მცხეთის მუნიციპალიტეტში, სოფელ ვაზიანში არსებულ სასოფლო-სამეურნეო დანიშნულების მიწის ნაკვეთზე მცირე ზომის ანაკრები კონსტრუქციის კოტეჯებისა და მასთან არსებული დამხმარე ნაგებობების (სტუმრის მისაღები, კვების ბლოკისა და საცურაო აუზის) მშენებლობისათვის განაშენიანების დეტალური გეგმის დამტკიცების შესახებ

საქართველოს ორგანული კანონის „ადგილობრივი თვითმმართველობის კოდექსი“ მე-16 მუხლის მე-2 პუნქტის  „ე“ ქვეპუნქტის, 24-ე მუხლის პირველი პუნქტის „გ.ე“ ქვეპუნქტის, 54-ე მუხლის პირველი პუნქტის „ე.დ“ ქვეპუნქტის, 61-ე მუხლის მე-2 პუნქტის, საქართველოს მთავრობის 2019 წლის 3 ივნისის №260 დადგენილებით დამტკიცებული „სივრცის დაგეგმარებისა და ქალაქთმშენებლობითი  გეგმების  შემუშავების  წესი“ მე-2  მუხლის პირველი პუნქტის „ნ“ ქვეპუნქტის, მე-3 მუხლის მე-6 პუნქტის, მე-16 მუხლის პირველი პუნქტის „ბ“ ქვეპუნქტისა  და  მე-19  მუხლის  მე-3  პუნქტის  საფუძველზე, 

დამტკიცდეს მცხეთის მუნიციპალიტეტში, სოფელ ვაზიანში  არსებულ სასოფლო-სამეურნეო დანიშნულების მიწის ნაკვეთზე (ს.კ. 72.01.13.117) მცირე ზომის ანაკრები კონსტრუქციის კოტეჯებისა და მასთან არსებული დამხმარე ნაგებობების (სტუმრის მისაღები, კვების ბლოკისა და საცურაო აუზის)  მშენებლობისათვის განაშენიანების დეტალური გეგმა   დანართის შესაბამისად.

დადგენილება ამოქმედდეს გამოქვეყნებისთანავე.