დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | ,,სამედიცინო სტატისტიკური ინფორმაციის წარმოების და მიწოდების წესის შესახებ“ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის 2019 წლის 25 მარტის №01-26/ნ ბრძანებაში ცვლილების შეტანის თაობაზე | |
|---|---|
| დოკუმენტის ნომერი | 79/ნ |
| დოკუმენტის მიმღები | საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი |
| მიღების თარიღი | 02/11/2023 |
| დოკუმენტის ტიპი | საქართველოს მინისტრის ბრძანება |
| გამოქვეყნების წყარო, თარიღი | ვებგვერდი, 03/11/2023 |
| სარეგისტრაციო კოდი | 470230000.22.035.017098 |
|
,,სამედიცინო სტატისტიკური ინფორმაციის წარმოების და მიწოდების წესის შესახებ“ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის 2019 წლის 25 მარტის №01-26/ნ ბრძანებაში ცვლილების შეტანის თაობაზე
|
,,ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, ვბრძანებ: |
| მუხლი 1 |
სამედიცინო სტატისტიკური ინფორმაციის წარმოების და მიწოდების წესის შესახებ“ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის 2019 წლის 25 მარტის №01-26/ნ ბრძანებაში (www.matsne.gov.ge, 26/03/2019, 470230000.22.035.016595) შეტანილ იქნეს ცვლილება და ბრძანებით დამტკიცებული №5 დანართის (,,სამედიცინო (მ.შ. სამეცნიერო-კვლევითი) დაწესებულებების და მუნიციპალური (ქალაქის) საზოგადოებრივი ჯანდაცვის ცენტრების საქართველოში ინფექციურ დაავადებათა ეპიდზედამხედველობის და კონტროლის სააღრიცხვო და შეტყობინების ფორმები, მათი წარმოების და ანალიზის წესი და წარდგენის ვადები”):
1. მე-8 მუხლის მე-3 პუნქტი ჩამოყალიბდეს შემდეგი რედაქციით: „3. სამედიცინო საქმიანობის ყველა სუბიექტი, მიუხედავად მათი დაქვემდებარებისა და საკუთრების ფორმისა, მათ შორის, ლაბორატორიები და კერძო პრაქტიკის მქონე ექიმები ვალდებულნი არიან შეტყობინებას დაქვემდებარებული დაავადებების/მდგომარეობების (იხილეთ ცხრილი №1 და ცხრილი ამრ 1) დიაგნოზის დასმისას, მასზე ეჭვის მიტანისას ან მხოლოდ ლაბორატორიული ანალიზის დადებითი შედეგის მიღებისას შეტყობინება გააგზავნონ სჯც-ში სათანადო წესით.“. 2. მე-12 მუხლის შემდეგ დაემატოს შემდეგი შინაარსის 121 მუხლი: „მუხლი 121. ანტიმიკრობული რეზისტენტობის (ამრ) ეპიდზედამხედველობა 1. ნებისმიერი ლაბორატორია, რომელიც ადამიანის ბიოლოგიური ნიმუშებიდან მიიღებს ამრ ეპიდზედამხედველობის სამიზნე პათოგენს, ვალდებულია განსაზღვროს მათი რეზისტენტობის პროფილი ანტიმიკრობული მგრძნობელობის ტესტირების ევროპის კომიტეტის (EUCAST) სტანდარტის გამოყენებით. 2. ამრ ეპიდზედამხედველობის მიზნით, ნებისმიერი ლაბორატორია ვალდებულია, გააგზავნოს ყოველთვიური შეტყობინება ცხრილი ამრ 1-ში ჩამოთვლილ პათოგენებზე, რომლებიც ამრ-ს დადგენის მიზნით ტესტირებულია ამავე ცხრილში მითითებული ანტიბიოტიკების მიმართ (EUCAST სტანდარტი), მიღებული რეზისტენტობის პროფილის მითითებით. 3. ნებისმიერი ლაბორატორია, რომელიც ადამიანის ბიოლოგიური ნიმუშიდან მიიღებს ამრ ეპიდზედამხედველობის სამიზნე პათოგენს, ვალდებულია თითოეულ შემთხვევაზე აწარმოოს პერსონალური აღრიცხვა ლაბორატორიული ელექტრონული საინფორმაციო სისტემის (LIS), WHONET (აპლიკაცია (Windows-თვის) მიკრობიოლოგიური ლაბორატორიული მონაცემების მართვისა და ანალიზისთვის) ან ექსელის ფორმატით; აღნიშნული ჩანაწერი ადგილზე უნდა ინახებოდეს საარქივო სახით მომდევნო 5 წლის მანძილზე. 