საქართველოს სსრ სისხლის სამართლის კოდექსში დამატების შეტანის შესახებ

1. დაემატოს საქართველოს სსრ სისხლის სამართლის კოდექსს შემდეგი შინაარსის 246¹ მუხლი:

„მუხლი 246¹. გაზის ქსელების დაცვის წესების ან გაზით სარგებლობის უსაფრთხოების წესების დარღვევა

გაზის ქსელების დაცვის წესების ან მოსახლეობის მიერ გაზით სარგებლობის დროს უსაფრთხოების წესების დარღვევა, ჩადენილი ასეთივე დარღვევისათვის ადმინისტრაციული სახდელის ზომების შეფარდების შემდეგ, –

ისჯება გამასწორებელი სამუშაოებით ვადით ერთ წლამდე ან ჯარიმით ორას მანეთამდე.

იგივე ქმედობა, რასაც არსებითი ზიანი მოჰყვა, –

ისჯება თავისუფლების აღკვეთით ვადით ორ წლამდე ან გამასწორებელი სამუშაოებით იმავე ვადით, ან ჯარიმით სამას მანეთამდე.

იგივე ქმედობა, რასაც სიკვდილი ან სხეულის მძიმე დაზიანება მოჰყვა, –

ისჯება თავისუფლების აღკვეთით ვადით ორიდან ხუთ წლამდე“. 

2. დაწესდეს, რომ საქართველოს სსრ სისხლის სამართლის კოდექსის 246¹ მუხლით გათვალისწინებულ დანაშაულთა საქმეებს წინასწარ გამოიძიებენ პროკურატურის ორგანოების გამომძიებლები.

საქართველოს სსრ უმაღლესი საბჭოს პრეზიდიუმის თავმჯდომარე                   პ. გილაშვილი

საქართველოს სსრ უმაღლესი საბჭოს პრეზიდიუმის მდივანი                             თ. ლაშქარაშვილი

თბილისი, 1985 წლის 25 ივნისი,

N148-XI