„სსიპ − საქართველოს დაზღვევის სახელმწიფო ზედამხედველობის სამსახურის შექმნისა და მასთან არსებული სამეთვალყურეო საბჭოს ჩამოყალიბების შესახებ“ საქართველოს მთავრობის 2013 წლის 2 მაისის №102 დადგენილებაში ცვლილების შეტანის თაობაზე

1. მე-2 მუხლის „თ“ ქვეპუნქტი ჩამოყალიბდეს შემდეგი რედაქციით:

„თ) სახელმწიფო ხელისუფლების ორგანოების ან მუნიციპალიტეტის მიერ ინიციირებული სახელმწიფო, მუნიციპალური და დარგობრივი სადაზღვევო პროგრამების შეთანხმება, აგრეთვე ნებისმიერი სავალდებულო დაზღვევის პირობების შეთანხმება, თუ ეს პირობები კანონით დადგენილი არ არის.“.

2. მე-3 მუხლის „ლ⁴“ ქვეპუნქტის შემდეგ დაემატოს შემდეგი შინაარსის „ლ⁵“, „ლ⁶“, „ლ⁷“ და „ლ⁸“ ქვეპუნქტები:   

„ლ⁵) დაადგინოს საქართველოს კანონმდებლობიდან გამომდინარე დამატებითი მოთხოვნები მზღვეველისა და სადაზღვევო ბროკერის ინფორმაციული უსაფრთხოების სისტემების მიმართ და გამოსცეს შესაბამისი რეკომენდაციები;

ლ⁶) დაადგინოს მოთხოვნები მზღვეველისა და სადაზღვევო ბროკერის მიერ ინტერნეტით სადაზღვევო პროდუქტის გაყიდვის ან/და მომსახურების გაწევის პროცესის მიმართ;

ლ⁷) დაადგინოს მოთხოვნები მზღვეველის მიერ ინფორმაციული ტექნოლოგიების ფუნქციის სრული ან ნაწილობრივი აუტსორსინგის (მათ შორის, ძირითად საქმიანობაში გამოყენებული ინფორმაციული სისტემის აუტსორსინგული ხელშეკრულებების) მიმართ და მათი ზედამხედველობის სამსახურთან შეთანხმების წესი;

ლ⁸) დაადგინოს მზღვეველისა და დაზღვევის შუამავლის მიერ „დაზღვევის შესახებ“ საქართველოს კანონის 20¹ მუხლის პირველი  პუნქტით გათვალისწინებული ვალდებულებების რეალურ დროში შესრულების მონიტორინგის წესი;“.