„სამედიცინო საქმიანობის ლიცენზიისა და სტაციონარული დაწესებულების ნებართვის გაცემის წესისა და პირობების შესახებ დებულებების დამტკიცების თაობაზე“ საქართველოს მთავრობის 2010 წლის 17 დეკემბრის №385 დადგენილებაში ცვლილების შეტანის შესახებ

დოკუმენტის სტრუქტურა

განმარტებების დათვალიერება

დაკავშირებული დოკუმენტები

დოკუმენტის მონიშვნები

„სამედიცინო საქმიანობის ლიცენზიისა და სტაციონარული დაწესებულების ნებართვის გაცემის წესისა და პირობების შესახებ დებულებების დამტკიცების თაობაზე“ საქართველოს მთავრობის 2010 წლის 17 დეკემბრის №385 დადგენილებაში ცვლილების შეტანის შესახებ
დოკუმენტის ნომერი	371
დოკუმენტის მიმღები	საქართველოს მთავრობა
მიღების თარიღი	27/09/2023
დოკუმენტის ტიპი	საქართველოს მთავრობის დადგენილება
გამოქვეყნების წყარო, თარიღი	ვებგვერდი, 28/09/2023
სარეგისტრაციო კოდი	470230000.10.003.024204

PDF გადმოწერა

„სამედიცინო საქმიანობის ლიცენზიისა და სტაციონარული დაწესებულების ნებართვის გაცემის წესისა და პირობების შესახებ დებულებების დამტკიცების თაობაზე“ საქართველოს მთავრობის 2010 წლის 17 დეკემბრის №385 დადგენილებაში ცვლილების შეტანის შესახებ

მუხლი 1

„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, „სამედიცინო საქმიანობის ლიცენზიისა და სტაციონარული დაწესებულების ნებართვის გაცემის წესისა და პირობების შესახებ დებულებების დამტკიცების თაობაზე“ საქართველოს მთავრობის 2010 წლის 17 დეკემბრის №385 დადგენილებაში (სსმ, №168, 24/12/2010) შეტანილ იქნეს ცვლილება და დადგენილებით დამტკიცებული:

1. №2 დანართის („დებულება სტაციონარული დაწესებულების ნებართვის გაცემის წესისა და პირობების შესახებ“) მე-7 მუხლს დაემატოს შემდეგი შინაარსის 17¹ პუნქტი:

„17¹. რეანიმაციული და ქირურგიული მომსახურების მიმწოდებელ დაწესებულებებს, რომლებმაც, ამ მუხლის მე-16 და მე-17 პუნქტების შესაბამისად, ახალი ნებართვის დანართის მოპოვების მიზნით, 2023 წლის 1 სექტემბრამდე მიმართეს სსიპ − სამედიცინო და ფარმაცევტული საქმიანობის რეგულირების სააგენტოს და ვერ მოიპოვეს ახალი ნებართვის დანართი, აქვთ შემოწმების მომენტისთვის დაწყებული კლინიკური შემთხვევების დასრულების უფლება.“.

2. №2¹ დანართის („სტაციონარული დაწესებულების სანებართვო პირობები“) VII³ თავის („მეტაბოლური და ბარიატრიული ქირურგიის მომსახურების შემთხვევაში, ქირურგიული პროფილის მომსახურების პირობებთან (ამ დანართის VII ნაწილი) ერთად სტაციონარს დამატებით უნდა გააჩნდეს“) მე-2 გრაფა ჩამოყალიბდეს შემდეგი რედაქციით:

„2.

დაწესებულებაში დასაქმებულია, სულ მცირე, ერთი ქირურგი, მეტაბოლურ-ბარიატრიული ქირურგიის სფეროში მუშაობის გამოცდილებით

რომელიც აკმაყოფილებს პირობებს:

ა) დასაქმებულია მხოლოდ ამ დაწესებულებაში;

ბ) აქვს ლაპარასკოპიული ქირურგიის მინიმუმ 3-წლიანი გამოცდილება (დასტურდება დაწესებულების დირექტორის მიერ);

გ) გასული და მიმდინარე კალენდარული წლების განმავლობაში ჩატარებული აქვს ჯამურად, სულ მცირე, 25 მეტაბოლურ-ბარიატრიული ქირურგიული ჩარევა (ნორმა მოქმედია 2024 წლის 31 დეკემბრის ჩათვლით);

2025 წლის 1 იანვრიდან:

ჩატარებული აქვს წელიწადში, სულ მცირე, 25 მეტაბოლურ-ბარიატრიული ქირურგიული ჩარევა

(დასტურდება დაწესებულების სამედიცინო დოკუმენტაციით);

ჩარევების რაოდენობასთან დაკავშირებული დამატებითი პირობები განისაზღვრება ჯანმრთელობის დაცვის სახელმწიფო პროგრამების მიმწოდებლებისთვის;

დ) დაწესებულებაში დასაქმებულ ქირურგ(ებ)ს აქვს/აქვთ სხვადასხვა ტიპის მეტაბოლურ-ბარიატრიული ქირურგიის ჩატარების კომპეტენცია და გამოცდილება (დასტურდება დაწესებულებების სამედიცინო დოკუმენტაციით).“.

მუხლი 2

დადგენილება ამოქმედდეს გამოქვეყნებისთანავე და დადგენილების პირველი მუხლის პირველი პუნქტის მოქმედება გავრცელდეს 2023 წლის 1 სექტემბრიდან წარმოშობილ ურთიერთობებზე.

პრემიერ-მინისტრი ირაკლი ღარიბაშვილი