„ადიგენის მუნიციპალიტეტის ტერიტორიაზე ადგილობრივი მოსაკრებლების სახეების და განაკვეთების ოდენობის დამტკიცების შესახებ“ ადიგენის მუნიციპალიტეტის საკრებულოს 2015 წლის 7 აპრილის №18 დადგენილებაში ცვლილების შეტანის თაობაზე

ა) დადგენილებით დამტკიცებული დანართი №1-ის მე-2 მუხლის მე-2 პუნქტის   „დ“ ქვეპუნქტი ჩამოყალიბდეს შემდეგი რედაქციით:

 „დ) ხაზობრივი ნაგებობისათვის გადასახადის ოდენობა განისაზღვროს შემდეგი კლასიფიკაციის მიხედვით:

დ.ა) გაზსადენი, ნავთობსადენი  – ერთ გრძივ მეტრზე 0,8 ლარი;

დ.ბ) წყალარინები  – 0,8 ლარი;

დ.გ) საჰაერო, მიწისქვეშა ხაზობრივ ნაგებობებზე, კავშირგაბმულობისა და ელექტროგადამცემ ხაზებზე 0-5 კმ-ის ჩათვლით ერთ გრძივ მეტრზე 0,8 ლარი, ხოლო 5 კილომეტრიდან ზევით 0.5 ლარი;“

ბ) დადგენილებით დამტკიცებული დანართ №1-ს დაემატოს შემდეგი შინაარსის მე-3 და მე-4 მუხლები:

„მუხლი 3. შეღავათები ადგილობრივი მოსაკრებლების გადახდაზე

1. დაუშვებელია ადგილობრივი მოსაკრებლების გადახდაზე ინდივიდუალური სახის შეღავათების დადგენა.

2. შეღავათები ადგილობრივი მოსაკრებლების გადახდაზე დგინდება ამ დადგენილების მე-3 მუხლით და ,,ადგილობრივი მოსაკრებლების შესახებ“ საქართველოს კანონით.

3. ადგილობრივი მოსაკრებლების გადახდაზე საკრებულოს მიერ შეღავათების დადგენა (გადახდისაგან სრული ან ნაწილობრივი განთავისუფლება) დაიშვება გადამხდელთა კატეგორიების მიხედვით.

4. ამ კანონით დადგენილი წესით ადგილობრივი მოსაკრებლების შემოღების, გაუქმებისა და მათზე შეღავათების დაწესების უფლება აქვს მუნიციპალიტეტის წარმომადგენლობით ორგანოს, მუნიციპალიტეტის აღმასრულებელი ორგანოს წარდგინებით.

5. ადგილობრივი მოსაკრებლების შემოღების, გაუქმებისა და მათზე შეღავათების დაწესების შესახებ საკრებულოს გადაწყვეტილება მოქმედებს მხოლოდ მისდამი დაქვემდებარებულ ტერიტორიაზე და ვრცელდება ყველა იქ მცხოვრებ ფიზიკურ და განლაგებულ იურიდიულ პირზე, გარდა კანონით გათვალისწინებული შემთხვევებისა.

მუხლი 4. გადამხდელთა კატეგორიები, რომელთაც შეეხებათ შეღავათი დასუფთავების მოსაკრებელთან დაკავშირებით

ა) იურიდიული პირები საქმიანობის მიხედვით:

ბ) ფიზიკური პირებისთვის:

“.