„აჭარის ავტონომიური რესპუბლიკის ფინანსთა და ეკონომიკის სამინისტროს საქვეუწყებო დაწესებულება – ტურიზმისა და კურორტების დეპარტამენტის დებულების დამტკიცების შესახებ“ აჭარის ავტონომიური რესპუბლიკის მთავრობის 2015 წლის 8 ივლისის №13 დადგენილებაში ცვლილების შეტანის თაობაზე

ა) დებულების მე-3 მუხლის „ვ“ ქვეპუნქტი ჩამოყალიბდეს შემდეგი რედაქციით:

„ვ) წარმართოს საკადრო საკითხები, უზრუნველყოს დეპარტამენტის პროფესიულ საჯარო მოხელეთა შეფასება და არსებული ვაკანტური თანამდებობების დასაკავებლად კონკურსის ჩატარება;“;

ბ) დებულების მე-5 მუხლის პირველი პუნქტის „ა“ ქვეპუნქტი ჩამოყალიბდეს შემდეგი რედაქციით:

„ა) საერთაშორისო მარკეტინგისა და ტურიზმის სტიმულირების სამსახური;“;

გ) დებულების მე-5 მუხლის პირველი პუნქტის „თ“ ქვეპუნქტი ჩამოყალიბდეს შემდეგი რედაქციით:

„თ) შიდა ტურიზმის სტიმულირებისა და საზოგადოებასთან ურთიერთობის სამსახური.“;

დ) დებულების მე-5 მუხლის მე-3 პუნქტის „ა“ ქვეპუნქტი ჩამოყალიბდეს შემდეგი რედაქციით:

„ა) საერთაშორისო მარკეტინგისა და ტურიზმის სტიმულირების სამსახური:“;

ე) დებულების მე-5 მუხლის მე-3 პუნქტის „ა“ ქვეპუნქტს დაემატოს შემდეგი შინაარსის „ა.ზ“, „ა.თ“, „ა.ი“, „ა.კ“ და „ა.ლ“ ქვეპუნქტები:

„ა.ზ) ხელს უწყობს სხვადასხვა უცხოელი სპეციალისტისა და ექსპერტის მოწვევას ქვეყნის გასაცნობად. შემდგომში, ერთობლივი პროექტების განხორციელების მიზნით;

ა.თ) თავისი კომპეტენციის ფარგლებში ორგანიზებას უწევს აჭარის ავტონომიური რესპუბლიკის მონაწილეობას უცხოეთსა და ადგილობრივ ბაზარზე მოწყობილ გამო­ფენებში, ბაზრობებში, კონფერენციებსა და სხვა ღონისძიებებში;

ა.ი) ხელს უწყობს დეპარტამენტის საერთაშორისო პარტნიორების მოძიებას და მათთან კომუნიკაციის დამყარებას;

ა.კ) ხელს უწყობს დეპარტამენტის მონაწილეობას საერთაშორისო პროექტებში, ღონისძიებებსა  და აქტივობებში;

ა.ლ) ამყარებს კომუნიკაციას საქართველოს ტურიზმის ეროვნულ ადმინისტრა­ციასთან, სახელმწიფო და მუნიციპალურ ორგანოებსა  და სხვა უწყებებთან შემდგომი თანამშრომლობის მიზნით ერთობლივი პროექტების განსახორციელებლად.“;

ვ) დებულების მე-5 მუხლის მე-3 პუნქტის „ე“ ქვეპუნქტის „ე.ე“ ქვექვეპუნქტი ჩამოყალიბდეს შემდეგი რედაქციით:

„ე.ე) ახორციელებს დეპარტამენტის პროფესიულ საჯარო მოხელეთა პირადი საქმეების შედგენასა და წარმოებას, თავისი კომპეტენციის ფარგლებში თავმჯდომარის ინდივიდუალურ-სამართლებრივი აქტების პროექტების მომზადებასა და რეგისტრაციას, დეპარტამენტის პროფესიულ საჯარო მოხელეთა შეფასებას და არსებული ვაკანტური თანამდებობების დასაკავებლად კონკურსის ჩატარების ორგანიზაციული საკითხების მოგვარებას;“;

ზ) დებულების მე-5 მუხლის მე-3 პუნქტის „თ“ ქვეპუნქტი ჩამოყალიბდეს შემდეგი რედაქციით:

„თ) შიდა ტურიზმის სტიმულირებისა და საზოგადოებასთან ურთიერთობის სამსახური:

თ.ა) უზრუნველყოფს შიდა ტურიზმის სტიმულირების ხელშეწყობის მიზნით სხვადასხვა პროექტების დაგეგმვასა და განხორციელებას;

თ.ბ) ახდენს სამსახურის საქმიანობის ფარგლებში, საქართველოში არსებული მედიის წარმომადგენლების, ბლოგერების, ტურ-ოპერატორების, ფოტოგრაფების, ექსპერ­ტების, ტურიზმის სფეროს სხვადასხვა მიმართულებისა და ტურიზმის მასტიმუ­ლი­რებელი სხვა დარგების წარმომადგენლებისათვის სარეკლამო, გაცნობითი და მოგზაუ­რობის მასტიმულირებელი ტურების მოწყობას აჭარის ავტონომიურ რესპუბლიკაში; 

თ.გ) უზრუნველყოფს აჭარის ავტონომიური რესპუბლიკის  მასშტაბით არსებული და ახალი ტურისტული ადგილებისა და პროდუქტების განვითარების, რეკლამირებისა და მოგზაურობის სტიმულირების ხელშეწყობის მიზნით, სხვადასხვა აქტივობების დაგეგმვასა და განხორციელებას;

თ.დ) ახდენს შიდა ტურისტული ნაკადის გაზრდისა და მოგზაურობის სტიმუ­ლირების მიზნით, ტურისტულად მიმზიდველ ადგილებში, სხვადასხვა ტიპის ღონის­ძიების დაგეგმვასა (კულტურული, სპორტული ღონისძიებები, ფესტივალები და სხვა) და განხორციელებას;

თ.ე) უზრუნველყოფს აჭარის ავტონომიური რესპუბლიკის  მასშტაბით არსებული და ახალი ტურისტული ადგილებისა და პროდუქტის განვითარებისა და მათი ცნობა­დობის გაზრდის ხელშეწყობის მიზნით დაგეგმილი სხვადასხვა აქტივობების განხორციელებას;

თ.ვ) უზრუნველყოფს აჭარის ავტონომიური რესპუბლიკის ტურისტული ადგი­ლებისა და აქტივობების პოპულარიზაციის მიზნით ქვეყნის მასშტაბით დაგეგმილ ღონისძიებებში თანამონაწი­ლეობას (სახალხო დღესასწაულები, ფესტივალები და სხვა);

თ.ზ) მონაწილეობს შიდა ტურიზმის სტიმულირების მიზნით საჭირო კვლევების ჩასატარებლად ტექნიკური დავალების მომზადებაში;

თ.თ) უზრუნველყოფს დეპარტამენტის საქმიანობის წარმოჩენას, საქმიანობის გამჭვირვალობის უზრუნველყოფას, მისი იმიჯის ფორმირებასა და დაცვას, ასევე, საზო-გადოებისათვის ინფორმაციის მიწოდებას დეპარტამენტის საქმიანობის, მიღწევებისა და სამომავლო პერსპექტივების შესახებ.“.