დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | „საავიაციო სატვირთო ტერმინალების სერტიფიცირების წესისა და სერტიფიკატების ფორმების დამტკიცების შესახებ“ სსიპ – სამოქალაქო ავიაციის სააგენტოს დირექტორის 2013 წლის 27 დეკემბრის №264 ბრძანებაში ცვლილების შეტანის შესახებ | |
|---|---|
| დოკუმენტის ნომერი | 181 |
| დოკუმენტის მიმღები | სამოქალაქო ავიაციის სააგენტოს დირექტორი |
| მიღების თარიღი | 26/09/2023 |
| დოკუმენტის ტიპი | სამოქალაქო ავიაციის სააგენტოს დირექტორის ბრძანება |
| გამოქვეყნების წყარო, თარიღი | ვებგვერდი, 27/09/2023 |
| სარეგისტრაციო კოდი | 310150000.54.066.016314 |
|
„საავიაციო სატვირთო ტერმინალების სერტიფიცირების წესისა და სერტიფიკატების ფორმების დამტკიცების შესახებ“ სსიპ – სამოქალაქო ავიაციის სააგენტოს დირექტორის 2013 წლის 27 დეკემბრის №264 ბრძანებაში ცვლილების შეტანის შესახებ
|
„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, ვბრძანებ: |
| მუხლი 1 |
„საავიაციო სატვირთო ტერმინალების სერტიფიცირების წესისა და სერტიფიკატების ფორმების დამტკიცების შესახებ“ სსიპ – სამოქალაქო ავიაციის სააგენტოს დირექტორის 2013 წლის 27 დეკემბრის №264 ბრძანებით (ვებგვერდი, 30/12/2013, 310150000.54.066.016061) დამტკიცებულ „საავიაციო სატვირთო ტერმინალების სერტიფიცირების წესში“ შეტანილ იქნეს შემდეგი ცვლილებები:
1. მე-2 მუხლის: ა) „ა“ ქვეპუნქტი ჩამოყალიბდეს შემდეგი რედაქციით: „ა) ტვირთი – სამოქალაქო საჰაერო ხომალდით გადასაზიდი (გადაზიდვას დაქვემდებარებული) ნებისმიერი ქონება, მათ შორის საფოსტო გზავნილი, გარდა საბორტო მარაგებისა და თანმხლები ან არასწორად გაგზავნილი ბარგისა;“; ბ) დაემატოს შემდეგი შინაარსის „ე“ ქვეპუნქტი: „ე) საფოსტო გზავნილი – საფოსტო ოპერატორის მიერ მიღებული/გაგზავნილი საბოლოო ფორმის დამისამართებული გზავნილი.“. 2. მე-3 მუხლს დაემატოს შემდეგი შინაარსის მე-9 პუნქტი: „9. ამ წესის მიზნებისთვის, ტვირთი მოიცავს საფოსტო გზავნილებსაც.“. 3. №1 და №2 დანართები ჩამოყალიბდეს თანდართული რედაქციით. |
| მუხლი 2 |
ამ ბრძანების ამოქმედებამდე გაცემული საავიაციო სატვირთო ტერმინალების სერტიფიკატები ჩანაცვლდეს ამ ბრძანების შესაბამისად გაცემული სერტიფიკატებით, 2023 წლის 1 დეკემბრამდე. |
| მუხლი 3 |
ბრძანება ამოქმედდეს გამოქვეყნებისთანავე. |
|
დოკუმენტის კომენტარები