,,საჯარო სამართლის იურიდიული პირის - შოთა რუსთაველის საქართველოს ეროვნული სამეცნიერო ფონდის დაფუძნებისა და მისი წესდების დამტკიცების შესახებ” საქართველოს განათლებისა და მეცნიერების მინისტრის 2010 წლის 28 ივლისის N62/ნ ბრძანებაში ცვლილების შეტანის თაობაზე

ა) მე-2 პუნქტის:

ა.ა) „დ“ ქვეპუნქტი ჩამოყალიბდეს შემდეგი რედაქციით:

„დ) მინისტრთან შეთანხმებით, ფონდის ახალი გენერალური დირექტორის თანამდებობაზე დანიშვნამდე, ინდივიდუალური ადმინისტრაციულ-სამართლებრივი აქტით თანამდებობაზე ნიშნავს და თანამდებობიდან ათავისუფლებს  გენერალური დირექტორის პირველ მოადგილეს და მოდგილეებს და განსაზღვრავს მათ ფუნქციებს.“;

ა.ბ) „უ¹“ ქვეპუნქტი ჩამოყალიბდეს შემდეგი რედაქციით:

,,უ​¹) უფლებამოსილია მოახდინოს საკუთარ უფლებამოსილებათა დელეგირება გენერალური დირექტორის პირველ მოადგილეზე/მოადგილეზე ან/და გენერალური დირექტორის ბრძანებით განსაზღვრულ ფონდის სტრუქტურული ქვედანაყოფის ხელმძღვანელზე.“;

ბ) მე-4 – 5¹ პუნქტები ჩამოყალიბდეს შემდეგი რედაქციით:

„4. გენერალურ დირექტორს ჰყავს მოადგილეები, მათ შორის, პირველი მოადგილე. მოადგილეების რაოდენობა განისაზღვრება ფონდის საშტატო ნუსხით. გენერალური დირექტორის პირველი მოადგილე/მოადგილეები ანგარიშვალდებული და პასუხისმგებელია გენერალური დირექტორის წინაშე;

5. გენერალური დირექტორის არყოფნის შემთხვევაში, გენერალური დირექტორის მოვალეობებს ასრულებს მის მიერ ინდივიდუალური ადმინისტრაციულ-სამართლებრივი აქტით განსაზღვრული პირველი მოადგილე ან ერთ-ერთი მოადგილე. მოადგილეების მიერ მოვალეობის შესრულების შეუძლებლობის შემთხვევაში გენერალური დირექტორი თავისი მოვალეობების შესრულებას აკისრებს ფონდის რომელიმე თანამშრომელს.

5¹. გენერალური დირექტორის თანამდებობიდან გათავისუფლების შემთხვევაში მინისტრის ინდივიდუალური ადმინისტრაციულ-სამართლებრივი აქტით, გენერალური დირექტორის ფუნქციათა შესრულება დაევალება გენერალური დირექტორის პირველ მოადგილეს ან ერთ-ერთ მოადგილეს ახალი გენერალური დირექტორის თანამდებობაზე დანიშვნამდე.“.