„სამედიცინო საქმიანობის ლიცენზიისა და სტაციონარული დაწესებულების ნებართვის გაცემის წესისა და პირობების შესახებ დებულებების დამტკიცების თაობაზე“ საქართველოს მთავრობის 2010 წლის 17 დეკემბრის №385 დადგენილებაში ცვლილების შეტანის შესახებ

დოკუმენტის სტრუქტურა

განმარტებების დათვალიერება

დაკავშირებული დოკუმენტები

დოკუმენტის მონიშვნები

„სამედიცინო საქმიანობის ლიცენზიისა და სტაციონარული დაწესებულების ნებართვის გაცემის წესისა და პირობების შესახებ დებულებების დამტკიცების თაობაზე“ საქართველოს მთავრობის 2010 წლის 17 დეკემბრის №385 დადგენილებაში ცვლილების შეტანის შესახებ
დოკუმენტის ნომერი	331
დოკუმენტის მიმღები	საქართველოს მთავრობა
მიღების თარიღი	30/08/2023
დოკუმენტის ტიპი	საქართველოს მთავრობის დადგენილება
გამოქვეყნების წყარო, თარიღი	ვებგვერდი, 30/08/2023
სარეგისტრაციო კოდი	470230000.10.003.024164

PDF გადმოწერა

„სამედიცინო საქმიანობის ლიცენზიისა და სტაციონარული დაწესებულების ნებართვის გაცემის წესისა და პირობების შესახებ დებულებების დამტკიცების თაობაზე“ საქართველოს მთავრობის 2010 წლის 17 დეკემბრის №385 დადგენილებაში ცვლილების შეტანის შესახებ

მუხლი 1

„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, „სამედიცინო საქმიანობის ლიცენზიისა და სტაციონარული დაწესებულების ნებართვის გაცემის წესისა და პირობების შესახებ დებულებების დამტკიცების თაობაზე“ საქართველოს მთავრობის 2010 წლის 17 დეკემბრის №385 დადგენილებაში (სსმ, №168, 24/12/2010) შეტანილ იქნეს ცვლილება და დადგენილებით დამტკიცებული:

1. №2 დანართის („დებულება სტაციონარული დაწესებულების ნებართვის გაცემის წესისა და პირობების შესახებ“):

ა) მე-5 მუხლის მე-3 პუნქტი ჩამოყალიბდეს შემდეგი რედაქციით:

„3. ნებართვის გამცემს სანებართვო პირობების შესრულების კონტროლის განხორციელება შეუძლია კალენდარული წლის განმავლობაში მხოლოდ სამჯერ.“;

ბ) მე-7 მუხლის მე-16 პუნქტი ჩამოყალიბდეს შემდეგი რედაქციით:

„16. რეანიმაციული მომსახურების მიმწოდებელი ყველა დაწესებულება ვალდებულია, 2023 წლის 1 სექტემბრამდე თავისი საქმიანობა შესაბამისობაში მოიყვანოს №2¹ დანართით („სტაციონარული დაწესებულების სანებართვო პირობები“) განსაზღვრულ პირობებთან და ახალი ნებართვის დანართის – „რეანიმაციული მომსახურება“, ინტენსიური მკურნალობის/მოვლის შესაბამისი დონით მოპოვებასთან დაკავშირებით განცხადებით მიმართოს სსიპ − სამედიცინო და ფარმაცევტული საქმიანობის რეგულირების სააგენტოს. ამასთან, №2¹ დანართით რეანიმაციული მომსახურების მიმწოდებელთათვის დადგენილი პირობების შესრულება აუცილებელ მოთხოვნას წარმოადგენს შესაბამისი სანებართვო დანართის მაძიებელთათვის.“.

2. №2¹ დანართის („სტაციონარული დაწესებულების სანებართვო პირობები“) საერთო სანებართვო პირობების 28-ე პუნქტი ჩამოყალიბდეს შემდეგი რედაქციით:

„28

საევაკუაციო გასასვლელი

ნებართვის მაძიებელმა/მფლობელმა უნდა წარადგინოს შესაბამისი ადმინისტრაციული ორგანოს მიერ გაცემული დოკუმენტი საევაკუაციო გასასვლელების მდგომარეობისა და რაოდენობის დაკმაყოფილების შესახებ. ასევე ნებართვის მფლობელი ვალდებულია, აღნიშნული დოკუმენტი მოიპოვოს ყოველ 2 წელიწადში ერთხელ, საანგარიშგებო პერიოდის დაწყებამდე და წარუდგინოს ნებართვის გამცემს სანებართვო პირობების დაცვის შესახებ წინა წლის ანგარიშგებასთან ერთად“.

3. №2¹ დანართის („სტაციონარული დაწესებულების სანებართვო პირობები“) დამატებითი სანებართვო პირობების VII ნაწილის („ქირურგიული მომსახურების მიმწოდებელთათვის საერთო სანებართვო პირობები“):

ა) 4.4 პუნქტი ჩამოყალიბდეს შემდეგი რედაქციით:

„4.4

საოპერაციო დარბაზი უზრუნველყოფილია სამედიცინო დანიშნულების აირების მიწოდების უსაფრთხო ქსელით

სავალდებულოა სამედიცინო დანიშნულების აირების ცენტრალიზებული სისტემა.

