„საქართველოს კანონით „საქართველოს ადმინისტრაციულ სამართალდარღვევათა კოდექსი“, საქართველოს კანონით „ნარჩენების მართვის კოდექსი“ და საქართველოს ორგანული კანონით „საქართველოს საარჩევნო კოდექსი“ გათვალისწინებულ ცალკეულ სამართალდარღვევაზე ადმინისტრაციული სამართალდამრღვევის ოქმისა და საჯარიმო ქვითრის - ადმინისტრაციული სამართალდარღვევის ოქმის ფორმების, მათი შინაარსის, შედგენის, გამოყენების, ჩაბარებისა და აღრიცხვა-ანგარიშგების წესის დამტკიცების შესახებ“ კასპის მუნიციპალიტეტის საკრებულოს 2023 წლის 22 მაისი №15 დადგენილებაში ცვლილების შეტანის თაობაზე

ა) დადგენილების 1-ელ მუხლში შევიდეს ცვლილება და ჩამოყალიბდეს შემდეგი რედაქციით:

„მუხლი 1.   საქართველოს კანონის „საქართველოს ადმინისტრაციულ სამართალდარღვევათა კოდექსი“ 209³, 51³, 53³, 55-ე, 55³ -ე, 127¹ მუხლის მე-5 ნაწილით, 145-ე მუხლით , საქართველოს კანონის „ნარჩენების მართვის კოდექსი“ 31-ე-35-ე მუხლებით, 36-ე მუხლის პირველი და მე-2 ნაწილებით, 39-ე მუხლით, 43-ე მუხლის პირველი ნაწილითა და 46-ე მუხლით და საქართველოს ორგანული კანონის „საქართველოს საარჩევნო კოდექსი“ მე-80 მუხლით გათვალისწინებულ სამართალდარღვევებს განიხილავს კასპის მუნიციპალიტეტის მერიის ზედამხედველობის სამსახურის საჯარო მოსამსახურე, ხოლო საქართველოს კანონის „ადმინისტრაციულ სამართალდარღვევათა კოდექსი“   46​ ⁵ , 46​ ⁶ , 172​ ⁸  და 172 ^{​ 9}   მუხლებით გათვალისწინებული შემთხვევებში  – კასპის მუნიციპალიტეტის ადმინისტრაციული სამსახურის შესაბამისი თანამდებობის პირი.“;

ბ) დადგენილებით დამტკიცებული დანართი №1-ის მე-3 მუხლის მე-4 პუნქტში შევიდეს ცვლილება და ჩამოყალიბდეს შემდეგი რედაქციით:

„4. თუ სამართალდამრღვევს არა აქვს პიროვნების დამადასტურებელი საბუთები და არ არიან მოწმეები, რომლებსაც შეუძლიათ მიაწოდონ საჭირო ცნობები მის შესახებ ოქმის შემდგენ პირს, საქართველოს კანონის „საქართველოს ადმინისტრაციულ სამართალდარღვევათა კოდექსის“ 24³ მუხლის 2¹ ნაწილის შესაბამისად, შეიძლება  სამართალდამრღვევი საამისოდ უფლებამოსილმა პირმა მიიყვანოს პოლიციაში.“.