„საქართველოს ეროვნული ბანკის ერთიანი ფინანსური და სტატისტიკური ინფორმაციული სისტემის - სებსტატის გამოყენების შესახებ“ საქართველოს ეროვნული ბანკის პრეზიდენტის 2015 წლის 26 ნოემბრის №112/04 ბრძანებაში ცვლილების შეტანის თაობაზე

1.    პირველი მუხლის:

ა) „ბ“ ქვეპუნქტი ჩამოყალიბდეს შემდეგი რედაქციით:

„ბ) „სებსტატი: გზამკვლევი კომერციული ბანკებისათვის და მიკრობანკებისათვის“ (დანართი №2).“;

ბ) „დ“ ქვეპუნქტი ამოღებულ იქნეს .

2.    მე-2 და მე-3 მუხლები ჩამოყალიბდეს შემდეგი რედაქციით:

„მუხლი 2

კომერციულ ბანკებს და მიკრობანკებს დაევალოთ „სებსტატი: საქართველოს ეროვნული ბანკის ფინანსური და სტატისტიკური მონაცემების მოპოვების, დამუშავების, შენახვისა და გავრცელების სისტემის სახელმძღვანელოს“ მოთხოვნების დაცვა და მისი საანგარიშგებო პრაქტიკაში გამოყენება.

მუხლი 3

კომერციულმა ბანკებმა და მიკრობანკებმა საქართველოს ეროვნულ ბანკში ფინანსური და სტატისტიკური ანგარიშგებების წარდგენა განახორციელონ სებსტატის მოთხოვნების და მოცულობის შესაბამისად, სახელმძღვანელოთი და გზამკვლევით დადგენილი წესებისა და პროცედურების დაცვით, სებსტატის ვებგვერდის (https://sebstat.nbg.gov.ge/) მეშვეობით.“

3. პირველი მუხლის „ა“- „გ“ ქვეპუნქტებით დამტკიცებული დანართი №1, დანართი №2 და დანართი №3 ჩამოყალიბდეს თანდართული დანართი №1-ის, დანართი №2-ის და დანართი №3-ის შესაბამისად.

4.  პირველი მუხლის „დ“ ქვეპუნქტით დამტკიცებული „საკასო სტატისტიკა“ დანართი №4 ამოღებულ იქნეს.

5. პირველი მუხლის „ე“და „ვ“ ქვეპუნქტებით დამტკიცებული დანართი №5 და დანართი №6 ჩამოყალიბდეს თანდართული დანართი №5-ის და დანართი №6-ის შესაბამისად.