დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
„ზუგდიდის მუნიციპალიტეტის მერიის ინფრასტრუქტურული პროექტების მართვის და არქიტექტურის სამსახურის დებულების დამტკიცების შესახებ“ ზუგდიდის მუნიციპალიტეტის საკრებულოს 2019 წლის 6 სექტემბრის №40 დადგენილებაში ცვლილებებისა და დამატებების შეტანის შესახებ | |
---|---|
დოკუმენტის ნომერი | 39 |
დოკუმენტის მიმღები | ზუგდიდის მუნიციპალიტეტი |
მიღების თარიღი | 01/09/2023 |
დოკუმენტის ტიპი | მუნიციპალიტეტის საკრებულოს დადგენილება |
გამოქვეყნების წყარო, თარიღი | ვებგვერდი, 04/09/2023 |
სარეგისტრაციო კოდი | 010250050.35.105.016695 |
|
საქართველოს ორგანული კანონის „ნორმატიული აქტების შესახებ“ მე-20 მუხლის მე-4 პუნქტის შესაბამისად, ზუგდიდის მუნიციპალიტეტის საკრებულო ადგენს:
|
მუხლი 1 |
„ზუგდიდის მუნიციპალიტეტის მერიის ინფრასტრუქტურული პროექტების მართვის და არქიტექტურის სამსახურის დებულების დამტკიცების შესახებ“ ზუგდიდის მუნიციპალიტეტის საკრებულოს 2019 წლის 6 სექტემბრის №40 დადგენილებაში (www.matsne.gov.ge, 12/09/2019, ს/კ 010250050.35.105.016529) შეტანილ იქნეს ცვლილება და დადგენილებით დამტკიცებული დანართის:
ა) მე-2 მუხლის მე-8 პუნქტს დაემატოს შემდეგი შინაარსის „დ“ ქვეპუნქტი: „დ) უნებართვოდ აშენებული ობიექტების მართვის და ლეგალიზების განყოფილება.“; ბ) მე-3 მუხლს დაემატოს შემდეგი შინაარსის „ფ1“ ქვეპუნქტი: „ფ1. უნებართვოდ ან/და პროექტის დარღვევით აშენებული ობიექტის ან მისი ნაწილის ლეგალიზებასთან, აგრეთვე 2007 წლის პირველ იანვრამდე დაწყებული და დაუმთავრებელი ობიექტის დასრულების ვადის და მის ლეგალიზებასთან დაკავშირებული მოქმედი კანონმდებლობის შესაბამისად მუნიციპალიტეტისათვის მიკუთვნებული ფუნქციების შესრულებას.“; გ) მე-6 მუხლი ჩამოყალიბდეს შემდეგი რედაქციით: „განყოფილება დადგენილი წესით უზრუნველყოფს: ა) არქიტექტურული და ურბანული დაგეგმარების სფეროში ზუგდიდის მუნიციპალიტეტის ტერიტორიაზე კანონით განსაზღვრულ თავისი კომპეტენციის განხორციელებას; ბ) დადგენილი წესით შეთანხმებული და დამტკიცებული ,,განაშენიანების რეგულირების წესების“ შესაბამისად, ზუგდიდის მუნიციპალიტეტში დასახლებათა ტერიტორიების გამოყენებისა და განაშენიანების საკითხების რეგულირებას; გ) კანონმდებლობის შესაბამისად, სივრცით-ტერიტორიული დაგეგმვის დოკუმენტაციების შემუშავებას; დ) დასახლებათა სივრცითი მოწყობისა და მშენებლობის პრინციპების დაცვას, სივრცით- ტერიტორიული დაგეგმვის საჯარო განხილვას; ე) შენობა-ნაგებობების (მათ შორის, ხაზოვანი ობიექტების), მიწისზედა და მიწისქვეშა საინჟინრო კომუნიკაციების, კეთილმოწყობის და სხვა სახის არქიტექტურულ-სამშენებლო საქმიანობაზე ბრძანებების პროექტების და სივრცით-ტერიტორიული დაგეგმვის დოკუმენტაციების განხილვას, მომზადებასა და წარდგენას; ვ) სტატისტიკური მონაცემების დამუშავებასა და ანალიზს; ზ) მუნიციპალიტეტის ფარგლებში საზოგადოებრივ სივრცეზე სამუშაოებისა და ხაზოვანი ნაგებობების განთავსებაზე ნებართვების გაცემას; თ) ფიზიკური და იურიდიული პირების განცხადებების კანონით დადგენილ ვადებში და წესით განხილვას და რეაგირებას; ი) ზუგდიდის მუნიციპალიტეტის ადმინისტრაციულ საზღვრებში ტერიტორიების განვითარების კონცეფციის შემუშავებას, მისი სივრცით-ტერიტორიული დაგეგმარების თაობაზე შესაბამისი კვლევების ჩატარებასა და რეკომენდაციების მომზადებას; კ) ტერიტორიების განაშენიანების დეტალური გეგმის (გდგ) დავალების გაცემისა და დამტკიცების თაობაზე შესაბამისი გადაწყვეტილებების პროექტის მომზადებას; ლ) მიწათსარგებლობის უფლებრივი ზონირების რუკების დამუშავებისთვის და დამტკიცებისთვის საკრებულოს გადაწყვეტილებათა პროექტის მომზადებას; მ) სპეციალური ზონალური შეთანხმებისათვის შესაბამისი გადაწყვეტილების პროექტის მომზადებას; ნ) II (მეორე), III (მესამე) და IV (მეოთხე) კლასის განმსაზღვრელი მახასიათებლების მქონე შენობა-ნეგებობების მშენებლობის/დემონტაჟის არქიტექტურული პროექტების შეთანხმებასთან