„დიპლომისშემდგომი სამედიცინო განათლების პროგრამის დამტკიცების შესახებ“ საქართველოს მთავრობის 2014 წლის 11 ნოემბრის №624 დადგენილებაში ცვლილების შეტანის თაობაზე

1. მე-2 მუხლის:

ა) „დ“ ქვეპუნქტი ამოღებულ იქნეს;

ბ) მე-2 მუხლს დაემატოს შემდეგი შინაარსის „ე“ ქვეპუნქტი:

„ე) სერტიფიცირებული ექიმების (სპეციალობები: საოჯახო მედიცინა, ზოგადი ქირურგია, მეანობა-გინეკოლოგია და ორთოპედია-ტრავმატოლოგია) მზადების უზრუნველყოფა სუბსპეციალობაში − სასამართლო ექსპერტიზა.“.

2. მე-3 მუხლის:

ა) „დ“ და „ე“ ქვეპუნქტები ჩამოყალიბდეს შემდეგი რედაქციით:

„დ) საჭიროების შემთხვევაში, სასერტიფიკაციო გამოცდებისთვის ცალკეულ საექიმო სპეციალობებში ტესტ-კითხვარების ბაზების განახლება;

ე) ერთიანი დიპლომისშემდგომი საკვალიფიკაციო გამოცდებისთვის ტესტ-კითხვარების ბაზების განახლება;“;

ბ) „ვ“ ქვეპუნქტი ამოღებულ იქნეს;

გ) მე-3 მუხლს დაემატოს შემდეგი შინაარსის „ზ“ ქვეპუნქტი:

„ზ) სსიპ − ლევან სამხარაულის სახელობის სასამართლო ექსპერტიზის ეროვნული ბიუროს (შემდგომში − ბიურო) ოთხი რეგიონული დანაყოფისთვის (აჭარა, იმერეთი, კახეთი, სამცხე-ჯავახეთი) სუბსპეციალობის პროგრამაში − „სასამართლო ექსპერტიზა“ სერტიფიცირებული ექიმების (სპეციალობები: საოჯახო მედიცინა, ზოგადი ქირურგია, მეანობა-გინეკოლოგია და ორთოპედია-ტრავმატოლოგია) მზადების დაფინანსება.“.

3. მე-4 მუხლის:

ა)  მე-2 პუნქტის „ბ“ ქვეპუნქტი ჩამოყალიბდეს შემდეგი რედაქციით:

„ბ) პროგრამაში მონაწილეობის მიღება შეუძლიათ მაძიებლებს, რომელთაც ჩაბარებული აქვთ ერთიანი დიპლომისშემდგომი საკვალიფიკაციო გამოცდა, მოპოვებული აქვთ საექიმო სპეციალობის მაძიებლის მოწმობა და 2023 წელს ჩარიცხულნი არიან დიპლომისშემდგომი განათლების (პროფესიული მზადების)/სარეზიდენტო პროგრამაში საქართველოში აკრედიტებულ სამედიცინო დაწესებულებებში/ სასწავლებლებში №1​¹ დანართით („პრიორიტეტული საექიმო სპეციალობები, რომლებშიც მზადება დაფინანსდება პროგრამის ფარგლებში“) განსაზღვრულ საექიმო სპეციალობებში;“;

ბ) მე-4 პუნქტი ჩამოყალიბდეს შემდეგი რედაქციით:

„4. პროგრამის მე-3 მუხლის „დ“ და „ე“ ქვეპუნქტებით გათვალისწინებული მომსახურების გაწევა განხორციელდება კანონმდებლობის შესაბამისად, სსიპ − სამედიცინო და ფარმაცევტული საქმიანობის რეგულირების სააგენტოს მიერ.“;

გ) მე-5 პუნქტი ჩამოყალიბდეს შემდეგი რედაქციით:

„5. პროგრამის მე-3 მუხლის „ზ“ ქვეპუნქტით განსაზღვრულ სუბსპეციალობაში − სასამართლო ექსპერტიზა ექიმების გადამზადების დაფინანსება განხორციელდება შემდეგი მეთოდოლოგიის თანახმად:

ა) პროგრამის სამიზნე პოპულაციაა ბიუროს ოთხი რეგიონული დანაყოფისთვის (ეს რეგიონებია: აჭარა, იმერეთი, კახეთი, სამცხე-ჯავახეთი) სერტიფიცირებული არაუმეტეს 10 ექიმის (სპეციალობები: საოჯახო მედიცინა, ზოგადი ქირურგია, მეანობა-გინეკოლოგია და ორთოპედია-ტრავმატოლოგია) მზადების დაფინანსება, უპირატესობა ენიჭებათ ქალ ექიმებს; 

ბ) რეგიონების მიხედვით გადასამზადებელი ექიმები განაწილებულნი არიან შემდეგი რაოდენობით: აჭარა − 2 ექიმი, იმერეთი − 2 ექიმი, კახეთი − 3 ექიმი,  სამცხე-ჯავახეთი − 3 ექიმი;

გ) სუბსპეციალობის პროგრამაში − „სასამართლო ექსპერტიზა“ ექიმების მზადება ხორციელდება სსიპ − თბილისის სახელმწიფო სამედიცინო უნივერსიტეტის (შემდგომში − სასწავლებელი) სასამართლო მედიცინის დეპარტამენტის ბაზაზე;

დ) სასწავლებელი ვალდებულია უზრუნველყოს ექიმ-სპეციალისტების მზადება სამინისტროს პროფესიული განვითარების საბჭოს მიერ აკრედიტებული შესაბამისი პროგრამებით;

ე) სუბსპეციალობის პროგრამაში − „სასამართლო ექსპერტიზა“ გადამზადების შემდეგ, ექიმ-სპეციალისტი უფლებამოსილი იქნება, იმუშაოს ბიუროს შესაბამის რეგიონულ დანაყოფში;

ვ) პროგრამაში ჩართული სასწავლებელი დაფინანსდება ამ პროგრამის მე-5 მუხლით განსაზღვრული წესით.“.

