთა ეროვნულ სამხედრო სამსახურში და სამობილიზაციო სარეზერვო სამხედრო სამსახურში გაწვევის სამუშაოთა კოორდინაცია, გაწვევის გეგმების პროექტების შედგენა, მათი გაცნობა მუნიციპალიტეტის მერიის/თბილისის რაიონის გამგეობის შესაბამისი სტრუქტურული ერთეულებისათვის და რეალიზაციის გრაფიკის დადგენა;

გ) მუნიციპალიტეტისათვის სახელმწიფოს მიერ დელეგირებული უფლებამოსილებების განხორციელებაზე სახელმწიფო დარგობრივი ზედამხედველობის განხორციელება და ამ მიზნით:

გ.ა) შესაბამისი უწყებებიდან ინფორმაციის ან დოკუმენტაციის გამოთხოვა;

გ.ბ) მუნიციპალიტეტის ორგანოს/თანამდებობის პირის ინდივიდუალური ადმინისტრაციულ-სამართლებრივი აქტის შეჩერების ან გაუქმების თაობაზე შესაბამისი წინადადებების შემუშავება, მინისტრისათვის წარდგენის მიზნით;

დ) სამობილიზაციო გეგმების შემუშავებაში მონაწილეობა და მათი განხორციელების ხელშეწყობა;

ე) არასამხედრო, ალტერნატიულ შრომით სამსახურში გაწვევის სახელმწიფო კომისიის და ცენტრალური გამწვევი კომისიის საქმიანობაში მონაწილეობა;

ვ) კანონმდებლობით გათვალისწინებული სხვა უფლებამოსილებების განხორციელება.“.