ნებართვის მაძიებელმა/მფლობელმა უნდა წარადგინოს შესაბამისი ადმინისტრაციული ორგანოს მიერ გაცემული დოკუმენტი სამედიცინო აირების წარმომქმნელი დანადგარებისა და რეზერვუარების განთავსების უსაფრთხოების პირობების დაკმაყოფილების შესახებ. ასევე ნებართვის მფლობელი ვალდებულია, აღნიშნული დოკუმენტი მოიპოვოს ყოველ 2 წელიწადში ერთხელ, საანგარიშგებო პერიოდის დაწყებამდე და წარუდგინოს ნებართვის გამცემს სანებართვო პირობების დაცვის შესახებ წინა წლის ანგარიშგებასთან ერთად“;

ბ) 7.2 პუნქტი ჩამოყალიბდეს შემდეგი რედაქციით:

„7.2

ანესთეზიოლოგის ხელმისაწვდომობა ადგილზე

24/7-ზე

ა) სულ მცირე, ანესთეზიოლოგის უწყვეტი ხელმისაწვდომობა ადგილზე, 24/7-ზე;

ბ) მხოლოდ გეგმური სამედიცინო სერვისების მიმწოდებელ დაწესებულებებში, საჭიროების დროს, ანესთეზიოლოგის ხელმისაწვდომობა შესაძლებელია, უზრუნველყოფილ იქნეს გამოძახებით, სათანადო სტანდარტულ ოპერაციულ პროცედურაში (SOP)/პროტოკოლში მითითებულ ვადაში. აღნიშნული ვადის განსაზღვრა უნდა განხორციელდეს პაციენტის საუკეთესო ინტერესების გათვალისწინებით, რათა საფრთხე არ შეექმნას მის სიცოცხლეს და/ან ჯანმრთელობას;

გ) იმ დაწესებულებებში, რომლებიც განთავსებულია მაღალმთიან/საზღვრისპირა რაიონებში (მუნიციპალიტეტებში) და/ან წარმოადგენენ სერვისის ექსკლუზიურ მიმწოდებელს მუნიციპალიტეტში, ანესთეზიოლოგის ფუნქცია შეიძლება შეასრულოს რეანიმაციული სერვისის (ასეთის არსებობის შემთხვევაში) ფარგლებში დასაქმებულმა ანესთეზიოლოგ-რეანიმატოლოგმა“;

გ) მე-8 პუნქტის („საექთნო პერსონალის ხელმისაწვდომობა შემდეგი პრინციპით:“) „დ“ ქვეპუნქტი ჩამოყალიბდეს შემდეგი რედაქციით:

„დ)

პოსტოპერაციული ინტენსიური თერაპიის მოვლის ექთანზე ხელმისაწვდომობის უზრუნველყოფა ადგილზე

24/7-ზე

ა) არანაკლებ 1 ექთნისა ყოველ 4 პოსტოპერაციულ საწოლზე;

ბ) მხოლოდ გეგმური სამედიცინო სერვისების მიმწოდებელ დაწესებულებებში, საჭიროების დროს, პოსტოპერაციული პალატის ექთნის ხელმისაწვდომობა შესაძლებელია უზრუნველყოფილ იქნეს გამოძახებით, სათანადო სტანდარტულ ოპერაციულ პროცედურაში (SOP)/პროტოკოლში მითითებულ ვადაში. აღნიშნული ვადის განსაზღვრა უნდა განხორციელდეს პაციენტის საუკეთესო ინტერესების გათვალისწინებით, რათა საფრთხე არ შეექმნას მის სიცოცხლეს და/ან ჯანმრთელობას;

გ) იმ დაწესებულებებში, რომლებიც განთავსებულია მაღალმთიან/საზღვრისპირა რაიონებში (მუნიციპალიტეტებში) და/ან წარმოადგენენ სერვისის ექსკლუზიურ მიმწოდებელს მუნიციპალიტეტში, ინტენსიური თერაპიის მოვლის ექთნის ფუნქცია შეიძლება შეასრულოს ანესთეზიის ექთანმა“.

4. №2² დანართის („სარეაბილიტაციო-გამაჯანსაღებელი სტაციონარის სანებართვო პირობები“) 28-ე პუნქტი ჩამოყალიბდეს შემდეგი რედაქციით:

„28

დაწესებულებას უნდა ჰქონდეს საევაკუაციო გასასვლელი

სარეაბილიტაციო-გამაჯანსაღებელი სერვისის/დეპარტამენტის სხვა სტაციონარულ დაწესებულებაში ინტეგრირების შემთხვევაში შესაძლებელია სტაციონარული დაწესებულების საევაკუაციო გასასვლელით სარგებლობა, თუ შენობა-ნაგებობის დაგეგმარება იძლევა ამის საშუალებას.

ნებართვის მაძიებელმა/მფლობელმა უნდა წარადგინოს შესაბამისი ადმინისტრაციული ორგანოს მიერ

გაცემული დოკუმენტი საევაკუაციო გასასვლელების მდგომარეობისა და რაოდენობის დაკმაყოფილების შესახებ. ასევე ნებართვის მფლობელი ვალდებულია, აღნიშნული დოკუმენტი მოიპოვოს ყოველ 2 წელიწადში ერთხელ, საანგარიშგებო პერიოდის დაწყებამდე და წარუდგინოს ნებართვის გამცემს სანებართვო პირობების დაცვის შესახებ წინა წლის ანგარიშგებასთან ერთად“.

მუხლი 2

დადგენილება ამოქმედდეს გამოქვეყნებისთანავე.

პრემიერ-მინისტრი ირაკლი ღარიბაშვილი