4. მე-5 მუხლის მე-2 და მე-3 პუნქტები ჩამოყალიბდეს შემდეგი რედაქციით:

„2. პროგრამის მე-3 მუხლის „დ“ და „ე“ ქვეპუნქტების განმახორციელებელია სსიპ − სამედიცინო და ფარმაცევტული საქმიანობის რეგულირების სააგენტო.

3. პროგრამის მე-3 მუხლის „ა“, „ბ“, „გ“ და „ზ“ ქვეპუნქტებით განსაზღვრული კომპონენტების განმახორციელებელია საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრო.“.                                   

5. მე-5 მუხლს მე-3 პუნქტის შემდეგ დაემატოს შემდეგი შინაარსის მე-4 პუნქტი:

„4. პროგრამის მე-3 მუხლის „ზ“ ქვეპუნქტით განსაზღვრული კომპონენტის ფარგლებში დაფინანსების წესი და ოდენობა განისაზღვრება შემდეგი პრინციპით:

ა) დაფინანსება განხორციელდება განათლების ვაუჩერის მეშვეობით, რომელიც მოცავს უშუალოდ სწავლებისა და ასევე სწავლების ხელშეწყობის ანაზღაურებას;

ბ)  განათლების ვაუჩერი წარმოადგენს კომპონენტის ფარგლებში შერჩეული მაძიებლებისათვის განკუთვნილ, არამატერიალიზებული ფორმის ფინანსურ ინსტრუმენტს;

გ) ექიმები ამ კომპონენტით გათვალისწინებულ დაფინანსებას (ექიმების სწავლის ნაწილში) იღებენ სახელმწიფო დახმარების სახით;

დ) კომპონენტის ფარგლებში სწავლის  დაფინანსება განხორციელდება პროგრამისთვის შესაბამისი წლის სახელმწიფო ბიუჯეტიდან გამოყოფილი ასიგნებების ფარგლებში;

ე) განათლების ვაუჩერის − ექიმების სწავლისა (არაუმეტეს 330 ლარისა) და სწავლის ხელშეწყობის საფასურის ანაზღაურება (არაუმეტეს  2 420 ლარისა) განხორციელდება პროგრამაში მონაწილე სასწავლებლიდან წარდგენილი დოკუმენტაციის საფუძველზე, ყოველთვიურად, თითოეულ ექიმზე გადაანგარიშებით, სამინისტროს მიერ;

ვ) ერთი ექიმის გადამზადების ერთი თვის ხარჯი შეადგენს არაუმეტეს 2 750 ლარს, ფაქტობრივი დასწრებების გათვალისწინებით;

ზ) სუბსპეციალობის პროგრამაში − „სასამართლო ექსპერტიზა“ მზადების ხანგრძლივობა შეადგენს 9 თვეს (საექიმო სპეციალობაში − საოჯახო მედიცინაში სერტიფიცირებული ექიმებისთვის) და 6 თვეს (საექიმო სპეციალობებში − ზოგად ქირურგია მეანობა-გინეკოლოგია და ორთოპედია-ტრავმატოლოგია  − სერტიფიცირებული ექიმებისთვის).“.

6.  მე-6 მუხლის „ე“ ქვეპუნქტის შემდეგ დაემატოს შემდეგი შინაარსის „ე¹“ ქვეპუნქტი:

„ე¹) სუბსპეციალობის პროგრამაში − „სასამართლო ექსპერტიზა“ გადამზადებული კვალიფიციური ექიმებით ბიუროს ოთხი რეგიონული დანაყოფის (აჭარა, იმერეთი, კახეთი, სამცხე-ჯავახეთი) უზრუნველყოფა.“.

7.  მე-7 მუხლი ჩამოყალიბდეს შემდეგი რედაქციით:

„მუხლი 7. ამ დადგენილებით გათვალისწინებული ღონისძიებების დაფინანსების წყაროდ განისაზღვროს შესაბამისი წლის სახელმწიფო ბიუჯეტის შესახებ საქართველოს კანონით დიპლომისშემდგომი სამედიცინო განათლების (პროგრამული კოდი: 27 03 04) პროგრამისთვის გათვალისწინებული ასიგნებები.“.

8. მე-8 მუხლი ჩამოყალიბდეს შემდეგი რედაქციით:

„მუხლი 8. პროგრამის მე-3 მუხლის „ა“, „ბ“, „გ“ და „ზ“ კომპონენტების განმახორციელებელია სამინისტრო, ხოლო ამავე მუხლის „დ“ და „ე“ კომპონენტების − სააგენტო.“.

9.  №1¹ დანართი ჩამოყალიბდეს შემდეგი რედაქციით:

  „დანართი №1¹

პრიორიტეტული საექიმო სპეციალობები, რომლებშიც მზადება დაფინანსდება პროგრამის ფარგლებში

1. პათოლოგიური ანატომია-კლინიკური პათოლოგია.

2. ფსიქიატრია.

3. ფთიზიატრია-პულმონოლოგია.

4. ბავშვთა ფთიზიატრია-პულმონოლოგია.

5. სასამართლო მედიცინა.“.