4. იზოლატის შესახებ ჩანაწერი უნდა მოიცავდეს შემდეგ ინფორმაციას: ლაბორატორიის დასახელება, პაციენტის პირადი ნომერი, სახელი გვარი, სქესი, დაბადების თარიღი, კლინიკის კოდი, დეპარტამენტი, დაყოვნების ტიპი, ამბულატორიული ვიზიტის/ჰოსპიტალიზაციის თარიღი, ნიმუშის ნომერი, მასალის აღების თარიღი, ნიმუშის ტიპი, ორგანიზმი/პათოგენი, პათოგენის ანტიმიკრობული მგრძნობელობის ტესტის შედეგები ინტერპრეტაციით. 5. ყოველი კალენდარული თვის დასრულებისას, მომდევნო კალენდარული თვის 7 რიცხვამდე ჩანაწერების ერთი თვის ანგარიში ექსელის ფორმატით უნდა გადაიგზავნოს დკსჯეც-ში – ამრ ეროვნული ეპიდზედამხედველობის ჯგუფთან, ელმისამართზე: amrncdc@ncdc.ge ან მყარი მატარებლით. 6. ნებისმიერი ლაბორატორია, ადამიანის ბიოლოგიური ნიმუშებიდან, ამრ ეპიდზედამხედველობის ისეთი სამიზნე პათოგენის (სვეტი 1) იდენტიფიცირებისას, რომელიც EUCAST სტანდარტით განსაზღვრული რეზისტენტობის პროფილით შეესაბამება სასწრაფო შეტყობინებას დაქვემდებარებულ რეზისტენტობის პროფილს (ცხრილი 1, სვეტი 3), ვალდებულია შედეგის მიღებიდან მომდევნო 72 საათში უზრუნველყოს სასწრაფო შეტყობინების გაგზავნა ამრ ეროვნული ეპიდზედამხედველობის ჯგუფთან დკსჯეც-ში/რეფერენს ლაბორატორიაში (ელ მისამართზე: amrncdc@ncdc.ge ან მყარი მატარებლით). 7. ნებისმიერი ლაბორატორია, რომელიც სისხლიდან და/ან ტავზურგ-ტვინის სითხიდან (თზს) მიიღებს ამრ ეპიდზედამხედველობის სამიზნე პათოგენს, სასწრაფო შეტყობინებას დაქვემდებარებული რეზისტენტობის პროფილით, ვალდებულია სასწრაფო შეტყობინებასთან ერთად უზრუნველყოს იზოლატის დადგენილი სტანდარტით მომზადება, რეფერენს ლაბორატორიაში გადასაგზავნად. შეავსოს იზოლატის თანმხლები ფორმა და კულტურის პასპორტი. 8. ლაბორატორია, რომელიც ნებისმიერი ბიოლოგიური სითხიდან (თზს) მიიღებს, ნებისმიერი ფენოტიპის Salmonella spp. (SALSPP), Shigella spp ან Neisseria gonorrhea ამრ ეპიდზედამხედველობის სამიზნე პათოგენს, ვალდებულია სასწრაფო შეტყობინებასთან ერთად უზრუნველყოს იზოლატის დადგენილი სტანდარტით მომზადება რეფერენს ლაბორატორიაში გადასაგზავნად. შეავსოს იზოლატის თანმხლები ფორმა და კულტურის პასპორტი. 9. ეროვნულ დონეზე მონაცემების ანალიზი წარმოებს ეროვნული ეპიდზედამხედველობის სისტემის მოთხოვნებისა და საერთაშორისო რეკომენდაციების შესაბამისად.
„ცხრილი ამრ 1.
“. 3. 28-ე მუხლი ჩამოყალიბდეს შემდეგი რედაქციით: ,,მუხლი 28. ანალიზის მეთოდები – შემთხვევის/აფეთქების კვლევის მაჩვენებელი „შემთხვევების/აფეთქებების კვლევა წარმოებს ცხრილი 1-ის (შეტყობინების, ანგარიშგებისა და ეპიდკვლევის მოთხოვნები ნოზოლოგიების მიხედვით) და ცხრილი ამრ 1 მოთხოვნათა შესაბამისად, რომელიც საჭიროების მიხედვით განახლდება ცენტრის მიერ: ა) თუ კვლევის მაჩვენებელი დაბალია (90%-ზე ნაკლები), უნდა გამოვლინდეს მიზეზები და გატარდეს შესაბამისი ზომები; ბ) ამგვარი ანალიზი სჯც-ს მიერ უნდა გატარდეს თვითშეფასების მიზნით.“. | ||||||||||||||||||||||||||||||||||||||||||||
| მუხლი 2 |
ბრძანება ამოქმედდეს გამოქვეყნებისთანავე |
|
დოკუმენტის კომენტარები