„სახელმწიფო დაცვის სპეციალური სამსახურის დებულების დამტკიცების თაობაზე“ საქართველოს მთავრობის 2013 წლის 28 მარტის №71 დადგენილებაში ცვლილების შეტანის შესახებ

1. მე-5 მუხლის „ბ“ ქვეპუნქტი ჩამოყალიბდეს შემდეგი რედაქციით:

„ბ) საქართველოს მთავრობის მიერ დამტკიცებული ნუსხით განსაზღვრული საქართველოს ხელისუფლების უმაღლესი ორგანოების  განკარგულებაში არსებული ადმინისტრაციული შენობა-ნაგებობების, საქართველოში აკრედიტებული დიპლომატიური წარმომადგენლობების და წარმომადგენლობების ხელმძღვანელთა რეზიდენციების დაცვითი ღონისძიებებით უზრუნველყოფა;“.

2. მე-16 მუხლის მე-4 პუნქტის „ა“ ქვეპუნქტი ჩამოყალიბდეს შემდეგი რედაქციით:

„ა) თავისი კომპეტენციის ფარგლებში, საქართველოს მთავრობის სამართლებრივი აქტით დამტკიცებული ნუსხით განსაზღვრული, სახელმწიფოს განკარგულებაში არსებული შენობა-ნაგებობების, მათ შორის, საქართველოს საკანონმდებლო, აღმასრულებელი და სასამართლო ხელისუფლების უმაღლესი ორგანოების ადმინისტრაციული შენობებისა და სხვა მნიშვნელოვანი ობიექტების, საქართველოში აკრედიტებული დიპლომატიური წარმომადგენლობების და წარმომადგენლობების ხელმძღვანელების რეზიდენციების (გარდა აჭარის ავტონომიურ რესპუბლიკაში მდებარე რეზიდენციებისა) დაცვითი ღონისძიებების განხორციელება;“.

3. მე-16 მუხლის მე-5 პუნქტის „ბ“ ქვეპუნქტი ჩამოყალიბდეს შემდეგი რედაქციით:

„ბ) ოპერატიულ-სამძებრო ღონისძიებების განხორციელება საქართველოს უმაღლესი პოლიტიკური თანამდებობის პირების, მათი ოჯახის წევრების, სამსახურის სხვა შესაბამისი დასაცავი პირებისა და დაცვის ობიექტების, საქართველოში აკრედიტებული დიპლომატიური წარმომადგენლობების და წარმომადგენლობების ხელმძღვანელების რეზიდენციების მიმართ შესაძლო მართლსაწინააღმდეგო ქმედებების პროფილაქტიკის, ადრეულ ეტაპზე გამოვლენისა და დროული რეაგირების მიზნით;“.

4. მე-16 მუხლის მე-13 პუნქტის „ბ“ ქვეპუნქტი ჩამოყალიბდეს შემდეგი რედაქციით:

„ბ) აჭარის ავტონომიური რესპუბლიკის ტერიტორიაზე მდებარე სამსახურის დაცვის ობიექტების, მათ შორის, დიპლომატიური წარმომადგენლობების და წარმომადგენლობების ხელმძღვანელთა რეზიდენციების დაცვითი ღონისძიებებით უზრუნველყოფა;“.