დაკავშირებით შესაბამისი ბრძანების პროექტების მომზადება; ო) სამშენებლო მიწის ნაკვეთის გამოყენების პირობების დადგენისა და მასში ცვლილებების შეტანის შესახებ შესაბამისი ბრძანების/გადაწვეტილების პროექტის მომზადებას; პ) ცალკეული ტერიტორიების სამშენებლოდ განვითარების თაობაზე წინადადებების და დასკვნების მომზადებას; ჟ) სათათბირო საბჭოზე (კომისიაზე) განსახილველი საკითხების შედგენას, ინფორმირებასა და ზეპირი მოსმენების (სხდომების) ორგანიზებას; რ) I (პირველი) კლასის განმსაზღვრელი მახასიათებლების მქონე შენობა-ნაგებობების არქიტექტურული პროექტების შეთანხმება/დემონტაჟთან დაკავშირებით შესაბამისი ბრძანების/გადაწყვეტილების პროექტების მომზადება; ს) განსაკუთრებული არქიტექტურული და ქალაქთმშენებლობითი მნიშვნელობის მქონე, ახლად ასაშენებელი და სარეკონსტრუქციო ობიექტების დაპროექტების, ესკიზური, ვარიანტული და საკონკურსო დამუშავების განსაზღვრაში მონაწილეობის მიღებას; ტ) მხატვრული იერსახის შემდგომი გაუმჯობესებისათვის საპროექტო საინვესტიციო წინადადებების მომზადებას; უ) განყოფილების კომპეტენციას მიკუთვნებული ინდივიდუალურ-ადმინისტრაციულ სამართლებრივი აქტების პროექტის მომზადებას; ფ) საქმისწარმოების დასრულებული დოკუმენტების აღრიცხვას, დამუშავებას, არქივისათვის და შესაბამისი ადრესატისათვის გადაცემას; ქ) განყოფილების კომპეტენციას მიკუთვნებულ საკითხებთან დაკავშირებით, მოქალაქეებისათვის კონსულტაციის გაწევას; ღ) საჯარო ინფორმაციის ხელმისაწვდომობის უზრუნველყოფას; ყ) მოქმედი კანონმდებლობითა და მუნიციპალიტეტის სამართლებრივი აქტებით განსაზღვრული სხვა ფუნქციების განხორციელებას.“; დ) დაემატოს შემდეგი შინაარსის „61“ მუხლი. „მუხლი 61. უნებართვოდ აშენებული ობიექტების მართვის და ლეგალიზების განყოფილება განყოფილება დადგენილი წესით უზრუნველყოფს: ა) უნებართვოდ ან/და პროექტის დარღვევით აშენებული ობიექტის ან მისი ნაწილის ლეგალიზებასთან, აგრეთვე 2007 წლის პირველ იანვრამდე დაწყებული და დაუმთავრებელი ობიექტის დასრულების ვადის და მის ლეგალიზებასთან დაკავშირებული მოქმედი კანონმდებლობის შესაბამისად მუნიციპალიტეტისათვის მიკუთვნებული ფუნქციების შესრულებას; ბ) მუნიციპალიტეტში უნებართვოდ ან პროექტის დარღვევით აშენებული ობიექტების დადგენის მიზნით მოსახლეობის გამოკითხვის და კვლევების ჩატარების უზრუნველყოფას; გ) ზუგდიდის მუნიციპალიტეტის ადმინისტრაციული ერთეულებიდან ფიზიკური პირების მიერ შემოტანილი განცხადებების კანონით დადგენილი წესით განხილვას; დ) ადმინისტრაციული წარმოებისას ობიექტის ადგილზე დათვალიერებას, ობიექტის არსებული მდგომარეობის შესწავლას, შენობა-ნაგებობის დასურათებასა და პარამეტრების დადგენას; ე) იმ შემთხვევაში, თუ წარდგენილი დოკუმენტაციითა და ობიექტის ადგილზე დათვალიერებით შეუძლებელია მისი საქართველოს კანონმდებლობის მოთხოვნებთან შესაბამისობის დადგენა, განმცხადებლისგან დამატებითი დოკუმენტაციისა და ინფორმაციის წარმოდგენის და მოქმედი კანონმდებლობით გათვალისწინებული სხვა მოქმედებების შესრულების შესახებ წერილობითი მოთხოვნის გადაგზავნას; ვ) უნებართვოდ ან/და პროექტის დარღვევით აშენებული ობიექტების ან მათი ნაწილების ლეგალიზების შესახებ გადაწყვეტილების მიღებას; ზ) ლეგალიზებისთვის წარსადგენი ობიექტების შესახებ მუნიციპალიტეტის ადმინისტრაციული ერთეულების მიხედვით წინასწარი მონაცემთა ბაზის შექმნას; თ) ობიექტის ლეგალიზების შესახებ მიღებული განცხადებების შესაბამისი ელექტრონული და მატერიალური არქივის შექმნას; ი) მრავალბინიანი საცხოვრებელი სახლებისათვის მიწის ნაკვეთის საზღვრების (წითელი ხაზების) დადგენას/კორექტირებას; კ) მოქმედი კანონმდებლობის შესაბამისად მიწის ნაკვეთის დაყოფისა და მიწის ნაკვეთის გაერთიანების თაობაზე დოკუმენტაციის მომზადებას; ლ) მოქმედი კანონმდებლობითა და მუნიციპალიტეტის სამართლებრივი აქტებით განსაზღვრული სხვა ფუნქციების განხორციელებას.“. |
მუხლი 2 |
დადგენილება ამოქმედდეს გამოქვეყნებისთანავე.
|
|
დოკუმენტის კომენტარები