,,საქართველოს ფინანსთა სამინისტროს დებულების დამტკიცების შესახებ“ საქართველოს მთავრობის 2004 წლის 21 მაისის №39 დადგენილებაში ცვლილებებისა და დამატებების შეტანის თაობაზე“

საქართველოს მთავრობის

დადგენილება №203

2008 წლის 8 ოქტომბერი

ქ. თბილისი

„საქართველოს ფინანსთა სამინისტროს დებულების დამტკიცების შესახებ“ საქართველოს მთავრობის 2004 წლის 21 მაისის №39 დადგენილებაში ცვლილებებისა და დამატებების შეტანის თაობაზე

    მუხლი 1

„ნორმატიული აქტების შესახებ“ საქართველოს კანონის 36-ე მუხლის შესაბამისად, „საქართველოს ფინანსთა სამინისტროს დებულების დამტკიცების შესახებ“ საქართველოს მთავრობის 2004 წლის 21 მაისის №39 დადგენილებით დამტკიცებულ დებულებაში (სსმ III, 2004 წელი, №54, მუხ. 462) შეტანილ იქნეს შემდეგი ცვლილებები და დამატებები:

1. მე-3 მუხლს დაემატოს შემდეგი შინაარსის „თ¹“ ქვეპუნქტი:

„თ¹) ფინანსურ ინსტრუმენტებში სახაზინო სამსახურის ანგარიშზე არსებული სახსრების განთავსება;“.

2. მე-12 მუხლის პირველ პუნქტს დაემატოს შემდეგი შინაარსის „თ“ – „ჟ“ ქვეპუნქტები:

„თ) თავისი კომპეტენციის ფარგლებში მონაწილეობის მიღებას ბიუჯეტის დეფიციტის ზღვრული ოდენობის შევსების წყაროების განსაზღვრაში სახელმწიფო ვალის ფორმირების ხარჯზე;

ი) საშინაო წყაროებიდან სახელმწიფოს მიერ მისაღები სასესხო რესურსების მოცულობის განსაზღვრასა და დაგეგმვას;

კ) სახელმწიფო საშინაო ვალის ფორმირების, მათ შორის, სახელმწიფო საშინაო ვალად აღიარებასთან დაკავშირებული ურთიერთპრეტენზიების საკითხთა განხილვაში მონაწილეობის მიღებას;

ლ) სახელმწიფო საშინაო ვალის რეესტრის წარმოებას;

მ) სახელმწიფო საშინაო ვალების რესტრუქტურიზაციის შესახებ წინადადებათა მომზადებას;

ნ) სხვადასხვავადიანი სახელმწიფო საშინაო სასესხო ვალდებულებების (სახელმწიფო ფასიანი ქაღალდების) გამოშვების, მიმოქცევისა და დაფარვის ძირითადი პირობების შემუშავებაში მონაწილეობის მიღებას;

ო) სახაზინო სამსახურის განკარგულებაში არსებული ფულადი სახსრების მართვასთან დაკავშირებული რისკების იდენტიფიკაციასა და კონტროლს;

პ) საქართველოს საბიუჯეტო სისტემის ლიკვიდურობის მართვასთან დაკავშირებული ღონისძიებების დაგეგმვასა და კონტროლს;

ჟ) ფინანსურ ინსტრუმენტებში სახაზინო სამსახურის ანგარიშზე არსებული სახსრების განთავსების ორგანიზებას.“.

3. 27-ე მუხლის „ს“, „ტ“, „უ“ და „ფ“ ქვეპუნქტები ამოღებულ იქნეს.

4. 27-ე მუხლის „ქ“ ქვეპუნქტი ამოღებულ იქნეს.

5. 36-ე მუხლს დაემატოს შემდეგი შინაარსის „ღ“ ქვეპუნქტი:

„ღ) საბაჟო და საგადასახადო სფეროებში გასაფორმებელი მთავრობათაშორისი და უწყებათაშორისი საერთაშორისო შეთანხმებების პროექტების მომზადებასა და შეთანხმებების დადებაში მონაწილეობის მიღება.“.

    მუხლი 2

1. ეს დადგენილება, გარდა პირველი მუხლის მე-4 პუნქტისა, ამოქმედდეს „საქართველოს ფინანსთა სამინისტროს დებულების დამტკიცების შესახებ“ საქართველოს მთავრობის 2004 წლის 21 მაისის №39 დადგენილებაში ცვლილებებისა და დამატებების შეტანის თაობაზე“ საქართველოს მთავრობის 2008 წლის 9 აგვისტოს №173 დადგენილების მე-2 მუხლით გათვალისწინებული რეორგანიზაციის დასრულებისთანავე.

2. ამ დადგენილების პირველი მუხლის მე-4 პუნქტი ამოქმედდეს „საქართველოს ფინანსთა სამინისტროს დებულების დამტკიცების შესახებ“ საქართველოს მთავრობის 2004 წლის 21 მაისის №39 დადგენილებაში ცვლილებებისა და დამატებების შეტანის თაობაზე“ საქართველოს მთავრობის 2008 წლის 9 აგვისტოს №173 დადგენილების მე-2 მუხლით გათვალისწინებული რეორგანიზაციის დასრულებიდან მეორე დღეს.

პრემიერ-მინისტრი ვ. გურგენიძე