„ცალკეულ შემთხვევებში გადასახადის გადამხდელისათვის საგადასახადო ანგარიშფაქტურის, საგადასახადო დოკუმენტის გამოწერის/დადასტურების და სასაქონლო ზედნადების გამოწერის გადამხდელის მიერ გამოწერილი ელექტრონული საგადასახადო ანგარიშ-ფაქტურის გამოყენების სპეციალური წესის განსაზღვრის შესახებ“ ინსტრუქციის დამტკიცების თაობაზე“ შემოსავლების სამსახურის უფროსის 2022 წლის 16 თებერვლის №3751 ბრძანებაში ცვლილების შეტანის თაობაზე

შემოსავლების სამსახურის  უფროსის

ბრძანება №14558

2023 წლის 23 ივნისი

ქ. თბილისი

„ცალკეულ შემთხვევებში გადასახადის გადამხდელისათვის საგადასახადო ანგარიშფაქტურის,  საგადასახადო დოკუმენტის გამოწერის/დადასტურების და სასაქონლო ზედნადების გამოწერის გადამხდელის მიერ გამოწერილი ელექტრონული საგადასახადო ანგარიშ-ფაქტურის გამოყენების სპეციალური წესის განსაზღვრის შესახებ“ ინსტრუქციის დამტკიცების თაობაზე“ შემოსავლების სამსახურის უფროსის 2022 წლის 16 თებერვლის №3751 ბრძანებაში ცვლილების შეტანის თაობაზე

შემოსავლების სამსახურის უფროსის 2022 წლის 16 თებერვლის №3751 ბრძანებაში ცვლილების შეტანის თაობაზე „საჯარო   სამართლის   იურიდიული   პირის – შემოსავლების   სამსახურის  დებულების დამტკიცების შესახებ“  საქართველოს  ფინანსთა  მინისტრის   2011 წლის   23 მაისის №303  ბრძანებით დამტკიცებული დებულების მე-3 მუხლის მე-2 პუნქტის „ზ“ და „უ“ ქვეპუნქტების, „გადასახადების ადმინისტრირების შესახებ“  საქართველოს  ფინანსთა  მინისტრის   2010 წლის    31 დეკემბრის  №996 ბრძანებით დამტკიცებული ინსტრუქციის  56³ მუხლის პირველი პუნქტის „გ“ ქვეპუნქტისა და ამავე მუხლის მე-3 პუნქტის „ბ“ ქვეპუნქტის, ასევე საქართველოს ზოგადი ადმინისტრაციული კოდექსის 63-ე მუხლის საფუძველზე, ვბრძანებ:

მუხლი   1. „ცალკეულ   შემთხვევებში   გადასახადის   გადამხდელისათვის   საგადასახადო  ანგარიშ- ფაქტურის, საგადასახადო   დოკუმენტის   გამოწერის/დადასტურების   და სასაქონლო  ზედნადების გამოწერის უფლების შეზღუდვის და გადასახადის გადამხდელის მიერ გამოწერილი ელექტრონული საგადასახადო ანგარიშ-ფაქტურის გამოყენების სპეციალური წესის განსაზღვრის შესახებ“ ინსტრუქციის დამტკიცების თაობაზე“ შემოსავლების სამსახურის უფროსის 2022 წლის 16 თებერვლის  №3751 ბრძანებით დამტკიცებულ ინსტრუქციაში შეტანილ იქნეს შემდეგი ცვლილება:

1. მე-2 მუხლის პირველი პუნქტის „ბ“ ქვეპუნქტი ჩამოყალიბდეს შემდეგი შინაარსით:

„ბ) თუ კვალიფიციური დღგ-ის  გადამხდელის სტატუსის მქონე პირს ნებისმიერი უწყვეტი 12 კალენდარული თვის  განმავლობაში  არ  წარუდგენია  საგადასახადო  დეკლარაცია/გაანგარიშება (გარდა პირის   ქონების  გადასახადის დეკლარაციისა/გაანგარიშებისა) ან   წარადგინა და მის საფუძველზე დასარიცხი გადასახადის თანხა ერთ ლარს არ აღემატება.

2. მე-8 მუხლს დაემატოს მე-8 პუნქტი შემდეგი შინაარსით:

8. პირს, რომელზეც ვრცელდება ამ ინსტრუქციით განსაზღვრული შეზღუდვები, ასევე ეზღუდება საგადასახადო ანგარიშ-ფაქტურების  და  საგადასახადო  დოკუმენტების მატერიალური  ფორმით გატანა.