„საქართველოს იუსტიციის სამინისტროს მოსამსახურეებისათვის სპეციალური წოდებების მინიჭების წესისა და პირობების შესახებ დებულების დამტკიცების თაობაზე“ საქართველოს იუსტიციის მინისტრის 2017 წლის 19 სექტემბრის №242 ბრძანებაში ცვლილების შეტანის შესახებ

1. მე-4 მუხლის:

ა) მე-3 პუნქტი ჩამოყალიბდეს შემდეგი რედაქციით:

„3. პროფესიული საჯარო მოხელის თანამდებობაზე დასანიშნ/დანიშნულ პირს სპეციალური წოდება, მისი არქონის შემთხვევაში, მიენიჭება თანამდებობაზე დანიშვნასთან ერთად.“;

ბ) მე-3 პუნქტის შემდეგ დაემატოს შემდეგი შინაარსის 3¹ პუნქტი:

„3¹. საქართველოს იუსტიციის მინისტრს, მინისტრის პირველ მოადგილესა და მინისტრის მოადგილეებს პირველადი/მორიგი სახელმწიფო სპეციალური წოდება მიენიჭებათ მათი ნების შესაბამისად, საქართველოს იუსტიციის მინისტრის ბრძანებით, კანონით დადგენილ ვადებში და წესით. „სახელმწიფო სპეციალური წოდებების შესახებ“ საქართველოს კანონის პირველი მუხლის მე-2 პუნქტით გათვალისწინებული რომელიმე დაწესებულებიდან სამინისტროში გადმოსვლისას წოდების გათანაბრება ხდება ამავე კანონის მე-6 მუხლის მე-2 პუნქტით დადგენილი წესით, შესაბამისი სახელმწიფო-პოლიტიკური თანამდებობის პირის ნების შესაბამისად, საქართველოს იუსტიციის მინისტრის ბრძანებით.“.

2. დანართი №1-ის:

ა) მე-2 პუნქტი ჩამოყალიბდეს შემდეგი რედაქციით:

„2. მოხელის პირველი რანგის თანამდებობები − დეპარტამენტის უფროსი, გენერალური ინსპექციის უფროსი (პირველადი სტრუქტურული ერთეულის ხელმძღვანელი) – იუსტიციის სახელმწიფო მრჩეველი.“;

ბ) მე-5 პუნქტი ჩამოყალიბდეს შემდეგი რედაქციით:

„5. უფროსი სპეციალისტი (მათ შორის, გამომძიებელი, ინსპექტორ-გამომძიებელი და შიდა აუდიტორი), გარდა პირველი კატეგორიის უფროსი სპეციალისტისა (კოორდინატორისა ნოტარიატის მიმართულებით) – იუსტიციის უმცროსი მრჩეველი.“.