„სამედიცინო საქმიანობის ლიცენზიისა და სტაციონარული დაწესებულების ნებართვის გაცემის წესისა და პირობების შესახებ დებულებების დამტკიცების თაობაზე“ საქართველოს მთავრობის 2010 წლის 17 დეკემბრის №385 დადგენილებაში ცვლილების შეტანის შესახებ

დოკუმენტის სტრუქტურა

განმარტებების დათვალიერება

დაკავშირებული დოკუმენტები

დოკუმენტის კომენტარები

დოკუმენტის მონიშვნები

უკან დაბრუნება
„სამედიცინო საქმიანობის ლიცენზიისა და სტაციონარული დაწესებულების ნებართვის გაცემის წესისა და პირობების შესახებ დებულებების დამტკიცების თაობაზე“ საქართველოს მთავრობის 2010 წლის 17 დეკემბრის №385 დადგენილებაში ცვლილების შეტანის შესახებ
დოკუმენტის ნომერი 280
დოკუმენტის მიმღები საქართველოს მთავრობა
მიღების თარიღი 03/08/2023
დოკუმენტის ტიპი საქართველოს მთავრობის დადგენილება
გამოქვეყნების წყარო, თარიღი ვებგვერდი, 04/08/2023
სარეგისტრაციო კოდი 470230000.10.003.024113
280
03/08/2023
ვებგვერდი, 04/08/2023
470230000.10.003.024113
„სამედიცინო საქმიანობის ლიცენზიისა და სტაციონარული დაწესებულების ნებართვის გაცემის წესისა და პირობების შესახებ დებულებების დამტკიცების თაობაზე“ საქართველოს მთავრობის 2010 წლის 17 დეკემბრის №385 დადგენილებაში ცვლილების შეტანის შესახებ
საქართველოს მთავრობა
 

საქართველოს მთავრობის

დადგენილება №280 

2023 წლის 3 აგვისტო

   ქ. თბილისი
„სამედიცინო საქმიანობის ლიცენზიისა და სტაციონარული დაწესებულების ნებართვის გაცემის წესისა და პირობების შესახებ დებულებების დამტკიცების თაობაზე“ საქართველოს მთავრობის 2010 წლის 17 დეკემბრის №385 დადგენილებაში ცვლილების შეტანის შესახებ

მუხლი 1
„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, „სამედიცინო საქმიანობის ლიცენზიისა და სტაციონარული დაწესებულების ნებართვის გაცემის წესისა და პირობების შესახებ დებულებების დამტკიცების თაობაზე“ საქართველოს მთავრობის 2010 წლის 17 დეკემბრის №385 დადგენილებაში (სსმ, №168, 24/12/2010; 470230000.10.003.016116) შეტანილ იქნეს ცვლილება და დადგენილებით დამტკიცებული №2 დანართის („დებულება სტაციონარული დაწესებულების ნებართვის გაცემის წესისა და პირობების შესახებ“) №2 1 დანართის („სტაციონარული დაწესებულების სანებართვო პირობები“ („დამატებითი სანებართვო პირობები“)) IX თავის („რეანიმაციული მომსახურების შემთხვევაში სტაციონარს დამატებით უნდა გააჩნდეს“):

1. პირველი, მე-2 და მე-3 გრაფები ჩამოყალიბდეს შემდეგი რედაქციით:

„1

სარეანიმაციო დარბაზი, რომლის საერთო ფართობი ერთ საწოლზე გაანგარიშებით უნდა იყოს არანაკლებ 15 კვ/მ-ისა

 

პედიატრიული სერვისის შემთხვევაში  სარეანიმაციო დარბაზი, რომლის ფართობი ერთ საწოლზე გაანგარიშებით უნდა იყოს არანაკლებ 14 კვ/მ-ისა

 

 

 

ა) აუცილებელ მოთხოვნას წარმოადგენს II-III დონეების ინტენსიური მკურნალობის/მოვლის სერვისის მიწოდების შემთხვევაში;

ბ) ერთსაწოლიანი იზოლირებული რეანიმაციული სივრცეების შემთხვევაში, თითოეულის ფართობი უნდა იყოს არანაკლებ 13კვ/მ-ისა;

გ) შერეული (ბავშვთა და მოზრდილთა) სერვისების მიწოდების შემთხვევაში, ბავშვებისთვის ცალკე სარეანიმაციო დარბაზი;

დ) სხვადასხვა დარბაზი (იზოლირებული სივრცე) სხვადასხვა ჯგუფის პაციენტისთვის, კერძოდ: კარდიოქირურგიული პაციენტებისათვის (აღნიშნული მოთხოვნა არ ვრცელდება I დონის ინტენსიური მკურნალობის/მოვლის სერვისის მიწოდების შემთხვევაში);

ე) ფართის გადაანგარიშება ხდება რეანიმაციული დარბაზის/პალატის საერთო ფართის საწოლთა რაოდენობაზე გადაანგარიშებით;

ვ) აღნიშნულ ფართში მოიაზრება ერთსაწოლიანი შესაბამისი პალატების განთავსების შესაძლებლობაც;

ზ) არ არის დაშვებული I და II-III დონეების ინტენსიური მკურნალობის/მოვლის სერვისის  საწოლების ერთ დარბაზში/პალატაში განთავსება  

2

დაცილება საწოლების გვერდით ზედაპირებსა და კედლებს შორის − არანაკლებ 1,2 მ-ისა, საწოლის ბოლოდან კედლამდე/ბარიერამდე − არანაკლებ 2,2 მ-ისა,  საწოლის თავის დაცილება კედელთან − არანაკლებ 1 მ-ისა, საწოლებს შორის დაშორება – არანაკლებ 1,2 მ-ისა

ა) აუცილებელ მოთხოვნას წარმოადგენს II-III დონეების ინტენსიური მკურნალობის/მოვლის სერვისის მიწოდების შემთხვევაში;

ბ) საწოლის ბოლოდან კედლამდე/ბარიერამდე დაცილებასთან დაკავშირებული მოთხოვნა არ ვრცელდება ერთსაწოლიან იზოლირებულ რეანიმაციულ სივრცეებზე

3

საწოლების განთავსება უნდა იძლეოდეს მათთან 3600 მიდგომისა და  რეანიმაციული საწოლის კარის მიმართულებით დაუბრკოლებლად გადაადგილების  შესაძლებლობას

ერთეულის მოწყობა უნდა იძლეოდეს პაციენტის 24/7-ზე მეთვალყურეობის საშუალებას.“.

 

2. 39.2 გრაფა ჩამოყალიბდეს შემდეგი რედაქციით:

„39.2

დაცილება საწოლების გვერდით ზედაპირებსა და კედლებს, ასევე საწოლის ბოლოსა და კედელს/ბარიერს შორის − 1,2 მ, საწოლის თავის დაცილება კედელთან − არანაკლებ 0,7 მ-ისა, საწოლებს შორის დაშორება – არანაკლებ 1,2 მ-ისა

საწოლის ბოლოდან კედლამდე/ბარიერამდე დაცილებასთან დაკავშირებული მოთხოვნა არ ვრცელდება ერთსაწოლიან იზოლირებულ  სივრცეებზე.“.

                  

მუხლი 2
დადგენილება ამოქმედდეს გამოქვეყნებისთანავე.

პრემიერ-მინისტრიირაკლი ღარიბაშვილი