დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | ,,სამედიცინო დაწესებულებების კლასიფიკაციის განსაზღვრის თაობაზე“ საქართველოს შრომის, ჯანმრთელობისა და სოციალური დაცვის მინისტრის 2016 წლის 4 მარტის №01-9/ნ ბრძანებაში ცვლილების შესახებ | |
|---|---|
| დოკუმენტის ნომერი | 73/ნ |
| დოკუმენტის მიმღები | საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი |
| მიღების თარიღი | 02/10/2023 |
| დოკუმენტის ტიპი | საქართველოს მინისტრის ბრძანება |
| გამოქვეყნების წყარო, თარიღი | ვებგვერდი, 03/10/2023 |
| სარეგისტრაციო კოდი | 470230000.22.035.017093 |
|
„სამედიცინო დაწესებულებების კლასიფიკაციის განსაზღვრის თაობაზე“ საქართველოს შრომის, ჯანმრთელობისა და სოციალური დაცვის მინისტრის 2016 წლის 4 მარტის №01-9/ნ ბრძანებაში ცვლილების შესახებ
|
,,ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, ვბრძანებ: |
| მუხლი 1 |
„სამედიცინო დაწესებულებების კლასიფიკაციის განსაზღვრის თაობაზე“ საქართველოს შრომის, ჯანმრთელობისა და სოციალური დაცვის მინისტრის 2016 წლის 4 მარტის №01-9/ნ ბრძანებაში (www.matsne.gov.ge; 07/03/2016; 470230000.22.035.016378) შეტანილ იქნეს ცვლილება და ბრძანებით დამტკიცებული დანართის (სამედიცინო დაწესებულებების კლასიფიკაცია):
1. მე-4 მუხლის პირველი პუნქტის „ბ.ე“ ქვეპუნქტი ჩამოყალიბდეს შემდეგი რედაქციით: ,,ბ.ე) უროლოგიური (BUr), ინფექციური (BInf), ონკოლოგიური (BOnk), კარდიოლოგიური (BCor), პედიატრიული (BPed), პლასტიკური, რეკონსტრუქციული და ესთეტიკური მედიცინა (BPl&Est) და სხვა – უზრუნველყოფს შესაბამისი პროფილის პაციენტების დიაგნოსტიკას, მკურნალობას და რეაბილიტაციას.“. 2. მე-5 მუხლს დაემატოს შემდეგი შინაარსის „გ“ ქვეპუნქტი: „გ) სამედიცინო სოციალური ცენტრი – სამედიცინო დაწესებულება, სადაც ხორციელდება შესაბამისი საჭიროების (მათ შორის, პალიატიური სერვისების) მქონე პაციენტებისთვის სამედიცინო-სოციალური მომსახურების (სადღეღამისო) ხანგრძლივად მიწოდება.“. 3. მე-7 მუხლის პირველი პუნქტი ჩამოყალიბდეს შემდეგი რედაქციით: „1. ჰოსპისი არის სამედიცინო დაწესებულება, რომელიც ახორციელებს პალიატიურ და დამხმარე მომსახურებას ტერმინალურ მდგომარეობაში მყოფი პაციენტებისა და მათი ოჯახის წევრების ფიზიკური, ფსიქოლოგიური, სოციალური და სულიერი მხარდაჭერის მიზნით. იმ შემთხვევაში, თუ ზემოხსენებული სერვისები მიეწოდება პაციენტს ბინაზე, აღნიშნული განიხილება როგორც შინმოვლის სერვისი. ჰოსპისის სერვისების მიწოდება შესაძლებელია განხორციელდეს სამედიცინო სოციალური ცენტრის (ხანგრძლივი მოვლის დაწესებულება) სპეციალურად გამოყოფილ სათანადოდ აღჭურვილ პალატებში.“. 4. №7 დანართის: ა) პირველი პუნქტის ,,ა“ ქვეპუნქტი ჩამოყალიბდეს შემდეგი რედაქციით: ,,ა) I დონე – აწარმოებს I და II კატეგორიის ქირურგიულ ჩარევებს;“; ბ) ცხრილს ,,გავა-კუდუსუნი“ თავის შემდეგ დაემატოს ,,პლასტიკური, რეკონსტრუქციული და ესთეტიკური ქირურგია“ შემდეგი რედაქციით: „
.“. |
| მუხლი 2 |
ბრძანება ამოქმედდეს გამოქვეყნებისთანავე, ხოლო პირველი მუხლის მე-4 პუნქტის ,,ა“ ქვეპუნქტის მოქმედება გავრცელდეს 2023 წლის წლის 1 სექტემბრიდან წარმოშობილ ურთიერთობებზე. |
|
დოკუმენტის კომენტარები